၆
ၶဝ်ၸိူဝ်းဢၼ်မီးဢႃႉမင်ႇၵလႃႇ
၁ ၶဝ်ၸိူဝ်းဢၼ်ယူႇၵႃႈၼႂ်းဝဵင်းၸိဢုၼ်ႇ ၼိမ်ၼိမ်လီလီၶဝ်ၸိူဝ်းဢၼ်ယူလုင်ႇလီလွတ်ႈလီ ၵႃႈၼိူဝ်လွႆသမႃႇရိၶဝ်ၸိူဝ်းဢၼ်ပဵၼ် ဢၼ်ထွတ်ႈဢၼ်မျၢတ်ႈၵႃႈၼႂ်းမဵဝ်းၵူၼ်းတင်းလၢႆ၊ၶဝ်ၸိူဝ်းဢၼ်မဵဝ်း ဢိသရေႇလသုတ်ႉၸပ်းသုတ်ႉၸူးၼၼ်ႉမီးဢႃႉမင်ႇၵလႃႇဢေႃႈ။
၂ ဢွၼ်ၵၼ်ၵႂႃႇၸူးၵႃႈတီႈတီႈဝဵင်းၵႃႇလၼေႇ လႄႈလူတူၺ်းတႃႉ။သမ်ႉလုၵ်ႉသေၵႃႈတီႈဝဵင်းၼၼ်ႉၵႂႃႇၸူးၵႃႈတီႈဝဵင်းလူင်ႁႃႇမတ်ႉတႃႉ။သမ်ႉလူင်းၵႂႃႇၸူးၵႃႈတီႈဝဵင်းၵႃႇသဢၼ်ၵူၼ်းၽိလိတ်ႉတိ တင်းလၢႆယူႇၼၼ်ႉတႃႉ။သိုင်ႇၸိုင်ႈဝၢၼ်ႈမိူင်းၸိူဝ်းၼၼ်ႉ ယိင်ႈၶႅၼ်းလီၼႃႇသသေိုင်ႇၸိုင်ႈဝၢၼ်ႈမိူင်းၸိူဝ်ႉၼင်ႇႁိုဝ်။ၶွပ်ႇၼမ်ႉလႅၼ်လိၼ်ၶဝ်ၼၼ်ႉ ယိင်ႈၶႅၼ်းၵႂၢင်ႈၼႃႇသေၶွပ်ႇၼမ်ႉလႅၼ် လိၼ်သူႁိုဝ်။
၃ သူၸိူဝ်းဢၼ်ႁဵတ်းတၢင်းဢၼ်ၶၢႆႉမိုဝ်ႉၶၢႆႉဝၼ်းဢၼ်ႁၢႆႉယုတ်ႈၼၼ်ႉလႄႈ ႁႂ်ႈပလၢင်ႇတီႈဢၼ်ၸီႇယၢင်ႇဢမ်ႇတြႃးလႆႈ တႄႇယူႇၵႃႈတီႈၼၼ်ႉၸမ်း၊ တၢင်းဢၼ်ၼွၼ်းၵႃႈၼိူဝ်ၵူႇငႃးၸၢင်ႉလႄႈ
၄ ယဵတ်ႇတူဝ်လိူၼ်းတူဝ်ၵႃႈၼိူဝ်ၽႃႈၵွပ်း၊ တၢင်းဢၼ်ၼုၵ်ႈဢဝ်သူဝ်းဢွၼ်ႇတင်းလၢႆ ဢွၵ်ႇသေၵႃႈၼႂ်းၽုင်သူဝ်း၊ဝူဝ်းဢွၼ်ႇတင်းလၢႆ ဢွၵ်ႇသေၵႃႈၼႂ်းၶွၵ်ႈဝူဝ်းလႄႈ
၅ ၵိၼ်တၢင်းဢၼ်ပႃးသဵင် ဢၼ်လဵတ်းတိင်ႇသေလႄႈႁဵတ်းၵႂၢမ်း တၢင်းဢၼ်ၵျၢမ်ႇႁဵတ်းပွင်ႁဵတ်းမဵဝ်းတူႇရိယႃႇ တီႈဢၼ်ႁႆႇဢၼ်ပဝ်ႇမိူၼ်ၸိူဝ်ႉၼင်ႇတႃႇဝိတ်ႉၼၼ်ႉ
၆ တၢင်းဢၼ်ဢဝ်ဝၢၼ်ႇဢဝ်ၵွၵ်းသေလႄႈသူတ်ႉၵိၼ်ၼမ်ႉၸပိတ်ႈလႄႈ ဢဝ်ၼမ်ႉမၼ်းၼၢမ်ႇသႃႇဢၼ်ထိူၵ်ႈၵႃႈထိူၵ်ႈၶၼ်ၼၼ်ႉတႃး တၢင်းဢၼ်ယင်းဢမ်ႇမီးတၢင်းဢၼ်ၸဵပ်းၸႂ် လူၺ်ႈလွင်ႈဢၼ်မဵဝ်းယုဝ်းသႅပ်ႉ လႆႈၶၢမ်ႇတုၵ်ႉၶႃႉတၢင်းၽၢၼ်လႄႈယူႇၼၼ်ႉ ၸိူဝ်းၼႆႉမီးဢႃႉမင်ႇၵလႃႇဢေႃႈ။
၇ ပိူဝ်ႈၼႆလႄႈၶဝ်ၼၼ်ႉတၵ်းလႆႈၶဝ်ႈပႃး လူၺ်ႈၵၼ်တင်းၶဝ်ၸိူဝ်းဢၼ်လႆႈၶၢမ်ႇတၢင်းဢၼ်သိမ်းဢဝ်ၵႂႃႇ ဢွၼ်တၢင်းပိူၼ်ႈၼၼ်ႉဢေႃႈ။သဵင်ႁုၼ်ႉသဵင်ႁိူဝ်ႇပွႆးၶဝ်ၸိူဝ်းဢၼ်ၼွၼ်းဢိင်ၶႅၵ်ႉသေလႄႈ ယူႇၼၼ်ႉၵေႃႈတၵ်းလႆႈထၢတ်ႇႁၢႆၵႂႃႇဢေႃႈ။
ၽြႃးပဵၼ်ၸဝ်ႈမိူဝ်ႇၸၢၼ်ႈမႃႇၼႃႉဢိသရေလ
၈ ၽြႃးပဵၼ်ၸဝ်ႈ ၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃးမီးဢမိင်ႉၸမ်း ၵႃႈၼင်ႇဢၼ်ၸဝ်ႈထႃႇဝရႃႉၽြႃးဢဝ်တူဝ်ၸဝ်ႈၵဝ်ႇတိူင်ႇဝႃႈၼၼ်ႉ ၵွပ်ႈပိူဝ်ႈဢၼ်ၵဝ်လီႁင်ႊဢဵတ်ႇသဵတ်ႇမုၼ်သရေႇယႃႇၵုပ်ႉလႄႈ ၸဝ်ႈႁေႃၶမ်းမၼ်းတင်းလၢႆၼၼ်ႉလႄႈၵဝ်တၵ်းၸုၼ်ႉပႅတ်ႈဝဵင်းၸဝ်ႈဢိၵ်ႇတင်းၵႃႈဢၼ်မီးၵႃႈၼႂ်းမၼ်းဢေႃႈ။
၉ ပိၵ်ႉသမ်ႉၵူၼ်းသိပ်းၼိုင်ႈၵိုတ်းၵျၢၼ်ႇဝႆႉ ၵႃႈၼႂ်းႁိူၼ်းလင်ၼိုင်ႈသေၵေႃႈၶဝ်တၵ်းလႆႈတၢႆဢေႃႈ။ၵေႃႉဢၼ်ပဵၼ်ပီႈ ပဵၼ်ၼွင်ႉလႄႈ
၁၀ လႆႈဢဝ်သၢင်းၵျူဝ်ၽႆးၼၼ်ႉၼႂ်းမိူဝ်ႈဢၼ်ယင်းတိုၵ်ႉယွင်ႈဢဝ်လႄႈ ဢဝ်တူဝ်တၢႆဢွၵ်ႇသေၵႃႈၼႂ်းႁိူၼ်းၼၼ်ႉယူႇၼၼ်ႉၸိုင် တၵ်းႁွင်ႉထၢမ်ႇတီႈၵေႃႉဢၼ်မီးၵႃႈၼႂ်း တီႈသုတ်းႁိူၼ်းၼၼ်ႉလႄႈဝႃႈတီႈမႂ်းယင်းၵိုတ်းယင်းၵျၢၼ်ႇ သေၵေႃႉသေၵူၼ်းႁိုဝ်မိူဝ်ႈဢၼ်ဝႃႈၼင်ႇၼႆၸိုင် မၼ်းတၵ်းၶိုၼ်းလၢတ်ႈလႄႈဝႃႈ၊- ဢမ်ႇၵိုတ်းဢမ်ႇၵျၢၼ်ႇၵူၺ်းဝႃႈၼင်ႇၼႆဢေႃႈ။မၼ်းၼၼ်ႉ တၵ်းၶိုၼ်းလၢတ်ႈလႄႈဝႃႈ ယူႇတဵတ်ႇတဵတ်ႇယဵၼ်ယဵၼ်တႃႉ။ႁဝ်းဢမ်ႇမီးဢၶႂၢင်ႉဢၼ်လႆႈဢဝ်ၼႃႇမႃႉၸိုဝ်သဵင်ထႃႇဝရႃႉၽြႃးဢွၵ်ႇသူပ်းဝႃႈ ၵူၺ်း၊ ဝႃႈၼင်ႇၼႆဢေႃႈ။
၁၁ လွင်ႈမၼ်းၸမ်း၊တူၺ်းလူ။ထႃႇဝရႃႉၽြႃးမီးဢမိင်ႉသေယဝ်ႉ မၼ်းၸဝ်ႈတၵ်းၵိူၼ်ႇယႃႉႁိူၼ်းဢၼ်ယႂ်ႇဢၼ်လူင်ပႅတ်ႈလႄႈႁိူၼ်းဢၼ်လဵၵ်ႉဢၼ်ဢွၼ်ႇၵေႃႈ မၼ်းၸဝ်ႈတၵ်းႁႂ်ႈတႅၵ်ႇလႅဝ် ပႅတ်ႈဢေႃႈ။
၁၂ မႃႉၸၢင်ႊၶုၼ်ႇလႅၼ်ႈၵႃႈၼိူဝ်မၢၵ်ႇႁိၼ်မၢၵ်ႇၽႃႁိုဝ်။ၵူၼ်းၸၢင်ႊဢဝ်ဝူဝ်းထႆထိူၼ်ႇၵႃႈၼိူဝ်တီႈၼၼ်ႉႁိုဝ်။သူႁဵတ်းႁႂ်ႈတၢင်းဢၼ်ၸီႇယၢင်ႇၸွမ်းၼင်ႇတြႃးပဵၼ်ၵွင်ႉပဵၼ်ယၢင်ၵႂႃႇလႄႈ ႁႂ်ႈတၢင်းဢၼ် သိုဝ်ႈတေႃႇပဵၼ်မႂ်ႊယႃႈၶူမ်ၵႂႃႇယဝ်ႉလူင်ပေႇ။
၁၃ သူမူၼ်ႈပျေႃႇၸူမ်းသိူဝ်းယူႇၵႃႈၼႂ်းလွင်ႈတၢင်းဢၼ်လၢႆလၢႆဢမ်ႇပွင်ႇလွင်ႈၵႃႈသင်လႄႈ ၸင်ႇလၢတ်ႈလႄႈဝႃႈ၊-ႁဝ်းၼႆႉဢဝ်တၢင်းၵတ်ႉတၢင်းၶၼ်ႁဝ်းသိမ်းဢဝ်ၶဝ်လႅမ်တင်းလၢႆယဝ်ႉယဝ်ႉ၊ဝႃႈၼင်ႇၼႆ၊လူင်ပေႇ။
၁၄ တူၺ်းလူ။ မဵဝ်းဢိသရေႇလဢိူၺ်း။ၵဝ်တၵ်းႁႂ်ႈမဵဝ်းၼိုင်ႈလုၵ်ႉယူႇၽၢႆႇၼိုင်ႈတင်းသူလႄႈ ၶဝ်ၼၼ်ႉတၵ်းၼိၵ်ႈၸၢၵ်ႈငႅၼ်းသေးသူဢဝ်ၵႃႈတီႈၸႃႉၸဵမ်သုပ်ႉတၢင်းဝဵင်းႁႃႇမတ်ႉၵႂႃႇတေႃႇထိုင်ႁွတ်ႈၼမ်ႉႁွင်ႊ ဢၼ်မီးၵႃႈၼႂ်းထိူၼ်ႇၼၼ်ႉဢေႃႈ၊ဝႃႈၼင်ႇၼႆၽြႃးပဵၼ်ၸဝ်ႈၸဝ်ႈပူဝ်ႇပႃႇၵၢင်ႁၢဝ် ထႃႇဝရႃႉၽြႃးမီးဢမိင်ႉဢေႃႈ။