Chapter
၁၀
တၢင်းဢၼ်ယိုၼ်လႄႈတွင်းပၢၼ်ႇဢပျႅတ်ႈ
၁ ၼႂ်းမိူဝ်ႈဢၼ်ဢေႇၸရ ၼမ်ႉတႃတူၵ်းယူႇၶုပ်ႉမူပ်ႇၵႃႈတီႈၽၢႆႇၼႃႈႁိူၼ်းၸဝ်ႈယူႇသေလႄႈတွင်းပၢၼ်ႇႁဵတ်းပထၼႃႇယူႇၼၼ်ႉၸိုင် ပရိၵ်ႈသၢတ်ႈဢၼ်ၼမ်ၼႃႇလူင်လၢင် ၵူၼ်းၸၢႆးၵူၼ်းယိင်းလုၵ်ႈဢွၼ်ႇမဵဝ်းဢိသရေႇလ ၸိူဝ်းၼၼ်ႉဢွၼ်ၵၼ်ၸူႉၵၼ်တုမ်ၵၼ်ၵႃႈတီႈမၼ်းလႄႈ ၵူၼ်းတင်းလၢႆဢွၼ်ၵၼ်ႁွင်ႉႁႆႈၼႃႇ လူင်လၢင်ဢေႃႈ။
၂ သေႇၵၼိလုၵ်ႈၸၢႆးယေႇႁေႇလမဵဝ်းဢေႇလမ်ႇ ၼၼ်ႉၶိုၼ်းလၢတ်ႈတီႈဢေႇၸရ လႄႈဝႃႈ၊-ႁဝ်းၼႆႉဢွၼ်ၵၼ်ၽိတ်းပိူင်ႈၽြႃးပဵၼ်ၸဝ်ႈႁဝ်းလႄႈ ႁူမ်ႈပွင်းလူၺ်ႈၵၼ်တင်းမေႈယိင်းၵူၼ်းတၢင်ႇၸိူဝ်ႉတၢင်ႇမဵဝ်း ဢၼ်ယူႇၵႃႈတီႈမိူင်းၼႆႉၸိူဝ်းၼၼ်ႉယဝ်ႉ။ၼႂ်းဝႃႈၼၼ်သေၵေႃႈၼႂ်းဢမူႉၼႆႉတီႈဢၼ်မဵဝ်း ဢိသရေႇလ လီမုင်ႈမွင်းၼၼ်ႉယင်းမီးယူႇဢေႃႈ။
၃ ပိူဝ်ႈၼႆလႄႈ ဢွၼ်ၵၼ်ႁဵတ်းပတိၺိၼ်ႇလူၺ်ႈၵၼ်တင်းၽြႃးပဵၼ်ၸဝ်ႈႁဝ်း လူၺ်ႈလွင်ႈဢၼ်ႁဝ်းတၵ်းၸုၼ်ႉပႅတ်ႈမေႈယိင်းၸိူဝ်းၼၼ်ႉ တင်းသဵင်ႈတင်းလူင်ဢိၵ်ႇတင်းလုၵ်ႈၶဝ်လၢၼ်ၶဝ် ၸွမ်းၵႃႈၼင်ႇဢၼ်ၸဝ်ႈႁဝ်းတင်းၶဝ်ၸိူဝ်းဢၼ်ၵူဝ်ႁႄ ပိင်းၺၢပ်ႈၽြႃးပဵၼ်ၸဝ်ႈႁဝ်းထၢၼ်ႈပေႃးသၼ်ႇပေႃးဝႆ ၸိူဝ်းၼၼ်ႉပၼ်သတိၼၼ်ႉတႃႉႁဝ်း။ဢွၼ်ၵၼ်ၸီႇယၢင်ႇဢမူႉၼႆႉၸွမ်းၵႃႈ ၼင်ႇဢၼ်တြႃးမီးၼၼ်ႉတႃႉႁဝ်း။လုၵ်ႉသေၵမ်းၶႃႈ။
၄ ဢမူႉၼႆႉၸၢပ်ႈသႅင်ႇၵၼ်တင်းၸဝ်ႈႁဝ်းလႄႈ ႁဝ်းၶႃႈၵေႃႈဢွၼ်ၵၼ်မီးယူႇၽၢႆႇၸဝ်ႈႁဝ်းၶႃႈဢေႃႈ။မီးၸႂ်ဢၼ်ႁတ်းႁၢၼ်သေလႄႈႁဵတ်းသေၵမ်းၶႃႈ၊ ဝႃႈၼင်ႇၼႆဢေႃႈ။
၅ ဢေႇၸရၵေႃႈလုၵ်ႉလႄႈႁႂ်ႈၶဝ်ၸိူဝ်းဢၼ်ပဵၼ်ငဝ်ႈပဵၼ်ႁူဝ်ၼႂ်းယိတ်ႉပရေႃးႁိၵ်ႈ ဢိၵ်ႇတင်းၵူၼ်းမဵဝ်းလေႇဝိ တင်းလၢႆတင်းၵူၼ်းမဵဝ်းဢိသရေႇလ တင်းသဵင်ႈတင်းလူင်ၼၼ်ႉ ၵိၼ်ႇဝႃႈလူၺ်းလွင်ႈဢၼ်ၶဝ်တၵ်းလႆႈႁဵတ်းၸွမ်းၵႃႈၼင်ႇၵႂၢမ်း ၼၼ်ႉလႄႈၶဝ်ၼၼ်ႉ ၵေႃႈဢွၼ်ၵၼ်ၵိၼ်ႇဝႃႈဢေႃႈ။
၆ မိူဝ်ႈၼၼ်ႉဢေႇၸႃႇရလုၵ်ႉသေၵႃႈတီႈ ၽၢႆႇၼႃႈႁိူၼ်းၽြႃးပဵၼ်ၸဝ်ႈလႄႈၶဝ်ႈၵႂႃႇၵႃႈၼႂ်းလုၵ်းယေႃးႁၼၼ်ႇ လုၵ်ႈၸၢႆးဢေႇလျႃႇသိပ်ႉၼၼ်ႉသေယဝ်ႉယင်းဢမ်ႇၵိၼ်ၶဝ်ႈမုၼ်း ယင်းဢမ်ႇၵိၼ်ၼမ်ႉလႄႈယူႇဢေႃႈ။
၇ လွင်ႈမၼ်းၸမ်းမၼ်းၶၢင်းၶီၶၢင်းၽၢၼ်ပွင်ႉမိူၼ်ႇ ၵွပ်ႈပိူဝ်ႈဢပျႅတ်ႈၶဝ်ၸိူဝ်းဢၼ်လႆႈၶၢမ်ႇ တၢင်းဢၼ်သိမ်းဢဝ်ၵႂႃႇၼၼ်ႉဢေႃႈ။ ၶဝ်ဢွၼ်ၵၼ်ပၢဝ်ႇသေႃႇၵႃႈၼႂ်းမိူင်း ယုတတင်းဝဵင်းယေႇရုသလႅမ်ႇ ႁႂ်ႈၶဝ်ၸိူဝ်းဢၼ်လႆႈၶၢမ်ႇတၢင်းဢၼ်သိမ်းဢဝ်ၵႂႃႇၸိူဝ်းၼၼ်ႉ ၸူႉၵၼ်တုမ်ၵၼ် ၵႃႈတီႈဝဵင်းယေႇရုသလႅမ်ႇဢေႃႈ။
၈ ၶဝ်ၸိူဝ်းဢၼ်ဢမ်ႇမႃးႁွတ်ႈမႃးၼႂ်းသၢမ်ဝၼ်းၼၼ်ႉ ၸွမ်းၵႃႈၼင်ႇဢၼ်ၶုၼ်တင်းလၢႆ တင်းၶဝ်ၸိူဝ်းဢၼ်ပဵၼ်ၵႄႇပဵၼ်ႁူဝ်ၶဝ်ၸီႇယၢင်ႇၼၼ်ႉ ၶဝ်တၵ်းလႆႈၸုၼ်ႉပႅတ်ႈဢုၵ်ႉၸႃႇၶွင်ၶူဝ်းၶဝ်ၵႃႈမီးလႄႈ လႆႈၶၢမ်ႇတၢင်းဢၼ်ဢၼ်ႁေႃႈဢွၵ်ႇပႅတ်ႈသေၵႃႈၼႂ်းၽုင်မူႇၸိူဝ်း ဢၼ်ၶၢမ်ႇတၢင်း ဢၼ်သိမ်းဢဝ်ၵႂႃႇၸိူဝ်းၼၼ်ႉဢေႃႈ။
၉ မိူဝ်ႈၼၼ်ႉၵူၼ်းၸၢႆးမဵဝ်းယုတတင်းမဵဝ်းပိၼ်ႇယႃႇမိၼ်ႇ တင်းသဵင်ႈတင်းလူင်ၼၼ်ႉၼႂ်းသၢမ်ဝၼ်းၵူၺ်း ၶဝ်ၸူႉၵၼ်တုမ်ၵၼ်ၵႃႈတီႈဝဵင်းယေႇရုသလႅမ်ႇလႄႈ ၼႂ်းလိူၼ်ပထမသၢဝ်းဝၼ်းၼၼ်ႉ ၵူၼ်းတင်းသဵင်ႈတင်းလူင်ဢွၼ်ၵၼ်ၼင်ႈယူႇၼႂ်းၵၢင်ပၢင်ႇၵႃႈတီႈၼႃႈႁိူၼ်းၽြႃးပဵၼ်ၸဝ်ႈသၼ်ႇသၼ်ႇဝႆဝႆယူႇ ၵွပ်ႈပိူဝ်ႈၽူၼ်တူၵ်းၽူၼ်သိင်းၼႃႇလူင်လၢင်ၼၼ်ႉဢေႃႈ။မိူဝ်ႈၼၼ်ႉယိတ်ႉပရေႃးႁိၵ်ႈဢေႇၸရ လုၵ်ႉလႄႈလၢတ်ႈတီႈၶဝ်လႄႈဝႃႈ၊- သူၼႆႉၽိတ်းပိူင်ႈယဝ်ႉ။ သူဢွၼ်ၵၼ်ႁူမ်ႈပွင်းလူၺ်ႈၵၼ်တင်း မေႈယိင်းၵူၼ်းတၢင်ႇၸိူဝ်ႉတၢင်ႇမဵဝ်းလႄႈႁႂ်ႈဢပျႅတ်ႈမဵဝ်းဢိသရေႇလ လႆႈယႂ်ႇၽႄႈတူဝ်း တွၼ်းမႃးယဝ်ႉလူင်ပေႇ။
၁၀ ပိူဝ်ႈၼႆလႄႈဢွၼ်ၵၼ်တွင်းပၢၼ်ႇတီႈ ထႃႇဝရႃႉၽြႃးၽြႃးပဵၼ်ၸဝ်ႈပူႇမွၼ်ႇသူ တႃႉ။
၁၁ ဢွၼ်ၵၼ်ႁဵတ်းၸွမ်းဢလူဝ်ႇမၼ်းၸဝ်ႈသေလႄႈ ၽၢတ်ႇယၢၼ်ၵၼ်တင်းၵူၼ်းမိူင်းၼႆႉဢိၵ်ႇတင်းမေႈယိင်း ၵူၼ်းတၢင်ႇၸိူဝ်ႉတၢင်ႇမဵဝ်းၸိူဝ်းၼၼ်ႉသေ တႃႉ၊ဝႃႈၼင်ႇၼႆဢေႃႈ။
၁၂ ပရိၵ်ႈသၢတ်ႈတင်းသဵင်ႈတင်းလူင်ၵေႃႈ ဢွၼ်ၵၼ် ႁဵတ်းတင်းသဵင်ဢၼ်ယႂ်ႇၼႃႇလူင်ႇလၢင်သေလႄႈၶိုၼ်းလၢတ်ႈလႄႈဝႃႈ၊-ႁဝ်းၶႃႈတၵ်းႁဵတ်းၸွမ်းၵႃႈၼင်ႇဢၼ်ၸဝ်ႈႁဝ်းမီးဢမိင်ႉၼၼ်ႉၶႃႈဢေႃႈ။ၵူၺ်းၵႃႈၵူၼ်းၼမ်ၼႃႇၶႃႈဢေႃႈ။
၁၃ ပဵၼ်ၶိင်ႇဢၼ်ၽူၼ်တူၵ်းၽူၼ်သိင်းၼႃႇလူင်လၢင်လႄႈ ႁဝ်းၶႃႈဢမ်ႇၸုၵ်းဢမ်ႇယူႇၵႃႈတီႈၼွၵ်ႈႁိူၼ်းလႆႈၶႃႈ။ဢမူႉၼႆႉပဵၼ်ဢမူႉဢၼ်ယဝ်ႉတူဝ်ႈၼႂ်းဝၼ်းၼိုင်ႈသွင်ဝၼ်းၵူၺ်းဢမ်ႇၸႂ်ႈၶႃႈ။ႁဝ်းၶႃႈၽိတ်းပိူင်ႈၼႃႇ လူင်လၢင်ၶႃႈယဝ်ႉ။
၁၄ ႁႂ်ႈၶုၼ်ႁဝ်းၶႃႈၸုၵ်းယူႇၵႃႈၼႂ်းပရိၵ်ႈသၢတ်ႈတင်းသဵင်ႈတင်းလူင်သေလႄႈ ႁႂ်ႈၶဝ်ၸိူဝ်းဢၼ်ႁူမ်ႈပွင်းလူၺ်ႈၵၼ်တင်း မေႈယိင်းၵူၼ်းတၢင်ႇၸိူဝ်ႉတၢင်ႇမဵဝ်း ဢၼ်မီးၵႃႈၼႂ်းဝဵင်းၽႂ်ဝဵင်းမၼ်းၸိူဝ်းၼၼ်ႉဢွၼ်ၵၼ်ဢွၵ်ႇမႃး ၸွမ်းၶဝ်ၸိူဝ်းဢၼ်ပဵၼ်ၵႄႇပဵၼ်ႁူဝ် တင်းၵူၼ်းယႂ်ႇၵူၼ်းလူင်တြႃးၼႂ်းၶိင်ႇဢၼ်မၵ်းၶႅၼ်းဝႆႉၼၼ်ႉတေႃႇထိုင်ႁွတ်ႈထၢၼ်ႈပေႃး
တင်းၸႂ်မႆႈၶႆႈၸႃႉၽြႃးပဵၼ်ၸဝ်ႈ ဢၼ်ဢွၵ်ႇၵွပ်ႈပိူဝ်ႈဢမူႉၼႆႉၼၼ်ႉပူၼ်ႉသေႁဝ်းၶႃႈၵႂႃႇသေၵမ်းၶႃႈ၊ ဝႃႈၼင်ႇ ၼႆဢေႃႈ။
၁၅ ယေႃးၼသၼ်ႇလုၵ်ႈၸၢႆးဢႃႇသႁေႇလဢိၵ်ႇတင်းယႁႃႇၸိ လုၵ်ႈၸၢႆးတိၵဝၼၼ်ႉၵူၺ်းဢွၼ်ၵၼ်ၸုၵ်းယူႇၽၢႆႇၼိုင်ႈတင်းဢမူႉၼၼ်ႉဢေႃႈ။မေႇသုလမ်ႇ ဢိၵ်ႇတင်း သပ်ႉပသေႇၵူၼ်းမဵဝ်းလေႇဝိၼၼ်ႉ ၽွမ်ႉႁူမ်ႈၸွႆႈထႅမ်သွင်ၶႃၼၼ်ႉဢေႃႈ။
၁၆ ၵႃႈၼင်ႇဢၼ်ၶဝ်ၸိူဝ်းဢၼ် လႆႈၶၢမ်ႇတၢင်းဢၼ် သိမ်းဢဝ်ၵႂႃႇႁပ်ႉတုင်းဢဝ်ၼၼ်ႉယိတ်ႉပရေႃးႁိၵ်ႈဢေႇၸရ ဢိၵ်ႇတင်းၶဝ်ၸိူဝ်းဢၼ်ပဵၼ်ငဝ်ႈပဵၼ်ႁူဝ်ၼႂ်းမဵဝ်း ပူႇပေႃႈၶဝ်ၸွမ်းလူၺ်ႈၵၼ်မဵဝ်းပူႇမဵဝ်းပေႃႈၶဝ် ဢၼ်လႆႈၶၢမ်ႇတၢင်းဢၼ်မၢတ်ႈမၢႆၸိုဝ်သဵင်ၵႃႈမီးၼၼ်ႉ လႆႈၶၢမ်ႇတၢင်းဢၼ်ၽႄဝႆႉလႄႈ ၼႂ်းလိူၼ်တသမဝၼ်းၼိုင်ႈၼၼ်ႉၶဝ်ဢွၼ်ၵၼ်ၼင်ႈ ႁႂ်ႈလႆႈၸႅတ်ႈထၢမ်ၸႅတ်ႈတူၺ်း ဢမူႉၼၼ်ႉဢေႃႈ။
၁၇ ၶဝ်ဢွၼ်ၵၼ်ၸႅတ်ႈဢမူႉၶဝ်ၸိူဝ်းဢၼ် ႁူမ်ႈပွင်းပဵၼ်ၵူပ်းပဵၼ်ၵူႈလူၺ်ႈၵၼ်တင်းမေႈယိင်းၵူၼ်းတၢင်ႇၸိူဝ်ႉတၢင်ႇမဵဝ်းၵႃႈမီးၼၼ်ႉ ၼႂ်းလိူၼ်ပထမဝၼ်းၼိုင်ႈၼၼ်ႉဢေႃႈ။
ဢပျႅတ်ႈဢၼ်ၽိတ်းပိူင် ၼႂ်းတၢင်းဢၼ်တႄႇၼႃႈႁိူၼ်း
၁၈ ၵူၼ်းမဵဝ်းယိတ်ႉပရေႃးႁိၵ်ႈ ဢၼ်ႁူမ်ႈပွင်းပဵၼ်ၵူပ်းပဵၼ်ၵူႈလူၺ်ႈၵၼ်တင်း မေႈယိင်းၵူၼ်းတၢင်ႇၸိူဝ်ႉတၢင်ႇမဵဝ်းၸမ်းပဵၼ် လုၵ်ႈၸၢႆးယေႃႇၸတၵ်ႉ မဵဝ်းယေႃးသုဢိၵ်ႇတင်းၼွင်ႉၸၢႆးမၼ်းမႃႇသေႇယ၊ ဢေႇလျႃႇၸႃႇ၊
ယႃႇရိပ်ႉ၊ၵေႇတလိဢေႃႈ။
၁၉ ၶဝ်ၼၼ်ႉဢွၼ်ၵၼ်ယိုၼ်းမိုဝ်းပၼ်ၵတိလွင်ႈဢၼ် ၶဝ်တၵ်းပႅတ်ႈမေးၶဝ်ၼၼ်ႉသေလႄႈ ဢဝ်သူဝ်းပေႃႈပုၵ်ႉၸေႃႇပုၼ်ႈဢပျႅတ်ႈၶဝ်ၵွပ်ႈပိူဝ်ႈဢၼ်ၶဝ်ႈႁဵတ်းဢပျႅတ်ႈမႅၼ်ႈၼၼ်ႉဢေႃႈ။
၂၀ ၼွၵ်ႈသေၼၼ်ႉပိၼ်ႇႁႃႇၼၼ်ႇ တင်းၸေႇပတိမဵဝ်းဢိမေႇရ၊မႃႇသေႇယ၊ဢေးလိယ၊သေႇမႃႇယ၊ ယေႇႁေႇလ၊
၂၁ ဢေႃႇၸိမဵဝ်းႁႃႇရိမ်ႇ၊ ဢေႇလိဢေႃႇၼေႇ၊မေႇသေႇယ၊ဢိသမေႇလ၊ၼႃႇသၼေႇလ၊ ယေႃႇၸပတ်ႉ၊
၂၂ ဢေႇလႃႇသမဵဝ်းပသုရယေႃႇၸပတ်ႉ၊ သိမိ၊ၵေႇလႃႇယ ဢၼ်ဝႃႈ ၵေႇလိတ၊ပေႇသႃႇႁိ၊ယုတ၊ဢေႇလျႃႇ ၸႃႇၵူၼ်းမဵဝ်းလေႇဝိဢေႇလျႃႇသိပ်ႉ
၂၃ ဢၼ်ပဵၼ်မေႃႁဵတ်းၵႂၢမ်းတင်းသႃႇလုမ်ႇ၊တေႇလိမ်ႇ၊ ဢုရိဢၼ်ပဵၼ် ၵူၼ်းပႂ်ႉၽၵ်းတူ၊
၂၄ ရႃႇမိ၊ယေႇၸိ၊ မႃႇလၵိယ၊ပေႇၼႃႇယမဵဝ်းပႃႇရုတ်ႉၼႂ်းမဵဝ်းဢိသရေႇလ၊မတ်ႉတၼိ၊ ၸႃႇ ၶရိ၊ယေႇႁေႇလ၊
၂၅ ဢႃႇပတိ၊ယေႇရမုတ်ႉ၊ ဢေႇလျႃႇမဵဝ်းဢေႇလမ်ႇ၊ ဢေႇလိဢေႃႇၼေႇ၊ဢေႇလျႃႇသိပ်ႉ၊
၂၆ မတ်ႉတၼိ၊ယေႇရမုတ်ႉ၊ၸႃႇပတ်ႉ၊ဢၸိၸ မဵဝ်းၸတ်ႉ တု၊
၂၇ ယေႃးႁၼၼ်ႇ၊ႁႃႇၼၼိ၊ ၸပ်ႉပေႇ၊ဢႃႇသလေႇ မဵဝ်းပေႇပေႇ၊မေႇသုလမ်ႇ၊
၂၈ မႃႇလုတ်ႉ၊ဢတႃႇယ၊ယႃႇ သုပ်ႉ၊သႃႇလ၊
၂၉ ရမုတ်ႉမဵဝ်းပႃႇၼိ၊ဢတၼ၊ၶေႇလႃႇယ၊
ပေႇၼႃႇယ ၊မႃႇသေႇယ၊မတ်ႉတၼိ၊ပေႇၸလေႇလ၊
၃၁ ပိၼိ၊မၼႃႇသေမဵဝ်းပႃႇႁတ်ႉမေႃႇၽ၊ ဢေႇလႃႇၸႃႇ၊
၃၂ ဢိသိယ မႃႇလၶိ သေႇမႃႇယ သိမွင်ႇ ပိၼ်ႇယႃႇမိၼ်ႇမႃႇလုတ်ႉ၊
၃၃ သေႇမရိမဵဝ်းႁႃႇရိမ်ႇ၊ မတ်ႉတၼေႇ၊ မတ်ႉတ ထ၊ၸႃႇပတ်ႉ၊
၃၄ ဢေႇလိၽလိတ်ႉ၊ ယေႇရမေႇမၼႃႇသေႇသိမိမဵဝ်းႁႃႇသုမ်ႇ၊
၃၅ မႃႇတေႇ၊ဢႃႇမရမ်ႇ၊ဝေႇလ၊ ပေႇ ၼႃႇယ၊ပေႇတိ၊
၃၆ ၶေႇလုႁိ၊ဝႃႇၼိ၊ မေႇရမုတ်ႉ၊ဢေႇလျႃႇ သိပ်ႉ၊
၃၇ မတ်ႉတၼိ၊မတ်ႉတၼေႇ၊ယႃႇသေႃႇ၊ပႃႇၼိ၊ ပိၼိ၊
၃၈ သိမိ၊သေႇလမိ၊ၼႃႇသၼ်ႇ၊ဢတႃႇယ၊ မႃႇၶၼတေႇ ပေႇ၊
၃၉ သႃႇသေႇ၊ သႃႇရေႇ၊ဢႃႇၸရေႇလ၊ သေႇလမိ၊
၄၀-၄၁ သေႇမရိ၊သႃႇလုမ်ႇ၊ ဢႃႇမရိ၊ ယေႃႇသိပ်ႉမဵဝ်း ပႃႇၼိ၊
၄၂ ယေႇယေႇလ၊မတ်ႉတိသိ၊ ၸႃႇပတ်ႉ၊ၸေႇပိၼ၊ ယႃႇတေႃႇ၊
၄၃ ယုဝ်းဢေႇလ၊ ပေႇၼႃႇယမဵဝ်းၼေႇပေႃႇ ဢေႃႈ။
၄၄ ၵူၼ်းတင်းသဵင်ႈတင်းလူင်ၸိူဝ်းၼႆႉလႆႈႁူမ်ႈပွင်းပဵၼ်ၵူပ်းပဵၼ်ၵူႈ လူၺ်ႈၵၼ်တင်းမေႈယိင်းၵူၼ်းတၢင်ႇၸိုဝ်ႉတၢင်ႇမဵဝ်းလႄႈ မေႈယိင်းၸိူဝ်းၼၼ်ႉၵမ်ႈၽွင်ႈၵိူတ်ႇလဵင်ႉလုၵ်ႈလဵင်ႉလၢင်းဝႆႉယဝ်ႉ။