Chapter
၈
ႁူဝ်ႁိူၼ်းဢၼ်ၸွမ်းဢေႇၸရၶိုၼ်းမိူဝ်းမိူင်း
၁ ၸရၢင်း ၶဝ်ၸိူဝ်းဢၼ်ပဵၼ်ငဝ်ႈပဵၼ်ႁူဝ်မဵဝ်းပူႇမဵဝ်းပေႃႈၶဝ်ဢၼ်ဝႃႈ ၸရၢင်းၸိူဝ်ႉၶိူဝ်းၶဝ်ၸိူဝ်းဢၼ်လုၵ်ႉသေၵႃႈတီႈဝဵင်းပႃႇပုလုၼ်ႇ လူၺ်ႈၵၼ်တင်းၵဝ်မႃးၼႂ်းၸူဝ်ႈပၢၼ်ၶုၼ်လူင် ဢႃႇတၸေႇရိတ်ႉ ၼၼ်ႉၸမ်း၊-
၂ ပဵၼ်မဵဝ်းၵေႇရသုၼ်ႇ မဵဝ်းၽိၼႁတ်ႉ၊ မဵဝ်းတၼ်ႇယေႇလ မဵဝ်းဢိသမႃႇ၊
၃ မဵဝ်းႁတ်ႉတုတ်ႉမဵဝ်းတႃႇဝိတ်ႉ၊မဵဝ်း ၸႃႇၶရိမဵဝ်းသေႇၵၼိ ၵႃႈၼႂ်းၸိူဝ်ႉၶိူဝ်းၽႃႇရုတ်ႉ
၄ ဢိၵ်ႇတင်း ၶဝ်ၸိူဝ်းဢၼ်လႆႈတၢင်းဢၼ်မၢတ်ႈမၢႆၶဝ်ႈပႃး ၵႃႈၼႂ်းၸရၢင်းၵူၼ်းၸၢႆးၼၼ်ႉပၢၵ်ႇပၢႆႇႁႃႈသိပ်းၵေႃႉ၊မဵဝ်းဢေႇလေႇၼေႇ လုၵ်ႈၸၢႆးၸေႇရႃႇယမဵဝ်းပႃႇႁတ်ႉ မေႃႇၽ
၅ ဢိၵ်ႇတင်းၵူၼ်းၸၢႆးဢၼ်ပႃးတီႈမၼ်းသွင်ပၢၵ်ႇၵေႃႉ၊လုၵ်ႈၸၢႆးယႁႃႇၸေႇလ မဵဝ်းသေႇၶၼိ
၆ ဢိၵ်ႇတင်း ၵူၼ်းၸၢႆးဢၼ်ပႃးတီႈမၼ်းသၢမ်ပၢၵ်ႇၵေႃႉဢေႇပိတ်ႉ လုၵ်ႈၸၢႆးယေႃးၼသၼ်ႇမဵဝ်းဢေႇတိၼ်ႇ
၇ ဢိၵ်ႇတင်း ၵူၼ်းၸၢႆးဢၼ်ပႃးတီႈမၼ်းႁႃႈသိပ်းၵေႃႉယေႇသႃႇယ လုၵ်ႈၸၢႆးဢႃႇထလိ မဵဝ်းဢေႇလမ်ႇ
၈ ဢိၵ်ႇတင်း ၵူၼ်းၸၢႆးဢၼ်ပႃးတီႈမၼ်းၸဵတ်းသိပ်းၵေႃႉ၊ၸေႇပတိလုၵ်ႈၸၢႆးမိၵ်ႉၶေႇလမဵဝ်းသေႇပတိ
၉ ဢိၵ်ႇတင်းၵူၼ်းၸၢႆး ဢၼ်ပႃးတီႈမၼ်းပႅတ်ႇသိပ်းၵေႃႉ၊ဢေႃႇပတိ လုၵ်ႈၸၢႆးယေႇႁေႇလ မဵဝ်းယႂႃႇၽ
၁၀ ဢိၵ်ႇတင်းၵူၼ်းၸၢႆးဢၼ်ပႃးတီႈမၼ်းသွင်ပၢၵ်ႇပၢႆသိပ်းပႅတ်ႇၵေႃႉ လုၵ်ႈၸၢႆးယေႃႇသိၽိ မဵဝ်းပေႇပေႇ
၁၁ ဢိၵ်ႇ တင်းၵူၼ်းၸၢႆးဢၼ်ပႃးတီႈမၼ်း ပၢၵ်ႇပၢႆႁူၵ်းသိပ်းၵေႃႉ၊ၸႃႇၶရိ လုၵ်ႈၸၢႆးပေႇပေႇမဵဝ်းပေႇပေႇဢိၵ်ႇတင်း ၵူၼ်းၸၢႆးဢၼ်ပႃးတီႈမၼ်းသၢဝ်းပၢႆပႅတ်ႇၵေႃႉ၊ ယေႃးႁၼၼ်ႇ လုၵ်ႈၸၢႆးႁၵ်ႉၵတၼ်ႇမဵဝ်းဢႃႇၸၵတ်ႉ
၁၂ ဢိၵ်ႇတင်းၵူၼ်းၸၢႆး ဢၼ်ပႃးတီႈမၼ်းပၢၵ်ႇပၢႆသိပ်းၵေႃႉဢေႇလိၽလိတ်ႉ၊ ယေႇယေႇလ၊ သေႇမႃႇယ ဢၼ်ပဵၼ်ၶဝ်ၸိူဝ်းဢၼ်တူၵ်းလိုၼ်း ၵႃႈၼႂ်းမဵဝ်းၸိူဝ်ႉၶိူဝ်းဢ တေႃႇၼိၵမ်ႇ
၁၃ ဢိၵ်ႇတင်းၵူၼ်းၸၢႆးဢၼ်ပႃးတီႈမၼ်းၶဝ်ႁူၵ်းသိပ်းၵေႃႉ၊ဢုသေႇ တင်းၸပ်ႉပုတ်ႉမဵဝ်းပိၵဝေႇ
၁၄ ဢိၵ်ႇတင်းၵူၼ်းၸၢႆး ဢၼ်ပႃးတီႈၶဝ်ၸဵတ်းသိပ်းၵေႃႉၸိူဝ်းၼၼ်ႉဢေႃႈ။
ၶိုၼ်းမိူဝ်းၸူးဝဵင်းယေႇရုသလႅမ်ႇ
၁၅ ၶဝ်ၸိူဝ်းၼၼ်ႉၸိုင် ၵဝ်ႁႂ်ႈၸူႉၵၼ်တုမ်ၵၼ်ၵႃႈတီႈႁိမ်းၼမ်ႉႁွင်ႊဢၼ်လႆၵႂႃႇၸူးၵႃႈတီႈဝဵင်းဢႁႃႇဝ ၼၼ်ႉလႄႈ ႁဝ်းဢွၼ်ၵၼ်ယူႇၵႃႈၼႂ်းသုမ်ႉထဵင်ၵႃႈတီႈၼၼ်ႉသၢမ်ဝၼ်းတဵမ်တဵမ်ဢေႃႈ။ၵဝ်ၸႅတ်ႈထၢမ်တီႈၵူၼ်းတင်းလၢႆ ဢိၵ်ႇတင်းယိတ်ႉပရေႃးႁိၵ်ႈၸိူဝ်းၼၼ်ႉလႄႈမိူဝ်ႈဢၼ်ဢမ်ႇထူပ်းဢမ်ႇႁၼ်ၵူၼ်းမဵဝ်းလေႇဝိ သေ ၵေႃႉသေၵူၼ်းၼၼ်ႉၸိုင်၊
၁၆ ၵဝ်ႁွင်ႉဢဝ်ဢေႇလႃႇၸႃႇ၊ဢရေႇလ၊သေႇမႃႇယ၊ဢေႇလၼႃႇသၼ်ႇ၊ယႃႇရိပ်ႉ၊ဢေႇလၼႃႇသၼ်ႇ၊ၼႃႇသၼ်ႇ၊ ၸႃႇၶရိ၊မေႇသုလမ်ႇဢၼ်ပဵၼ်ငဝ်ႈပဵၼ်ႁူဝ်ၸိူဝ်းၼၼ်ႉ ဢိၵ်ႇတင်းယႂႃႇရိပ်ႉတင်းဢေႇလၼႃႇသၼ်ႇ ဢၼ်ပဵၼ်ၵေႃႉဢၼ်မီးပိင်ႇ ၺႃႇၸိူဝ်းၼၼ်ႉမႃးလႄႈ
၁၇ ပွႆႇၸႂ်ႉၶဝ်ၵႂႃႇၸူးၵႃႈတီႈဢိတေႃႇ ၵေႃႉဢၼ်ပဵၼ်ငဝ်ႈပဵၼ်ႁူဝ်ၵႃႈၼႂ်းဝဵင်းၵသိၽိၼၼ်ႉသေလႄႈ သင်ႇလၢတ်ႈတီႈၶဝ်လွင်ႈဢၼ်ၶဝ်တၵ်းလႆႈလၢတ်ႈၵႂၢမ်းၸိူဝ်ႉၼင်ႇႁိုဝ်တီႈဢိတေႃႇ ဢိၵ်ႇတင်းပီႈၼွင်ႉၸိူဝ်ႉၶိူဝ်းမၼ်း ၶႃႈၽြႃးဢၼ်ယူႇၵႃႈတီႈဝဵင်းၵသိၽိ ၸိူဝ်းၼၼ်ႉႁႂ်ႈၶဝ်ပၼ်ၶဝ်ၸိူဝ်းဢၼ်တၵ်းလႆႈပႂ်ႉဢမူႉႁိူၼ်းၽြႃးပဵၼ်ၸဝ်ႈႁဝ်းၼၼ်ႉဢေႃႈ။
၁၈ ၶဝ်ၼၼ်ႉ ၵွပ်ႈပိူဝ်ႈၵျေးၸူးတၼ်းၶူဝ်းမိုဝ်းၽြႃးပဵၼ်ၸဝ်ႈႁဝ်း ဢၼ်မီးယူႇၵႃႈၼိူဝ်ႁဝ်းၼၼ်ႉလႄႈဢွၼ်ၵၼ်ႁွင်ႉဢဝ် ၵေႃႉဢၼ်မီးပိင်ႇၺႃႇဢၼ်ပဵၼ်ၵူၼ်းမဵဝ်းမႁႃႇလိ၊ မဵဝ်းလေႇဝိ၊မဵဝ်းဢိသရေႇလၼၼ်ႉၵေႃႉၼိုင်ႈ၊သေႇရၽိဢိၵ်ႇတင်း လုၵ်ႈလၢင်းပီႈၼွင်ႉမၼ်းသိပ်းပၢႆပႅတ်ႇၵေႃႉ၊
၁၉ ႁႃႇသၽိတင်း ယေႇသႃႇယမဵဝ်းမေႇရႃႇရိဢိၵ်ႇတင်း ပီႈၼွင်ႉမၼ်း တင်းလုၵ်ႈလၢင်းၶဝ်သၢဝ်းၼိုင်ႈ၊
၂၀ ၶႃႈၽြႃးဢၼ်တႃႇဝိတ်ႉတင်းမူးမၢတ်ႈၽွင်းမိူင်းမၼ်းၸိူဝ်းၼၼ်ႉၶၢၼ်းဝႆႉႁႂ်ႈလႆႈၵိုတ်ႈႁၢပ်ႇဢမူႉၵူၼ်းမဵဝ်း လေႇဝိတင်းလၢႆၼၼ်ႉမႃးလႄႈၶဝ်တင်းသဵင်ႈတင်းလူင်ၼၼ်ႉၸိုဝ်သဵင်ၶဝ်ႈပႃးၼႂ်းၸရၢင်းမီးသွင်ပၢၵ်ႇပၢႆသၢဝ်းၵေႃႉဢေႃႈ။
၂၁ မိူဝ်ႈၼၼ်ႉ ၵဝ်မီးဢမိင်ႉမွၵ်ႇလၢတ်ႈၵႃႈတီႈႁိမ်းၼမ်ႉႁွင်ႊဢႁႃႇဝၶိင်ႇဢၼ်တၵ်းလႆႈၵမ်တၢင်းၵိၼ်ႁႂ်ႈလႆႈၶျႃးတူဝ်ၸဝ်ႈၵဝ်ႇတူၵ်းတီႈတႅမ်ႇ ၵႃႈတီႈၽၢႆႇၼႃႈၽြႃးပဵၼ်ၸဝ်ႈႁဝ်းလႄႈ ႁႃဢဝ်သဵၼ်ႈတၢင်းဢၼ်သိုဝ်ႈဢၼ်လီပုၼ်ႈႁဝ်း ဢိၵ်ႇတင်းလုၵ်ႈဢွၼ်ႇလၢင်းဢွၼ်ႇႁဝ်းတင်းဢုၵ်ႉၸႃႇႁဝ်းၵႃႈမီးၼၼ်ႉတီႈမၼ်း ၸဝ်ႈဢေႃႈ။
၂၂ လွင်ႈမၼ်းၸမ်းၵဝ်ဢူၵ်းဢၢႆလွင်ႈဢၼ်တၵ်းယွၼ်းဢဝ်တပ်ႉႁူဝ်ႁၢၼ်ၵူၼ်းသိုၵ်း ႁူဝ်ႁၢၼ်ၶီႇမႃႉ တပ်ႉဢၼ်လႆႈၸွမ်းသူင်ႇႁဝ်းႁႂ်ႈလႆႈၸွႆႈထႅမ်ႁၢမ်ႈတပ်ႉႁႄႉၶႅၼ်ရၢၼ်ႇသူႇ ၵႃႈတႃႈၵႃႈတၢင်းၼၼ်ႉတီႈၶုၼ်ႁေႃၶမ်း ၵွပ်ႈပိူဝ်ႈဢၼ်ႁဝ်းလႆႈလၢတ်ႈတီႈၶုၼ်ႁေႃၶမ်းဝႆႉဝႃႈ၊-ၵျေးၸူးတၼ်းၶူဝ်းမိုဝ်းၽြႃးပဵၼ်ၸဝ်ႈႁဝ်းၶႃႈ မီးယူႇၵႃႈၼိူဝ်ၶဝ်ၵႃႈဢၼ်ဢွၼ်ၵၼ်ႁႃဢဝ်မၼ်းၸဝ်ႈပုၼ်ႈ ဢၼ်လီဢၼ်ငၢမ်းၼၼ်ႉ တီႈၶႃႈဢေႃႈ။တၼ်းၶူဝ်းမၼ်းၸဝ်ႈဢိၵ်ႇတင်းတၢင်းၸႂ်မႆႈၶႆႈၸႃႉမၼ်းၸဝ်ႈၸိူဝ်းၼၼ်ႉ ယူႇၽၢႆႇၼိုင်ႈတင်းၶဝ်ၸိူဝ်းဢၼ်ၸုၼ်ႉပႅတ်ႈမၼ်းၸဝ်ႈၼၼ်ႉဢေႃႈ၊ဝႃႈၼင်ႇၼႆဝႆႉၼၼ်ႉဢေႃႈ။
၂၃ ၼင်ႇၼၼ်လႄႈႁဝ်းဢွၼ်ၵၼ်ၵမ်တၢင်းၵိၼ်လႄႈ သူးတွင်းယွၼ်းဢဝ်လွင်ႈတၢင်းၼၼ်ႉတီႈၽြႃးပဵၼ်ၸဝ်ႈႁဝ်းဢေႃႈ။မၼ်းၸဝ်ႈၵေႃႈ ထွမ်ႇဢဝ်ဢေႃႈ။
၂၄ မိူဝ်ႈၼၼ်ႉၵဝ်လိူၵ်ႈၵဵပ်းဢဝ်ယိတ်ႉပရေႃးႁိၵ်ႈဢၼ်ယႂ်ႇသိပ်းပၢႆသွင်ပႃးဢၼ်ဝႃႈ သေႇရၽိ၊ ႁႃႇသၽိဢိၵ်ႇတင်း ပီႈၼွင်ႉၶဝ်သိပ်းၼိုင်ႈသေယဝ်ႉၸၢင်ႁိဝ်ႈငိုၼ်းၶမ်း ၶိူင်ႈပိူင်တင်းလၢႆဢၼ်ဝႃႈတၢင်း ပုၵ်ႉၸေႃႇပုၼ်ႈ ႁိူၼ်းၽြႃးပဵၼ်ၸဝ်ႈႁဝ်းဢၼ်ၶုၼ်ႁေႃၶမ်းဢိၵ်ႇတင်း
၂၅ ဢတႂၢင်းဝုၼ်ႇၸဝ်ႈမူးမၢတ်ႈၽွင်းမိူင်းၸဝ်ႈတင်းလၢႆ၊ၵူၼ်းမဵဝ်းဢိသရေႇလ ၵႃႈဢၼ်ၸူႉတုမ်ၵၼ် ၵႃႈတီႈၼၼ်ႉၸိူဝ်းၼၼ်ႉလူႇတၢၼ်းၼၼ်ႉ သေလႄႈ ဢၢပ်ႈပၼ်တီႈၶဝ်ၼၼ်ႉဢေႃႈ။
၂၆ ၵဝ်ၸင်ႊႁိဝ်ႈငိုၼ်းဢၼ်မီး ႁူၵ်းပၢၵ်ႇပၢႆႁႃႈသိပ်းတလၢၼ်ႇတၢၼ်ႇၶိူင်ႈငိုၼ်း ပၢၵ်ႇတလၢၼ်ႇတၢၼ်ႇ၊ ၶိူင်ႈၶမ်းပၢၵ်ႇတလၢၼ်ႇတၢၼ်ႇ၊ ၵွၵ်းဝၢၼ်ႇၶမ်းဢၼ်ၶၼ်ၸင်ႊမၼ်း မီးတႅင်းၵႃးၶမ်းတရိၵ်ႈႁဵင်ၼိုင်ႈၼၼ်ႉသၢဝ်းလုၵ်ႈ၊
၂၇ ၵွၵ်းတွင်းလိူင်ၸႅတ်ႈၸႅတ်ႈ ဢၼ်မျၢတ်ႈပဵင်းတၢၼ်ႇၶမ်းၼၼ်ႉသွင်လုၵ်ႈၸိူဝ်းၼၼ်ႉသေလႄႈ ဢၢပ်ႈပၼ်ၵႃႈၼႂ်းမိုဝ်းၶဝ်ၼၼ်ႉသေယဝ်ႉသင်ႇလၢတ်ႈလႄႈဝႃႈ၊-
၂၈ သူၼႆႉပဵၼ်ဢၼ်မူတ်းၸၢင်ႇပုၼ်ႈထႃႇဝရႃႉၽြႃးဢေႃႈ။ ၶိူင်ႈပိူင်ၸိူဝ်းၼႆႉၵေႃႈပဵၼ်ဢၼ်မူတ်းၸၢင်ႇဢေႃႈ။ငိုၼ်းၼႆႉဢိၵ်ႇတင်းၶမ်းၼႆႉၵေႃႈ ပဵၼ်တၢင်းပုၵ်ႉၸေႃႇဢၼ်မီးၸႂ်ၸေႇတၼႃႇသေလႄႈ လူႇတၢၼ်းတီႈၽြႃးပဵၼ်ၸဝ်ႈ ပူႇႁဝ်းမွၼ်ႇႁဝ်းၼၼ်ႉဢေႃႈ။
၂၉ သူဢွၼ်ၵၼ်ဢဝ်ၸိူဝ်းၼႆႉပႂ်ႉဝႆႉလႄႈ လူႈတူၺ်းဝႆႉယူႇ တေႃႇထိုင်ႁွတ်ႈလႆႈဢဝ်ၸင်ႊႁိဝ်ႈ ၵႃႈတီႈၽၢႆႇၼႃႈ ၶဝ်ၸိူဝ်းဢၼ်ပဵၼ်ငဝ်ႈပဵၼ်ႁူဝ်ၼႂ်းယိတ်ႉပရေႃးႁိၵ်ႈဢိၵ်ႇတင်းၵူၼ်းမဵဝ်း လေႇဝိ တင်းလၢႆတင်းၶဝ်ၸိူဝ်းဢၼ်ပဵၼ်ၶုၼ်မဵဝ်းပူႇမဵဝ်းပေႃႈဢိသရေႇလၵႃႈတီႈဝဵင်းယေႇရုသလႅမ်ႇ ၵႃႈၼႂ်းလုၵ်းႁိူၼ်းထႃႇဝရႃႉၽြႃးၸိူဝ်းၼၼ်ႉတႃႉ၊ ဝႃႈၼင်ႇၼႆ ဢေႃႈ။
၃၀ ၼင်ႇၼၼ်လႄႈယိတ်ႉပရေႃးႁိၵ်ႈဢိၵ်ႇတင်းၵူၼ်းမဵဝ်းလေႇဝိ ၸိူဝ်းၼၼ်ႉဢွၼ်ၵၼ်ႁပ်ႉတုင်းဢဝ်ငိုၼ်းၶမ်း ၶိူင်ႈပိူင်ဢၼ်ၸင်ႊႁိဝ်ႈၸိူဝ်းၼၼ်ႉႁႂ်ႈလႆႈဢဝ်သူင်ႇၵႃႈတီႈ ဝဵင်းယေႇရုသလႅမ်ႇ ၵႃႈၼႂ်းႁိူၼ်းၽြႃးပဵၼ်ၸဝ်ႈႁဝ်းဢေႃႈ။
၃၁ ၼႂ်းလိူၼ်ပထမသိပ်းသွင်ဝၼ်းၼၼ်ႉ ႁဝ်းဢွၼ်ၵၼ်ဢွၵ်ႇသေၵႃႈတီႈႁွင်ႊဢႁႃႇဝ လႄႈၵႂႃႇတၢင်းပႆတၢင်းၸူးၵႃႈတီႈဝဵင်းယေႇရုသလႅမ်ႇဢေႃႈ။တၼ်းၶူဝ်းမိုဝ်းၽြႃးပဵၼ်ၸဝ်ႈႁဝ်း မီးယူႇၵႃႈၼိူဝ်ႁဝ်းလႄႈမၼ်းၸဝ်ႈၵႄႇသႄႇဢဝ်ႁဝ်း လွတ်ႈသေၵႃႈၼႂ်းမိုဝ်းရၢၼ်ႇသူႇ
၃၂ ဢိၵ်ႇတင်း ၵေႃႉဢၼ်လွမ်ပႂ်ႉယူႇ ၵႃႈတႃႈၵႃႈတၢင်းၼၼ်ႉသေလႄႈ ႁဝ်းႁွတ်ႈထိုင်ၵႃႈတီႈဝဵင်းယေႇရုသလႅမ်ႇလႄႈယူႇသၢမ်ဝၼ်းသေယဝ်ႉ၊ ၼႂ်းဝၼ်းၸတုၵ်ႉ ထၼၼ်ႉၶဝ်ဢွၼ်ၵၼ်ၸင်ႊႁိဝ်ႈငိုၼ်း၊
၃၃ ၶမ်း၊ၶိူင်ႈပိူင်ၸိူဝ်းၼၼ်ႉ ၵႃႈၼႂ်းႁိူၼ်းၽြႃးပဵၼ်ၸဝ်ႈႁဝ်းသေလႄႈဢၢပ်ႈပၼ်ၵႃႈၼႂ်းမိုဝ်းမေႇရမုတ်ႉ လုၵ်ႈၸၢႆးယိတ်ႉပရေႃးႁိၵ်ႈဢုရိယ ၼၼ်ႉလႄႈဢေႇလႃႇၸႃႇလုၵ်ႈၸၢႆးၽိၼႁတ်ႉၵေႃႈမီးယူႇလူၺ်ႈၵၼ်တင်းမၼ်းလႄႈ ယေႃႇလပတ်ႉလုၵ်ႈၸၢႆးယေႃးသုဢိၵ်ႇတင်း ၼေႃႇတိလုၵ်ႈ ၸၢႆးပီႈၼွႆႇၵူၼ်းလေႇဝိၸိူဝ်းၼၼ်ႉၽွမ်ႉလူၺ်ႈၵၼ်တင်းၶဝ်သေလႄႈ
၃၄ ၼပ်ႉဢၢၼ်ႇၸင်ႈႁိဝ်ႈတင်းသဵင်ႈတင်းလူင်ၸိူဝ်းၼၼ်ႉလႄႈ မၢတ်ႈမၢႆတႅမ်ႈဝႆႉၶၼ်ၸင်ႊၼမ်ႉၼၵ်းမၼ်းတင်းသဵင်ႈတင်းလူင် ဝႆႉၼႂ်းဝၼ်းၼၼ်ႉ ၵမ်းလဵဝ်ဢေႃႈ။
၃၅ ၶဝ်ၸိူဝ်းဢၼ်ဢွၵ်ႇသေၵႃႈၼႂ်းမုၵ်ႉၸိူဝ်းၶဝ်ၸိူဝ်းဢၼ်လႆႈၶၢမ်ႇ တၢင်းဢၼ်သိမ်းဢဝ်ၵႂႃႇၼၼ်ႉမႃးၸိူဝ်းၼၼ်ႉၵေႃႈ ဢွၼ်ၵၼ်ဢဝ်ယိၸ်ႉဢၼ်တုတ်ႇၽႆးဢၼ်ဝႃႈဝူဝ်းသိပ်းသွင်တူဝ်ပုၼ်ႈၵူၼ်းမဵဝ်းဢိသရေႇလ တင်းသဵင်ႈတင်းလူင်သူဝ်းပေႃႈၵဝ်ႈသိပ်းပၢႆႁူၵ်းတူဝ်၊ သူဝ်းဢွၼ်ႇၸဵတ်းသိပ်းပၢႆၸဵတ်းတူဝ်၊ပေႉပေႃႈသိပ်းသွင်တူဝ်ပုၼ်ႈယိၸ်ႉဢၼ်ၽႄႇဢပျႅတ်ႈၸိူဝ်းၼၼ်ႉ ပုၵ်ႉၸေႃႇတီႈၽြႃးပဵၼ်ၸဝ်ႈမဵဝ်းဢိသရေႇလဢေႃႈ။တင်းသဵင်ႈတင်းမူတ်းၼႆႉၸမ်းပဵၼ်ယိၸ်ႉဢၼ်တုတ်ႇၽႆးတီႈထႃႇဝရႃႉၽြႃးဢေႃႈ။
၃၆ ၶဝ်ဢဝ်ဢမိင်ႉ ဢၼ်ၶုၼ်ႁေႃၶမ်းသင်ႇလၢတ်ႈဝႆႉၸိူဝ်းၼၼ်ႉဢၢပ်ႈပၼ်တီႈၸဝႃ်ႈႉ လႂ် တင်းမဵဝ်ႉဝုၼ်ႇၵႃႈတီႈၽၢႆႇဝၼ်းတူၵ်းၼမ်ႉႁွင်ႊ လႂ်ၸိူဝ်းၼၼ်ႉလႄႈ ၶဝ်ၼၼ်ႉဢွၼ်ၵၼ်လူတူၺ်း ၸွႆႈၵမ်ႉၸွႆႈထွၵ်ႈၵူၼ်းတင်းလၢႆဢိၵ်ႇတင်းႁိူၼ်းၽြႃးပဵၼ်ၸဝ်ႈဢေႃႈ။