၁
၁ ၵႂၢမ်းပျႃႇတိၵ်ႈၸဝ်ႈဢၼ် ဢႃႇမုတ်ႉ ဢၼ်ၶဝ်ႈပႃးၵႃႈၼႂ်းမုၵ်ႉၵူၼ်းၸိူဝ်းၵူၼ်း ဢၼ်လဵင်ႉထိင်းသူဝ်းၵႃႈတီႈဝၢၼ်ႈတေႇၵေႃႇ ၼၼ်ႉလႆႈၶၢမ်ႇဢဝ်ပုၼ်ႈမိူင်းဢိသရေႇလ ၼႂ်းၸူဝ်ႈပၢၼ်ၶုၼ်ဢုဝ်ႇၸိယ ၶုၼ်ႁေႃၶမ်းယုတ ဢိၵ်ႇတင်းၼႂ်းၸူဝ်ႈပၢၼ်ၶုၼ် ယေႇရုဝ်ႇပုမ်ႇလုၵ်ႈၸၢႆးယေႃႇသ ၶုၼ်ႁေႃၶမ်းဢိသရေႇလ ဢွၼ် တၢင်းပီႊဢၼ်ဢိင်သၼ်ႇသွင်ပီႊ ၼၼ်ႉၸမ်း၊
၂ ထႃႇဝရႃႉၽြႃး ယူႇၵႃႈၼိူဝ်လွႆၸိဢုၼ်ႇႁွင်ႉသႅၼ်ႇလႄႈယူႇၵႃႈၼႂ်းဝဵင်းယေႇရုသလႅမ်ႇၵိဝ်ႇသဵင်ဢေႃႈ။တီႈဢၼ်ၵူၼ်းလဵင်ႉထိင်းသူဝ်းယူႇၸိူဝ်းၼၼ်ႉ တမ်ႇၼွႆႉမွင်ၸႂ်ၵႂႃႇလႄႈ ပၢႆၸိၵ်းလွႆၵရမေႇလၼၼ်ႉႁဵဝ်ႇၸွပ်ႈၵႂႃႇဢေႃႈ။
တၢင်းဢၼ်ၸီႇယၢင်ႁိမ်းႁွမ်းဢိသရေႇလ
၃ ထႃႇဝရႃႉၽြႃးမီးဢမိင်ႉၸမ်းၵွပ်ႈပိူဝ်ႈဢပျႅတ်ႈဝဵင်းထမ်ႇမသႅတ်ႉသၢမ်ပႃးဢမ်ႇၵႃး ၵွပ်ႈပိူဝ်ႈဢပျႅတ်ႈသီႇပႃးလႄႈၵဝ်ယင်းဢမ်ႇပၼ်တၢမ်ႇလႄႈဢမ်ႇယူႇ။လွင်ႈမၼ်းၸမ်း ၶဝ်ဢဝ်ၸၢၵ်ႈလဵၵ်းၶိုတ်ႈၼူတ်ႈၶဝ်ႈပိူၵ်ႇၸိူဝ်းၼၼ်ႉၶိုတ်ႈၼူတ်ႈမိူင်းၵိလတ်ႉ ၼၼ်ႉယဝ်ႉယဝ်ႉ။
၄ ၵဝ်တၵ်းပွႆႇၸႂ်ႉၽႆး သႂ်ႇၵႃႈၼိူဝ်မဵဝ်းၶုၼ်ႁႃႇၸေႇလလႄႈ ႁႂ်ႈမႆႈႁေႃၶမ်းၶုၼ်ပိၼ်ႇႁႃႇတတ်ႉတင်းလၢႆဢေႃႈ။ၵဝ်တၵ်းႁၵ်းႁိၵ်းၵိူၼ်ႇၽၵ်းတူ ဝဵင်းထမ်ႇမသႅတ်ႉပႅတ်ႈလႄႈ ၵဝ်တၵ်းပႄႇၽဵဝ်ႈပႅတ်ႈ ၵေႃႉဢၼ်ႁဵတ်းၶုၼ်မၼ်းသေၵႃႈတီႈ ပၢင်ႇႁူၺ်ႈဢႃႇဝိၼ်ႇ ၼၼ်ႉဢိၵ်ႇတင်းၶုၼ်ဢၼ်ယိပ်းၵၼ်းႁွၵ်ႇရႃႇၸႃႉမၼ်း ပႅတ်ႈသေ ၵႃႈတီႈဝဵင်းပိတ်ႉဢေႇတိၼ်ႇၼၼ်ႉဢေႃႈ။
၅ ၵူၼ်းမိူင်းသုရိတင်းလၢႆ တၵ်းလႆႈဢွၼ်ၵၼ်ၶၢမ်ႇတၢင်းဢၼ်သိမ်းဢဝ်ၵႂႃႇၸူးၵႃႈတီႈဝဵင်းၵိရဢေႃႈ၊ ဝႃႈၼင်ႇၼႆထႃႇဝရႃႉၽြႃးမီးဢမိင်ႉဢေႃႈ။
၆ ထႃႇဝရႃႉၽြႃး သမ်ႉမီးဢမိင်ႉၸမ်း၊ၵွပ်ႈပိူဝ်ႈဢပျႅတ်ႈဝဵင်းၵႃႇၸ သၢမ်ပႃးဢမ်ႇၵႃး၊ ၵွပ်ႈပိူဝ်ႈဢပျႅတ်ႈသီႇပႃးလႄႈၵဝ်ယင်းဢမ်ႇပၼ်တၢမ်ႇလႄးဢမ်ႇယူႇ။ လွင်ႈမၼ်းၸမ်း ၶဝ်သိမ်းဢဝ်ၶဝ်ၸိူဝ်းဢၼ်လႆႈၶၢမ်ႇတၢင်းဢၼ်ၶျုၵ်ႈဝႆႉၼၼ်ႉ ႁႂ်ႈလႆႈဢၢပ်ႈပၼ်တီႈၶုၼ်ဢေႇတုမ်ႇ ၼၼ်ႉတင်းသဵင်ႈတင်းမူတ်းယဝ်ႉယဝ်ႉ။
၇ ၵဝ်တၵ်းပွႆႇၸႂ်ႉၽႆးသႂ်ႇၵႃၼိူဝ်ႈလမ်းဝဵင်းၵႃႇၸ လႄႈႁႂ်ႈမႆႈႁေႃၶမ်းတင်းလၢႆဢေႃႈ။ၵဝ်ပႄႇၽဵဝ်ႈၵေႃႉဢၼ်ႁဵတ်းၶုၼ်မၼ်းပႅတ်ႈသေၵႃႈတီႈဝဵင်းဢႃႇၸုတ်ႉ ဢိၵ်ႇတင်းၶုၼ်ဢၼ်ယိပ်းၵၼ်းႁွၵ်ႇရႃႇၸႃႉမၼ်းပႅတ်ႈသေၵႃႈတီႈဝဵင်း ဢႃႇသ ၵေႇလုၼ်ႇၼၼ်ႉဢေႃႈ။
၈ ၵဝ်တၵ်းဢဝ်မိုဝ်းၵဝ်ဝၢႆႇၶိုၼ်ႈၸူးၵႃႈတီႈဝဵင်းဢေႇၵုၼ်ႇ လႄႈၵူၼ်း ၽိလိတ်ႉတိဢၼ်ၵိုတ်းဢၼ်ၵျၢၼ်ႇၸိူဝ်းၼၼ်ႉ တၵ်းလႆႈလူႉလႅဝ်ဢေႃႈ၊ဝႃႈၼင်ႇၼႆထႃႇဝရႃႉၽြႃးမီးဢမိင်ႉဢေႃႈ။
၉ ထႃႇဝရႃႉၽြႃးသမ်ႉမီးဢမိင်ႉၸမ်း၊ ၵွပ်ႈပိူဝ်ႈဢပျႅတ်ႈဝဵင်းတုရုသၢမ်ပႃးဢမ်ႇၵႃး၊ ၵွပ်ႈပိူဝ်ႈဢပျႅတ်ႈသီႇပႃးလႄႈ ၵဝ်ယင်းဢမ်ႇပၼ်တၢမ်ႇလႄးဢမ်ႇယူႇ။လွင်ႈမၼ်းၸမ်းၶဝ်ယင်းဢမ်ႇပႂ်ႉမိၵ်ႉသႁႃႇယႃႉ ဢၼ်ပီႈၼွင်ႉၵၼ်ႁဵတ်းၼၼ်ႉလႄႈဢဝ်ၶဝ်ၸိူဝ်းဢၼ်လႆႈၶၢမ်ႇတၢင်းဢၼ်ၶျုၵ်ႈဝႆႉၼၼ်ႉ ၵႂႃႇဢၢပ်ႈပၼ်တီႈၶုၼ် ဢေႇ တုမ်ႇ ၼၼ်ႉတင်းသဵင်ႈတင်းမူတ်းယဝ်ႉယဝ်ႉ။
၁၀ ၵဝ်တၵ်းပွႆႇၸႂ်ႉၽႆးသႂ်ႇၵႃႈၼိူဝ်လမ်းဝဵင်းတုရုလႄႈ ႁႂ်ႈမႆႈႁေႃၶမ်းမၼ်းတင်းလၢႆဢေႃႈ၊ဝႃႈၼင်ႇၼႆႇဢေႃႈ။
၁၁ ထႃႇဝရႃႉၽြႃး သမ်ႉမီးဢမိင်ႉၸမ်း၊ၵွပ်ႈပိူဝ်ႈဢပျႅတ်ႈမိူင်းဢေႇတုမ်ႇ သၢမ်ပႃးဢမ်ႇၵႃး၊ၵွပ်ႈပိူဝ်ႈဢပျႅတ်ႈသီႇပႃးလႄႈၵဝ်ယင်းဢမ်ႇပၼ်တၢမ်ႇလႄႈဢမ်ႇယူႇ။ လွင်ႈမၼ်းၸမ်း မၼ်းၶျုၵ်ႈဝႆႉၸႂ်ဢၼ်ဢိတ်းလူသေလႄႈဢဝ်လၢပ်ႇဢဝ်လႅဝ်းလိုပ်ႈၸွမ်းလမ်းၸွမ်းပီႈၼွင်ႉမၼ်းလႄႈ တေႃးသႃႉတၢင်းၸႂ်မႆႈမၼ်းတိုတ်းၶၢတ်ႇပႅတ်ႈယူႇတႃႇသေႇလႄႈ မၼ်းဝႆႉတၢင်းၽိတ်းမၼ်း ယူႇသေႇသေႇၼၼ်ႉယဝ်ႉယဝ်ႉ။
၁၂ ၵဝ်တၵ်းပွႆႇၸႂ်ႉၽႆးသႂ်ႇၵႃႈၼိူဝ်ဝဵင်းတေႇမၢၼ်ႇလႄႈ ႁႂ်ႈမႆႈႁေႃၶမ်းဝဵင်းပေႃႇၸရတင်းလၢႆဢေႃႈ၊ ဝႃႈၼင်ႇၼႆဢေႃႈ။
၁၃ ထႃႇဝရႃႉၽြႃးသမ်ႉမီးဢမိင်ႉၸမ်း၊ ၵွပ်ႈပိူဝ်ႈဢပျႅတ်ႈၵူၼ်းမဵဝ်းဢမ်ႇမုၼ်ႇ သၢမ်ပႃးဢမ်ႇၵႃး ၵွပ်ႈပိူဝ်ႈဢပျႅတ်ႈသီႇပႃးလႄႈၵဝ်ယင်းဢမ်ႇပၼ်တၢမ်ႇလႄးဢမ်ႇယူႇ။လွင်ႈမၼ်းၸမ်းၶဝ်ၽႃႇတွင်ႉမေႈယိင်းမိူင်းၵိလတ်ႉ ဢၼ်ပႃးပတိၵ်ႉသၼ်ႇထေႇၸိူဝ်းၼၼ်ႉႁႂ်ႈၶွပ်ႇ ၼမ်ႉလႅၼ်လိၼ်ၶဝ်လႆႈၵႂၢင်ႈမႃးယဝ်ႉယဝ်ႉ။
၁၄ ၵဝ်တၵ်းဢဝ်ႆးၸပ်းသႂ်ႇၵႃႈတီႈလမ်းဝဵင်းရပ်ႉပႃႇလႄႈ ႁႂ်ႈမႆႈႁေႃၶမ်းမၼ်းတင်းလၢႆဢေႃႈ။တၵ်းမီးတၢင်းဢၼ်သႅၼ်ႇႁွင်ႉ ၼႂ်းမိူဝ်ႉဝၼ်းဢၼ်တိုၵ်းသိုၵ်း ဢိၵ်ႇတင်းတၢင်းဢၼ်ပိဝ်သဵၼ်ၵႂႃႇ ၼႂ်းဝၼ်းဢၼ်ၽူၼ်လူင်လူမ်းလူင် ႁွတ်ႈမႃးၼၼ်ႉဢေႃႈ။
၁၅ ၶုၼ်ႁေႃၶမ်းၶဝ်ဢိၵ်ႇလူၺ်ႈၵၼ်တင်းမူးမၢတ်ႈၽွင်းမိူင်းမၼ်းၸိူဝ်းၼၼ်ႉ တၵ်းလႆႈၶၢမ်ႇတၢင်းဢၼ်သိမ်းဢဝ်ၵႂႃႇဢေႃႈ၊ဝႃႈၼင်ႇၼႆထႃႇဝရႃႉၽြႃးမီးဢမိင်ႉဢေႃႈ။