၂
၁ ထႃႇဝရႃႉၽြႃးသမ်ႉမီးဢမိင်ႉၸမ်း၊ ၵွပ်ႈပိူဝ်ႈဢပျႅတ်ႈမိူင်းမေႃႇၽသၢမ်ပႃးဢမ်ႇၵႃး၊ ၵွပ်ႈပိူဝ်ႈဢပျႅတ်ႈသီႇပႃးလႄႈၵဝ်ယင်းဢမ်ႇပၼ်တၢမ်ႇလႄးဢမ်ႇယူႇ။ လွင်ႈမၼ်းၸမ်း မၼ်းဢဝ်ၽႆးတုတ်ႇၽဝ်လုပ်ႇၶုၼ်ႁေႃၶမ်း ဢေႇတုမ်ႇႁႂ်ႈပဵၼ်ထုၼ်ၵႂႃႇယဝ်ႉယဝ်ႉ။
၂ ၵဝ်တၵ်းပွႆႇၸႂ်ႉၽႆးသႂ်ႇၵႃႈၼိူဝ်မိူင်းမေႃႇၽလႄႈ ႁႂ်ႈမႆႈႁေႃၶမ်းဝဵင်း ၵေႇရုတ်ႉ တင်းလၢႆဢေႃႈ။မိူင်းမေႃႇၽၼၼ်ႉတၵ်းပႃးတင်းတၢင်းဢၼ်ဢူၼ်ဢဵၼ်မေႃးမေး တၢင်းဢၼ်ႁွင်ႉသႅၼ်ႇ တၢင်းဢၼ်ပဝ်ႇၼႄးၶရႃႇသေလႄႈ သုမ်းၸွမ်းၵႂႃႇ ဢေႃႈ။
၃ ၵဝ်တၵ်းပႄႇၽဵဝ်ႈၵူၼ်းဢၼ်ၸီႇယၢင်ႇတြႃးပႅတ်ႈသေၵႃႈၼႂ်းၵၢင်မိူင်းမေႃႇၽ လႄႈဢဝ်မၼ်းဢိၵ်ႇတင်း မူးမၢတ်ႈၽွင်းမၼ်းတင်းလၢႆတၢႆပႅတ်ႈဢေႃႈ၊ဝႃႈၼင်ႇၼႆထႃႇဝရႃႉၽြႃးမီးဢမိင်ႉဢေႃႈ။
၄ ထႃႇဝရႃႉၽြႃးသမ်ႉမီးဢမိင်ႉၸမ်း ၵွပ်ႈပိူဝ်ႈဢပျႅတ်ႈမဵဝ်းယုတသၢမ်ပႃးဢမ်ႇၵႃး၊ ၵွပ်ႈပိူဝ်ႈဢပျႅတ်ႈသီႇပႃးလႄႈၵဝ်ယင်းဢမ်ႇပၼ်တၢမ်ႇလႄးဢမ်ႇယူႇ။ လွင်ႈမၼ်းၸမ်း ၶဝ်ၸုၼ်ႉပႅတ်ႈပိင်းၺၢပ်ႈတြႃးထႃႇဝရႃႉၽြႃးလႄႈ ဢမ်ႇပႂ်ႉၵမ်ပႂ်ႉၸွမ်းထုင်းၾိင်ႈတြႃးမၼ်းၸဝ်ႈသေလႄႈ ဢဝ်မိၵ်ႉသႃႇတိၵ်ႉထီႉဢၼ်ပူႇၶဝ်မွၼ်ႇၶဝ်ယၢမ်ႈ ၸွမ်းၼၼ်ႉၽိတ်းပိူင်ႈယဝ်ႉယဝ်ႉ။
၅ ၵဝ်တၵ်းပွႆႇၸႂ်ႉၽႆးသႂ်ႇၵႃႈၼိူဝ်မိူင်းယုတ လႄႈႁႂ်ႈမႆႈႁေႃၶမ်းဝဵင်းယေႇရုသလႅမ်ႇတင်းလၢႆဢေႃႈ၊ဝႃႈၼင်ႇၼႆဢေႃႈ။
တၢင်းဢၼ်ၸီႇယၢင်ဢိသရေႇလ
၆ ထႃႇဝရႃႉၽြႃးသမ်ႉမီးဢမိင်ႉၸမ်း၊ ၵွပ်ႈပိူဝ်ႈဢပျႅတ်ႈမဵဝ်းဢိသရေႇလ သၢမ်ပႃးဢမ်ႇၵႃး၊ၵွပ်ႈပိူဝ်ႈဢပျႅတ်ႈသီႇပႃးလႄႈ ၵဝ်ယင်းဢမ်ႇပၼ်တၢမ်ႇလႄး ဢမ်ႇယူႇ။လွင်ႈမၼ်းၸမ်း ၶဝ်ဢဝ်ၵေႃႉဢၼ်သိုဝ်ႈတေႃႇၼၼ်ႉၶၢႆပႅတ်ႈဢဝ်ငိုၼ်းလႄႈ ဢဝ်ၵေႃႉဢၼ်ၸုတ်ႈဢၼ်လုတ်ႈၼၼ်ႉၶၢႆပႅတ်ႈဢဝ်ၶႅပ်းတိၼ်ၵူႈၼိုင်ႈ၊ ဢိၵ်ႇတင်းၶဝ်ယဵပ်ႇၵႃႈၼိူဝ်ႁူဝ် ၶဝ်ၸိူဝ်းဢၼ်ယၢၵ်ႈဢၼ်ၽၢၼ် မိူၼ်ၼင်ႇယဵပ်ႇၵႃႈၼိူဝ်လိၼ်ၼၼ်ႉလႄႈ
၇ ၸီႇယၢင်ႇဢမ်ႇၸွမ်းၼင်ႇတြႃးၵႃႈတီႈ ၶဝ်ၸိူဝ်းဢၼ်တူၵ်းတီႈတႅမ်ႇၼၼ်ႉလႄႈ ၶဝ်ပေႃႈတင်းလုၵ်ႈၸၢႆး ႁူမ်ႈပွင်းလူၺ်ႈၵၼ်တင်းမေႈယိင်းၵေႃႉလဵဝ်ၵူၺ်းလႄႈ ႁဵတ်းႁႂ်ႈၼႃႇမႃႉၸိုဝ်သဵင်ၵဝ်ၶျႃးတူၵ်းတီႈတႅမ်ႇလႄႈ၊ ၶဝ် ဢဝ်ၶူဝ်းၼုင်ႈတၢင်းမႆႊ
၈ ဢၼ်ပွင်ႇဢၼ်ၵမ်ႉဝႆႉၸိူဝ်းၼၼ်ႉ သိူဝ်ႇၵႃႈတီႈႁိမ်းယိတ်ႉပလၢင်ႇသေလႄႈၼွၼ်းလႄႈ သူတ်ႉၵိၼ်ၼမ်ႉၸပိတ်ႈဢၼ်ဢဝ်တင်းငိုၼ်းၵႃႈၶၼ်ဢၼ်ယေႃႇဢၼ်သေဢပျႅတ်ႈၼၼ်ႉ သိုဝ်ႉဢဝ် မႃးၼၼ်ႉၼႂ်းႁိူၼ်းၽြႃးပဵၼ်ၸဝ်ႈၶဝ်ၼၼ်ႉယဝ်ႉ။
၉ ၵဝ်ပႄႇၽဵဝ်ႈပႅတ်ႈမဵဝ်းဢႃႇမေႃးရိ ဢၼ်တၢင်းသုင်မၼ်းမိူၼ်ၸိူဝ်ႉၼင်ႇတူၼ်ႈဢႃႇရိတ်ႉ လႄႈၵႅၼ်ႇၶႅင်မိူၼ်ၸိူဝ်ႉၼင်ႇတူၼ်ႈမႆႉၼိမ်ၼၼ်ႉသေ ၵႃႈတီႈၽၢႆႇၼႃႈၶဝ်လႄႈယႃႉမၢၵ်ႇၶဝ်ပႅတ်ႈသေၵႃႈတီႈၼိူဝ် ဢိၵ်ႇတင်းႁၢၵ်ႈၶဝ် ပႅတ်ႈသေၵႃႈတီႈတႂ်ႈယဝ်ႉယဝ်ႉ။
၁၀ ၵဝ်ၼုၵ်ႈဢဝ်သူဢွၵ်ႇသေၵႃႈၼႂ်းမိူင်းဢေႇၵႅပ်ႉတုလႄႈ ဢဝ်သူင်ႇၵႂႃႇၵႃႈၼႂ်းထိူၼ်ႇယူႇသီႇသိပ်းပီႊတဵမ်တဵမ် ႁႂ်ႈသူလႆႈၶဝ်ႈၵိၼ်မိူင်း ဢႃႇမေႃးရိဢေႃႈ။
၁၁ ၵဝ်ၶၢၼ်းလုၵ်ႈၸၢႆးသူၵမ်ႈၽွင်ႈဝႆႉၵႃႈၼႂ်းဢရႃႇယိတ်ႉပရေႃးႁိၵ်ႈ ဢိၵ်ႇတင်းၵူၼ်းၼုမ်ႇၵူၼ်းၵမ်သူၵမ်ႈ ၽွင်ႈဝႆႉၵႃႈၼႂ်းဢရႃႇၵူၼ်းၼႃႇၸရိယဝ်ႉ။ၵူၼ်းမဵဝ်းဢိသရေႇလတင်းလၢႆၶဝ်ဢိူၺ်း။ၵႂၢမ်းၼႆႉမၢၼ်ႇမႅၼ်ႈဢမ်ႇၸႂ်ႈႁိုဝ်၊ ဝႃႈၼင်ႇၼႆလႄႈထႃႇဝရႃႉၽြႃးထၢမ်ႇဢေႃႈ။သူၸမ်းဢွၼ်ၵၼ်ဢဝ်ၼမ်ႉၸ ပိတ်ႈပၼ်ႁႂ်ႈၵူၼ်းၼႃႇၸရိၵိၼ်ယဝ်ႉ။
၁၂ ပရေႃးၽႅတ်ႈတင်းလၢႆၵေႃႈ သူဢွၼ်ၵၼ်ႁႄႉၶႅၼ်လႄႈလၢတ်ႈလႄႈဝႃႈ၊-ယႃႇပေႁဵတ်းပရေႃးၽႅတ်ႈသေလႄႈႁေႃးလၢတ်ႈ ဝႃႈၼင်ႇၼႆယဝ်ႉ။
၁၃ ပိူဝ်ႈၼႆလႄႈၵဝ်တၵ်းတဵၵ်းၶီႇတဵၵ်းတဵင်သူယူႇ ၵႃႈၼႂ်းတီႈယူႇသူ မိူၼ်ၸိူဝ်ႉၼင်ႇဢၼ်လေႃႉ ဢၼ်လိုၼ်ႈၶဝ်ႈတၢင်ႇသႂ်ႇႁႂ်ႈတဵမ်ဝႆႉၼၼ်ႉတဵၵ်း ၶီႇတဵၵ်းတဵင်ယူႇၼၼ်ႉဢေႃႈ။
၁၄ တီႈဢၼ်ပၢႆႈတဵတ်ႇပၢႆႈမႅပ်းၼၼ်ႉတၵ်းဢမ်ႇပၼ်ဢၶႂၢင်ႉ တီႈၵေႃႉဢၼ်ၶုၼ်ႇလႅၼ်ႈၸူးၼၼ်ႉ။ၵေႃႉဢၼ်ႁႅင်းယႂ်ႇၼၼ်ႉဢမ်ႇလႆႈမီးဢၶႂၢင်ႉဢၼ်လႆႈဢဝ်ႁႅင်းမၼ်းဢွၵ်ႇ။ ႁူဝ်ႁၢၼ်ၵူၼ်းသိုၵ်း ၼၼ်ႉဢမ်ႇလႆႈၵႄႇသႄႇဢဝ်တူဝ်မၼ်းလွတ်ႈ။
၁၅ ၵေႃႉဢၼ်ယိပ်းၵၢင်ႇၼၼ်ႉဢမ်ႇလႆႈၸုၵ်းလႆႈၶၢမ်ႇ။ၵေႃႉဢၼ်တိၼ်ၶၼ်တိၼ်ၽႂ်းၼၼ်ႉ ဢမ်ႇလႆႈၵႄႇသႄႇဢဝ်တူဝ်မၼ်းလွတ်ႈ။ႁူဝ်ႁၢၼ်ၵူၼ်းသိုၵ်းၶီႇမႃႉၵေႃႈ ဢမ်ႇလႆႈၵႄႇသႄႇဢဝ်တူဝ်မၼ်းလွတ်ႈ။
၁၆ ၵူၼ်းသိုၵ်းဢၼ်ႁတ်းဢၼ်ႁၢၼ်ၼၼ်ႉ တၵ်းလႆႈယူႇတူဝ်ပူၺ်သေလႄႈဢွၵ်ႇပၢႆႈၵႂႃႇၼႂ်းဝၼ်းမိူဝ်ႈၼၼ်ႉဢေႃႈ၊ ဝႃႈၼင်ႇၼႆထႃႇဝရႃႉၽြႃးမီးဢမိင်ႉဢေႃႈ။