၅
ႁွင်ႉႁႂ်ႈၶုၵ်းၸႂ်လႆႈမႆႈၸႂ်ဢပျႅတ်ႈ
၁ မဵဝ်းဢိသရေႇလဢိူၺ်း။ထွမ်ႇငိၼ်းၵႂၢမ်းဢၼ်ၵဝ်ဢွၵ်ႇသူပ်းဝႃႈလွင်ႈသူလႄႈ ပွင်ႉၶၢင်းပွင်ႉမိုၼ်ပုၼ်ႈသူယူႇၼႆႉတႃႉ။
၂ ၵၢၼ်ႇၺႃႇလုၵ်ႈယိင်းသၢဝ် ဢိသရေႇလၼၼ်ႉလူမ်ႉယဝ်ႉယဝ်ႉ။ၵမ်းလိုၼ်းမၼ်းဢမ်ႇလႆႈလုၵ်ႉ။မၼ်းယဵတ်ႇယူႇဢိူၼ်လိူၼ် ၵႃႈၼိူဝ်လိၼ်မၼ်းယဝ်ႉယဝ်ႉ။ဢမ်ႇမီးၵေႃႉဢၼ်ဢုမ်ႈဢဝ်ယွင်ႈဢဝ်မၼ်း။
၃ ၸဝ်ႈထႃႇဝရႃႉၽြႃး မီးဢမိင်ႉၸမ်း၊ဝဵင်းဢၼ်ယၢမ်ႈဢွၵ်ႇၵူၼ်းႁဵင်ၼိုင်ႈၼၼ်ႉ တၵ်းမီးဢၼ်ၵိုတ်းဢၼ်ၵျၢၼ်ႇမၼ်းဝႆႉပၢၵ်ႇၼိုင်ႈၵူၺ်းလႄႈ ဝဵင်းဢၼ်ယၢမ်ႈဢွၵ်ႇၵူၼ်းပၢၵ်ႇၼိုင်ႈၼၼ်ႉ တၵ်းမီးဢၼ်ၵိုတ်းဢၼ်ၵျၢၼ်ႇမၼ်းဝႆႉၵူၼ်းသိပ်းၼိုင်ႈၵူၺ်းတီႈမဵဝ်း ဢိသရေႇလဢေႃႈ။
၄ ထႃႇဝရႃႉၽြႃး မီးဢမိင်ႉတီႈမဵဝ်းဢိသရေႇလၸမ်း သူဢွၼ်ၵၼ်ႁႃၵဝ်တႃႉ။ပေႃးႁႃၸိုင်ဢသၢၵ်ႈသူတၵ်းလႆႈၵတ်းယဵၼ်ၶျၢမ်းသႃႇဢေႃႈ။
၅ ယႃႇပေႁႃဝဵင်းပေႇသလ။ယႃႇပေၶဝ်ႈၵႃႈၼႂ်းဝဵင်းၵိလၵႃႇလ။ယႃႇပေၵႂႃႇၵႃႈတီႈဝဵင်းပေႇရသေႇၽ။လွင်ႈမၼ်းၸမ်းဝဵင်းၵိလၵႃႇသ ၼၼ်ႉတၵ်းလႆႈၶၢမ်ႇတၢင်းဢၼ်သိမ်းဢဝ်ၵႂႃႇဢမၢၼ်ႇၶၼ်ပဵၼ်လႄႈဝဵင်းပေႇသလ ၵေႃႈတၵ်းလႆႈႁွတ်ႈထိုင်တၢင်းဢၼ်လၢႆလၢႆ ဢမ်ႇပွင်ႇလွင်ႈၵႃႈသင်ဢေႃႈ။
၆ ဢွၼ်ၵၼ်ႁႃထႃႇဝရႃႉၽြႃးတႃႉ။ပေႃးႁႃၸိုင်ဢသၢၵ်ႈသူတၵ်းလႆႈၵတ်းယဵၼ်ၶျၢမ်းသႃႇဢေႃႈ။ ပေႃးဢမ်ႇၼၼ် မၼ်းၸဝ်ႈတၵ်းလူင်းၸူးၵႃႈၼိူဝ်မဵဝ်းယုဝ်းသႅပ်ႉမိူၼ်ၸိူဝ်ႉၼင်ႇၽႆးၼၼ်ႉလႄႈ ႁႂ်ႈမႆႈထၼ်ႈပေႃးၽူႈ လႂ်ၵႃႈၼႂ်းဝဵင်းပေႇသလ ၼၼ်ႉဢမ်ႇမွတ်ႇလႆႈသေၵေႃႉသေ ၵူၼ်းဢေႃႈ။
၇ သူၸိူဝ်းဢၼ်ႁႂ်ႈတၢင်းဢၼ်ၸီႇယၢင်ႇၸွမ်းၼင်ႇတြႃးပဵၼ်မႂ်ႊယႃႈၶူမ်လႄႈ ၶျႃးတြႃးတၢင်း ဢၼ်သိုဝ်ႈတေႃႇတူၵ်းၵႃႈတီႈလိၼ်ၶဝ်ဢိူၺ်း။
၈ ဢွၼ်ၵၼ်ႁႃၽြႃး ဢၼ်ၽၢၼ်ႇသၢင်းႁဵတ်းပဵၼ်မုၵ်ႉလၢဝ်ဝီးတင်းမုၵ်ႉလၢဝ်တဝ်ႈ၊ ဢၼ်ႁႂ်ႈႁူမ်ႈတင်းလၢႆပဵၼ်ဢၼ်လႅင်းၶိင်ႇၵၢင်ၼႂ် ဢၼ်ႁႂ်ႈလႅင်းၶိင်ႇၵႃႈဝၼ်းပဵၼ်ဢၼ်လပ်းသိင်ႇၶိင်ႇၵၢင်ၶိုၼ်းၵႂႃႇ၊ဢၼ်ႁွင်ႉဢဝ်ၼမ်ႉပၢင်ႇလၢႆႇႁူတ်းလေႃႇသွၼ်းလေႃႇ ၵႃႈၼိူဝ်ၼႃႈလိၼ်ဢၼ် မီးၼႃႇမႃႉၸိုဝ်သဵင်ထႃႇဝရႃႉၽြႃး
၉ ဢၼ်ႁႂ်ႈတၢင်းဢၼ်ႁိပ်ႈၼႅတ်ႈယႃႉပႅတ်ႈၼၼ်ႉ တူၵ်းႁွတ်ႈၵႃႈၼိူဝ်ၶဝ်ၸိူဝ်းဢၼ်ႁႅင်းယႂ်ႇၼႃႇၼၼ်ႉ ထၼ်ႈပေႃးတၢင်းဢၼ်ယႃႉပႅတ်ႈၼၼ်ႉလႆႈႁွတ်ႈထိုင် ၵႃႈတီႈတိူၵ်ႈတီႈ တိုၵ်းသိုၵ်းၼၼ်ႉတႃႉ။
၁၀ ၶဝ်ငိၼ်းၸင်းၵေႃႉဢၼ်ၸၢင်ႊသင်ႇသွၼ်သုင်းမႃႉၵႃႈၼႂ်းႁူးၽၵ်းတူဝဵင်းလႄႈ လီႁင်ႈၵေႃႉဢၼ် ၸၢင်ႈလၢတ်ႈသိုဝ်ႈသိုဝ်ႈတေႃႇတေႃႇၼၼ်ႉ ယဝ်ႉလူင်ပေႇ။
၁၁ ပိူဝ်ႈၼႆလႄႈၵွပ်ႈပိူဝ်ႈဢၼ်သူၸၢင်ႊၼိၵ်ႈၸၢၵ်ႈငႅၼ်းသေး ၶဝ်ၸိူဝ်းဢၼ်ယၢၵ်ႈဢၼ်ၽၢၼ်ၼၼ်ႉလႄႈ ယွၼ်းၶၢမ်ႇဢဝ်ၶွၼ်ႇၶဝ်ႈၵျုင်ႇၼၼ်ႉလႄႈပိၵ်ႉသမ်ႉသူဢဝ်မၢၵ်ႇႁိၼ် ဢၼ်ထၢၵ်ႇဢၼ်သပ်းၼၼ်ႉႁဵတ်းႁိူၼ်းတိူၵ်ႈသေၵေႃႈ သူဢမ်ႇလႆယူႇလႆႈသဝ်းၵႃႈၼႂ်းႁိူၼ်းတိူၵ်ႈၼၼ်ႉ။ပိၵ်ႉသမ်ႉသူၽုၵ်ႇသူၼ်ဢူးယဵၼ်ႇၸပိတ်ႈဢၼ်လီၸူမ်းသိူဝ်း ထုၵ်ႇၸႂ်ၼၼ်ႉသေၵေႃႈသူ ဢမ်ႇလႆႈသူတ်ႉလႆႈၵိၼ်ၼမ်ႉၸပိတ်ႈမၼ်း။
၁၂ ၵဝ်ႁူႉလွင်ႈဢၼ်တူႉၸရိူၵ်ႈ ဢၼ်သူၽိတ်းပိူင်ႈၼၼ်ႉ ယႂ်ႇၼမ်ၼႃႇဢိၵ်ႇတင်း လွင်ႈတၢင်းဢၼ်ဢပျႅတ်ႈသူၼၵ်းၼႃႇလူင်လၢင်ၼၼ်ႉယူႇဢေႃႈ။သူၸၢင်ႊယႃႉယူၵ်ႉၵေႃႉဢၼ်သိုဝ်ႈတေႃႇလႄႈ ၸၢင်ႊၵိၼ်လၢၵ်ႈသွင်ႇတၼ်းသူဝ်းဢေႃႈ။ သူၸၢင်ႊၸီႇယၢင်ႇတီႈၶဝ်ၸိူဝ်းဢၼ်ၸုတ်ႈဢၼ်လုတ်ႈၼၼ်ႉ ဢမ်ႇၸွမ်းၼင်ႇတြႃးၵႃႈ ၼႂ်းႁူးၽၵ်းတူဝဵင်းဢေႃႈ။
၁၃ ပိူဝ်ႈၼႆလႄႈၵေႃႉဢၼ်မီးပိင်ႇၺႃႇၼၼ်ႉ တၵ်းယူႇတဵတ်ႇတဵတ်ႇယဵၼ်ယဵၼ်ယူႇၼႂ်းၶိင်ႇၵႃႇလႃႉၸိူဝ်ႉၼင်ႇၼၼ်ၼၼ်ႉ ၵွပ်ႈပိူဝ်ႈဢၼ်ၶိင်ႇ ၵႃႇလႃႉပဵၼ်ဢၼ်ႁၢႆႉယုတ်ႈၼၼ်ႉဢေႃႈ။
၁၄ ဢွၼ်ၵၼ်ဝႄႈပႅတ်ႈတူႉၸရိူၵ်ႈလႄႈ ႁႃသူႉၸရိူၵ်ႈႁႂ်ႈဢသၢၵ်ႈသူလႆႈၵတ်းယဵၼ်ၶျၢမ်းသႃႇတႃႉ။ ပေႃးႁဵတ်းၸိူဝ်ႉၼင်ႇၼၼ်ၸိုင်ၽြႃးပဵၼ်ၸဝ်ႈ ၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃးတၵ်းမီးယူႇလူၺ်ႈၵၼ်တင်းသူၸွမ်းၵႃႈၼင်ႇဢၼ်သူၸၢင်ႊလၢတ်ႈၸၢင်ႊဝႃႈၼၼ်ႉဢေႃႈ။
၁၅ ဢွၼ်ၵၼ်ၸင်းတူႉၸရိူၵ်ႈလႄႈႁၵ်ႉသူႉၸရိူၵ်ႈတႃႉ။ဢွၼ်ၵၼ်ႁႂ်ႈတြႃးတႄႇယူႇၵႃႈၼႂ်းႁူးၽၵ်းတူဝဵင်းတႃႉ။ ၽြႃးပဵၼ်ၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃးၼၼ်ႉ ၸၢင်ႊၶေးတၵ်းဢိတ်းလူမဵဝ်းယုဝ်းသႅပ်ႇဢၼ်ၵိုတ်းဢၼ်ၵျၢၼ်ႇၼၼ်ႉဢေႃႈ။
၁၆ ပိူဝ်ႈၼႆလႄႈၽြႃးပဵၼ်ၸဝ်ႈ ၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃးမီးဢမိင်ႉၸမ်း၊ တၢင်းဢၼ်ပေႃႉတူပ်းႁူဝ်ဢူၵ်းပွင်ႉၶင်းတၵ်းမီး ၵႃႈၼႂ်းတီႈဢၼ်ၵႂၢင်ႈလီလႃးလီၵႃႈမီးလႄႈ ၶဝ်တၵ်းလၢတ်ႈၵၼ်ၵႃႈၼႂ်းသဵၼ်ႈတၢင်းတင်းလၢႆလႄႈဝႃႈ၊-ဢဝ်လူဝ်ႉ၊ဝႃႈၼင်ႇၼႆဢေႃႈ။ၶဝ်တၵ်းႁွင်ႉဢဝ် ၵေႃႉဢၼ်ႁဵတ်းႁႆႊႁဵတ်းၼႃးၼၼ်ႉမႃးႁႂ်ႈလႆႈၶင်းၶီၶင်းၽၢၼ်ဢိၵ်ႇတင်း ၵေႃႉဢၼ်ၸၢင်ႊမေႃႁဵတ်းသဵင်ဢၼ်ႁွင်ႉႁႆႈၼၼ်ႉမႃး ႁႂ်ႈလႆႈပေႃႉတူပ်းႁူဝ်ဢူၵ်းပွင်ႉ ၶၢင်းဢေႃႈ။
၁၇ ၵႃႈၼႂ်းသူၼ်ဢူးယဵၼ်ႇၸပိတ်ႈတင်းသဵင်ႈတင်းလူင်ၵေႃႈ တၵ်းမီးတၢင်းဢၼ်ပေႃႉတူပ်းႁူဝ်ဢူၵ်းပွင်ႉၶင်းဢေႃႈ။ လွင်ႈမၼ်းၸမ်းၵဝ်တၵ်းလႆႈလတ်းၵႂႃႇၵႃႈၼႂ်းၵၢင်သူဢေႃႈ၊ ဝႃႈၼင်ႇၼႆထႃႇဝရႃႉၽြႃးမီးဢမိင်ႉဢေႃႈ။
မိူဝ်ႉဝၼ်းၸဝ်ႈၽြႃး
၁၈ သူၸိူဝ်းဢၼ် မုင်ႈမွင်းမိူဝ်ႉဝၼ်းထႃႇဝရႃႉၽြႃးယူႇၼႆႉမီးဢႃႉမင်ႇၵလႃႇဢေႃႈ။ မိူဝ်ႉဝၼ်းထႃႇဝရႃႉၽြႃးၼၼ်ႉတၵ်းပဵၼ်ၸိူဝ်ႉၼင်ႇႁိုဝ်တီႈသူ။တၵ်းဢမ်ႇပဵၼ်ဢၼ်လႅင်းတီႈသူလႄႈ တၵ်းပဵၼ်ဢၼ်လပ်းသိင်ႇတီႈသူ ဢေႃႈ။
၁၉ တၵ်းပဵၼ်မိူၼ်ၸိူဝ်ႉၼင်ႇဢၼ်ၵူၼ်းဢွၵ်ႇပၢႆႈသေၵႃႈတီႈသၢင်ႇသီႈလႄႈ ထူပ်းမီၼၼ်ႉဢိၵ်ႇတင်းမိူၼ်ၸိူဝ်ႉၼင်ႇဢၼ်မၼ်းၶဝ်ႈၵႃႈၼႂ်းႁိူၼ်းလႄႈ ၼႂ်းမိူဝ်ႈဢၼ်ဢဝ်မိုဝ်းတၢဝ်းၽႃယူႇၼၼ်ႉၸိုင် ငူးတွတ်ႇ သႂ်ႇမၼ်းၼၼ်ႉဢေႃႈ။
၂၀ မိူဝ်ႉဝၼ်းထႃႇဝရႃႉၽြႃးၼၼ်ႉယင်းဢမ်ႇၸႅင်ႈလႄႈ တၵ်းလပ်းသိင်ႇဢမ်ႇၸႂ်ႈႁိုဝ်။ယင်းဢမ်ႇမီး တၢင်းဢၼ်ႁိူဝ်ႈလႅင်းလႃးလႃးလႄႈတၵ်းပဵၼ်ဢၼ်လပ်းသိင်ႇလွၼ်ႉလွၼ်ႉဢမ်ႇၸႂ်ႈႁိုဝ်။
၂၁ ၵဝ်ၸင်းဝၼ်းပွႆးသူၸိူဝ်းၼၼ်ႉလႄႈလီႁင်ႈဢဵတ်ႇသဵတ်ႇဢေႃႈ။ၵဝ်ဢမ်ႇမူၼ်ႈပျေႃႇၵႃႈၼႂ်းမိူဝ်ႉဝၼ်းဢၼ်ၵမ်ၵျၢင်ႉၵႅၼ်ႇၵႅၼ်ႇၶႅင်ၶႅင်ၸိူဝ်းၼၼ်ႉ။
၂၂ ပိၵ်ႉသမ်ႉသူသၢၵ်ႈၵၢပ်ယိၸ်ႉဢၼ်တုတ်ႇၽႆး ဢိၵ်ႇတင်းၶိူင်ႈပုၵ်ႉၸေႃႇၽေႃးၸဵၼ်ႇတင်းလၢႆတီႈၵဝ်သေၵေႃႈ ၵဝ်တၵ်းဢမ်ႇထုၵ်ႇၸႂ်ၵျိူၵ်ႈၸႂ်။ပိၵ်ႉသမ်ႉသူဢဝ်တရိၵ်ႈသၢၼ်ႇဢၼ်ပီးလီမၼ်းလီတင်းလၢႆ ပုၵ်ႉၸေႃႇယိၸ်ႉမိၵ်ႉသႁႃႇ ယႃႉသေၵေႃႈၵဝ်တၵ်းဢမ်ႇႁပ်ႉတုင်းဢဝ်။
၂၃ ၵိုတ်းသဵင်ဢၼ်မႂ်းႁဵတ်းၵႂၢမ်းၼၼ်ႉသေၵႃႈတီႈၵဝ်တႃႉ။ၵဝ်တၵ်း ဢမ်ႇထွမ်ႇသဵင်တိင်ႇမႂ်းၸိူဝ်းၼၼ်ႉ။
၂၄ ႁႂ်ႈတၢင်းဢၼ်ၸီႇယၢင်ႇၸွမ်းၼင်ႇတြႃးၼၼ်ႉ လႆယူႇမိူၼ်ၸိူဝ်ႉၼင်ၼမ်ႉလႄႈႁႂ်ႈတၢင်းဢၼ်သိုဝ်ႈတေႃႇၼၼ်ႉ လႆယူႇၸိူဝ်ႉၼင်ႇ ၼမ်ႉဢၼ်ၼွင်းၼၼ်ႉတႃႉ။
၂၅ မဵဝ်းဢိသရေႇလဢိူၺ်း။သူဢွၼ်ၵၼ်ဢဝ်ယိၸ်ႉ ဢိၵ်ႇတင်းၶိူင်ႈပုၵ်ႉၸေႃႇတင်းလၢႆပုၵ်ႉၸေႃႇတီႈၵဝ် ၵႃႈၼႂ်းထိူၼ်ႇသီႇသိပ်းပီႊတဵမ် တဵမ်ႁိုဝ်။
၂၆ သူႁပ်ႉဢဝ်ပႃးဢဝ်သုမ်ႉထဵင်မူးလွၵ်ႇတင်းလၢဝ်ၸဝ်ႈၽြႃးၶိဢုၼ်ႇသူႇဢၼ်ဝႃႈ ပုင်ႇႁၢင်ႊဢၼ်သူ ႁဵတ်း ပုၼ်ႈတူဝ်ၸဝ်ႈၵဝ်ႇၼၼ်ႉယဝ်ႉလူင်ပေႇ။
၂၇ ပိူဝ်ႈၼႆလႄႈ ၵဝ်တၵ်းႁဵတ်းႁႂ်ႈသူလႆႈၶၢမ်ႇတၢင်းဢၼ်သိမ်းဢဝ်ၵႂႃႇၵႃႈတီႈၽၢႆႇပုၼ်ႉဝဵင်းထမ်ႇမသႅတ်ႉဢေႃႈ၊ ဝႃႈၼင်ႇၼႆထႃႇဝရႃႉၽြႃး ဢၼ်မီးၸိုဝ်မီးသဵင်ၽြႃးပဵၼ်ၸဝ်ႈၸဝ်ႈပူဝ်ႇပႃႇၵၢင်ႁၢဝ်ၼၼ်ႉမီးဢမိင်ႉဢေႃႈ။