၇
မႅင်းၵႅင်းလႄႈၽႆး
၁ ၸဝ်ႈထႃႇဝရႃႉၽြႃး သမ်ႉၼႄပျႃႉတီႈၵဝ်ၸမ်း၊တူၺ်းလူ။မၼ်းၸဝ်ႈ ႁဵတ်းပဵၼ်မႅင်းၵႅင်းတင်းလၢႆၼႂ်းၶိင်ႇမိူဝ်ႈဢၼ်ပၢတ်ႇတူၼ်ႈယိူဝ်ႈတူၼ်ႈယႃႈ ဢၼ်ၵမ်းလိုၼ်းဢၼ်ၸႃႉဢွၵ်ႇၼၼ်ႉလႄႈ ပဵၼ်တူၼ်ႈယိူဝ်ႈတူၼ်ႈယႃႈဢၼ်ၵမ်းလိုၼ်း ဢၼ်ၸႃႉဢွၵ်ႇလိုၼ်းလင်ၶိင်ႇမိူဝ်ႈဢၼ်ပၢတ်ႇတူၼ်ႈယိူဝ်ႈတူၼ်ႈယႃႈ ဢၼ်ၸၢပ်ႈ သႅင်ႇၵၼ်တင်းၶုၼ်ႁေႃၶမ်းၼၼ်ႉဢေႃႈ။
၂ မႅင်းၵႅင်းၸိူဝ်းၼၼ်ႉၵိၼ်တူၼ်ႈယိူဝ်ႈယႃႈ ၵႃႈဢၼ်မီးၵႃႈၼႂ်းမိူင်းၼၼ်ႉသဵင်ႈသေယဝ်ႉၵဝ်လဝ်ႈလၢတ်လႄႈဝႃႈ၊-ၸဝ်ႈထႃႇဝရႃႉၽြႃးတီႈၶႃႈ။ၶႅၼ်းတေႃႈပွႆႇလွတ်ႈဢပျႅတ်ႈသေၵမ်းတီႈၶႃႈ။ယႃႇၵုပ်ႉၼၼ်ႉၵွပ်ႈပိူဝ်ႈဢၼ်ပဵၼ်ဢၼ်လဵၵ်ႉဢၼ်ၼွႆႉၼၼ်ႉလႄႈ ၸုၵ်းယူႇလႆႈၸိူဝ်ႉၼင်ႇႁိုဝ်တီႈ ၶႃႈ၊
၃ မိူဝ်ႈဢၼ်ဝႃႈၼင်ႇၼႆၸိုုင်ထႃႇဝရႃႉၽြႃးၶုၵ်းၸႂ်ႇလႆႈမႆႈၸႂ်ၵွပ်ႈလွင်ႈတၢင်းၼႆႉလႄႈ မီးဢမိင်ႉလႄႈဝႃႈ၊-ဢမ်ႇလႆႈပဵၼ်ၸိူဝ်ႉၼင်ႇၼႆ၊ဝႃႈၼင်ႇၼႆဢေႃႈ။
၄ ၸဝ်ႈထႃႇဝရႃႉၽြႃးသမ်ႉၼႄပျႃႉတီႈၵဝ်ထႅင်ႈၸမ်းထႃႇဝရႃႉၽြႃး ႁွင်ႉဢဝ်ႁႂ်ႈလႆႈဢဝ်ၽႆးပၼ်တၢမ်ႇလႄႈၽႆးမႆႈမႁႃႇတီႈဢၼ်လိုၵ်ႉဢၼ်လမ်ႇသေလႄႈ ႁုပ်ႇၵုင်း တီႈဢၼ်ၽႄႈဢွၵ်ႇဝႆႉယဝ်ႉၼၼ်ႉ သုတ်းပႅတ်ႈ ဢေႃႈ။
၅ ၵဝ်ၵေႃႈလၢတ်ႈလဝ်ႈလၢတ်ႈလႄႈဝႃႈ၊-ၸဝ်ႈထႃႇဝရႃႉၽြႃးတီႈၶႃႈ။ၶႅၼ်းတေႃႈသဝ်းလူးၵွၼ်ႇတီႈၶႃႈ။ ယႃႇၵုပ်ႉၼၼ်ႉၵွပ်ႈပိူဝ်ႈပဵၼ်ဢၼ်လဵၵ်ႉဢၼ်ၼွႆႉၼၼ်ႉလႄႈ တၵ်းၸုၵ်းယူႇလႆႈၸိူဝ်ႉၼင်ႇႁိုဝ်တီႈၶႃႈ၊
၆ မိူဝ်ႈဢၼ်ဝႃႈၼင်ၼႆၸိုင် ထႃႇဝရႃႉၽြႃးၶုၵ်းၸႂ်လႆႈမႆႈၸႂ်ၵွပ်ႈလွင်ႈတၢင်းၼႆႉလႄႈမီးဢမိင်ႉလႄႈဝႃႈ၊-ဢမ်ႇလႆႈပဵၼ်ၸိူဝ်ႉၼင်ႇၼႆဝႃႈၼင်ႇၼႆဢေႃႈ။
၇ မၼ်းၸဝ်ႈသမ်ႉ ၼႄပျႃႉတီႈၵဝ်ထႅင်ႈၸမ်း၊တူၺ်းလူ။ထႃႇဝရႃႉၽြႃး ၸုၵ်းယူႇၵႃႈၼိူဝ်တေးမၢၵ်ႇႁိၼ်ဢၼ်ဢဝ်ၸိူၵ်ႈၵၢင်းမႅဝ်းယွၼ်ႇလႄႈႁဵတ်းၼၼ်ႉလႄႈ ဢဝ်မိုဝ်းၸဝ်ႈယိပ်းၵမ်ၸိူၵ်ႈၵၢင်းမႅဝ်းယူႇသေလႄႈ၊ ထႃႇ ဝရႃႉၽြႃးထၢမ်တီႈၵဝ်လႄႈဝႃႈ၊-
၈ ဢႃႇမုတ်ႉဢိူၺ်း။မႂ်းႁၼ်ၵႃႈသင်၊မိူဝ်ႈဢၼ်ဝႃႈၼင်ႇၼႆၸိုင် ၵဝ်လၢတ်ႈလႄႈဝႃႈ၊-ၶႃႈၸဝ်ႈႁၼ်ၸိူၵ်ႈမၢႆမီႈတီႈၶႃႈဢေႃႈ၊ ဝႃႈၼင်ႇၼႆသေယဝ်ႉ ၸဝ်ႈထႃႇဝရႃႉၽြႃးလၢတ်ႈလႄႈဝႃႈ၊- တူၺ်းလူ။ၵဝ်တၵ်းဢဝ်ၸိူၵ်ႈၵၢင်းမႅဝ်းယွၼ်ႇတူၵ်း ၵႃႈၼႂ်းၵၢင်ၵူၼ်းၵဝ်ၵူၼ်းမဵဝ်းဢိသရေႇလ တင်း လၢႆဢေႃႈ။
၉ ၵမ်းလိုၼ်းၵဝ်တၵ်းဢမ်ႇယိူၼ်ႉဢမ်ႇၶၢမ်ႇၶဝ်။ တီႈဢၼ်သုင်ဢိၸၵ်ႉၸိူဝ်းၼၼ်ႉတၵ်းမီးတၢင်းဢၼ်သိတ်ႇယဵၼ်ယူႇ၊ တီႈဢၼ်မူတ်းၸၢင်ႇဢိသရေႇလ ၸိူဝ်းၼၼ်ႉတၵ်းမီးတၢင်းဢၼ်ပႄႇၽဵဝ်ႈပႅတ်ႈယူႇဢေႃႈ။ၵဝ်တၵ်းဢဝ်လၢပ်ႇဢဝ်လႅဝ်းတိုၵ်းတေႃးမဵဝ်းၸိူဝ်ႉၶိူဝ်းယေႇရူဝ်ႇပုမ်ႇဢေႃႈ၊ဝႃႈၼင်ႇၼႆဢေႃႈ။
ဢႃႇမုတ်ႉတင်းဢႃႇမၸိ
၁၀ မိူဝ်ႈၼၼ်ႉဢႃႇမၸိ၊ ယိတ်ႉပရေႃးႁိၵ်ႈပေႇသလၼၼ်ႉ၊ပွႆႇၸႂ်ႉၸူးၵႃႈတီႈယေႇရုဝ်ႇပုမ်ႇ၊ ၶုၼ်ႁေႃၶမ်းဢိသရေႇလ၊လႄႈသင်ႇလၢတ်ႈၵႂႃႇလႄႈဝႃႈ၊-ဢႃႇမုတ်ႉၵျၢမ်ႇပွင်တၢင်း ၵျၢမ်ႇတၢင်းပွင်ဢၼ်ဢမ်ႇလီယူႇၽၢႆႇၼိုင်ႈတင်းၸဝ်ႈႁဝ်းၵႃႈၼႂ်းၵၢင်ႇမဵဝ်းဢိသရေႇလ တီႈၶႃႈယဝ်ႉ။မိူင်းၸဝ်ႈဢမ်ႇၶၢမ်ႇၵႂၢမ်းမၼ်းၵူႈၸိူဝ်ႈၵူႈပိူင်ၼၼ်ႉ လႆႈတီႈၶႃႈ။
၁၁ လွင်ႈမၼ်းၸမ်း၊ဢႃႇမုတ်ႉလၢတ်ႈဝႃႈ၊-ယေႇရုဝ်ႇပုမ်ႇ တၵ်းလႆႈတၢႆလူၺ်ႈလၢပ်ႇလူၺ်ႈလႅဝ်းလႄႈၵူၼ်းမဵဝ်းဢိသရေႇလ တင်းလၢႆတၵ်းလႆႈၶၢမ်ႇတၢင်းဢၼ်သိမ်းဢဝ်ဢွၵ်ႇသေ ၵႃႈၼႂ်းမိူင်းၸဝ်ႈၼႆႉၵႂႃႇဢမၢၼ်ႇၶၢၼ်ပဵၼ်ဢေႃႈ၊ ဝႃႈၼင်ႇၼႆတီႈၶႃႈယဝ်ႉ ဝႃႈၼင်ႇၼႆဢေႃႈ။
၁၂ ဢႃႇမၸိသမ်ႉလၢတ်ႈတီႈဢႃႇမုတ်ႉလႄႈဝႃႈ၊-ၵေႃႉဢၼ်ႁူလႅင်းတႃပွင်ႇၼႆႉဢိူၺ်း။ ၵႂႃႇလႄႈ ဢွၵ်ႇပၢႆႈၸူးၵႃႈတီႈမိူင်းယုတပုၼ်ႉလႄႈ လဵင်ႉဢသၢၵ်ႈမႂ်းယူႇသေလႄႈ ႁဵတ်းပရေႃးၽႅတ်ႈယူႇၵႃႈ ၼႂ်းမိူင်းၼၼ်ႉတႃႉ။
၁၃ ၵမ်းလိုၼ်းယႃႇပေႁဵတ်းပရေႃးၽႅတ်ႈၵႃႈၼႂ်းဝဵင်းပေႇသလၼႆႉ။ပဵၼ်ထႃႇၼႃႉတီႈမူတ်းၸၢင်ႇၶုၼ်ႁေႃၶမ်းဢိၵ်ႇတင်း ဝဵင်းတီႈဢၼ်တႄႇႁေႃ ၶမ်းၸဝ်ႈဢေႃႈ၊ ဝႃႈၼင်ႇၼႆသေယဝ်ႉ၊ဢႃႇမုတ်ႉၶိုၼ်းလၢတ်ႈတီႈဢႃႇမၸိလႄႈဝႃႈ၊-
၁၄ ၵဝ်ၼႆႉယင်းဢမ်ႇၸႂ်ႈပရေႃးၽႅတ်ႈ၊ ယင်းဢမ်ႇပဵၼ်လုၵ်ႈၸၢႆးပရေႃးၽႅတ်ႈလႄႈပဵၼ်ၵေႃႉဢၼ်လဵင်ႉဝူဝ်း၊ ၵေႃႉဢၼ်ပိတ်းမၢၵ်ႇလိူဝ် သၢင်းၽေႃးၵူၺ်းဢေႃႈ။
၁၅ ထႃႇဝရႃႉၽြႃးၼုၵ်ႈဢဝ်ၵဝ်ဢွၵ်ႇသေ ၵႃႈၼႂ်းတီႈဢၼ်လဵင်ႉဝူဝ်းၼၼ်ႉလႄႈ မီးဢမိင်ႉတီႈၵဝ်လႄႈဝႃႈ၊-မႂ်းၵႂႃႇတႃႉ။ႁဵတ်းပရေႃးၽႅတ်ႈၵႃႈၼႂ်းၵူၼ်းၵဝ်ၵူၼ်းမဵဝ်းဢိသရေႇလ တင်းလၢႆၼၼ်ႉ တႃႉ၊ဝႃႈၼင်ႇၼႆဢေႃႈ။
၁၆ ပိူဝ်ႈၼႆလႄႈတေႃႈလဵဝ်ၼႆႉထွမ်ႇငိၼ်းဢမိင်ႉထႃႇဝရႃႉၽြႃးသေၵမ်း။မႂ်းလၢတ်ႈဝႃႈယႃႇပေႁဵတ်းပရေႃးၽႅတ်ႈ ၽၢႆႇၼိုင်ႈတင်းမဵဝ်းဢိသရေႇလ။ယႃႇပဝေႃႈဢွၵ်ႇသူပ်းၽၢႆႇၼိုင်ႈတင်းမဵဝ်း ဢိၸၵ်ႉဝႃႈၼင်ႇၼႆဢေႃႈ။
၁၇ ပိူဝ်ႈၼႆလႄႈထႃႇဝရႃႉၽြႃးမီးဢမိင်ႉၸမ်း၊ မေးမႂ်းတၵ်းပဵၼ်မေႈမွၵ်ႇယႃႈၵႃႈၼႂ်းဝဵင်းလႄႈ၊လုၵ်ႈၸၢႆးမႂ်းလုၵ်ႈယိင်းမႂ်းၸိူဝ်းၼၼ်ႉ တၵ်းလႆႈလူမ်ႉတၢႆလူၺ်လၢပ်ႇလူၺ်ႈလႅဝ်းဢေႃႈ။လိၼ်မႂ်းတၵ်းလႆႈၶၢမ်ႇတၢင်းဢၼ်ပိူၼ်ႈၶဵင်ႈၸိူၵ်ႈမႆမီႈသေလႄႈ ၽႄမႅင်ႇပၼ်ၵၼ်လႄႈတူဝ်မႂ်းတၵ်းလႆႈတၢႆၵႃႈၼႂ်းမိူင်းဢၼ်ၵူဝ်ႈၵိူၵ်ႇဢေႃႈ။မဵဝ်းဢိသရေႇလတၵ်းလႆႈၶၢမ်ႇတၢင်းဢၼ်သိမ်းဢဝ်ဢွၵ်ႇသေၵႃႈၼႂ်းမိူင်းတီႈဢၼ်ၶဝ်ယူႇၼႆႉၵႂႃႇဢမၢၼ်ႇၶၢၼ်ပဵၼ်ဢေႃႈ၊ ဝႃႈၼင်ႇၼႆဢေႃႈ။