Chapter
၇
လိၵ်ႈဢႃႇတၸေႇရိတ်ႉပၼ်ထိုင်ဢေႇၸရ
၁၁ လၢၵ်ႈၶၢမ်ႇလိၵ်ႈဢမိင်ႉၸဝ်ႈ ဢၼ်ၶုၼ်လူင်ဢႃႇတၸေႇရိတ်ႉ ပၼ်တီႈ ဢေႇၸရ ယိတ်ႉပရေႃးႁိၵ်ႈသြႃႇဢၼ်ၸၢင်ႊမေႃၵႂၢမ်း ပိင်းၺၢပ်ႈထႃႇဝရႃႉၽြႃးဢိၵ်ႇတင်းထုင်းၾိင်ႈတြႃးဢၼ်မၼ်း ၸဝ်ႈၸီႇယၢင်ႇဝႆႉတီႈ မဵဝ်းဢိသရေႇလၼၼ်ႉလႄႈဝႃႈၸမ်း၊-
၁၂ ဢႃႇတၸေႇရိတ်ႉ ၶုၼ်ႁေႃၶမ်းၼိူဝ်ၶုၼ်ႁေႃၶမ်းတင်းလၢႆၼႆႉသင်ႇလၢတ်ႈၵႂႃႇတီႈဢေႇၸရ ယိတ်ႉပရေႃးႁိၵ်ႈသြႃႇဢၼ်ၸၢင်ႊမေႃတြႃးၽြႃးပဵၼ်ၸဝ်ႈ ၸဝ်ႈၽုင်ႇၵၢင်ႁၢဝ်ၼၼ်ႉ ၼႂ်းၶိင်ႇဢၼ်ၸိူဝ်ႉၼင်ႇၼႆၼၼ်ႉလႄႈဝႃႈႁႂ်ႈမီးတၢင်းလီမၢင်ႇၵလႃႇ ဢၼ်ၸေးၸုမ်ႇသေၵမ်းလူၺ်ႈ၊ ဝႃႈၼင်ႇၼႆဢေႃႈ။
၁၃ ၵဝ်မီးဢမိင်ႉလူၺ်ႈလွင်ႈဢၼ်ၼႂ်းၵူၼ်းမဵဝ်းဢိသရေႇလ၊ ယိတ်ႉပရေႃးႁိၵ်ႈ၊ ၵူၼ်းမဵဝ်းလေႇဝိဢၼ်မီးၵႃႈၼႂ်းသိုင်ႇၸိုင်ႈဝၢၼ်ႈမိူင်းၵဝ်ၼႆႉၸိူဝ်းၼၼ်ႉၶဝ်ၵႃႈဢၼ်ၸွမ်းဢလူဝ်ႇတူဝ်ၸဝ်ႈၵဝ်ႇသေလႄႈ ၶၢႆႉၵႂႃႇၵႃႈတီႈဝဵင်းယေႇရုသလႅမ်ႇၼၼ်ႉတၵ်း လႆႈၸွမ်းမႂ်းၵႂႃႇဢေႃႈ။
၁၄ လွင်ႈမၼ်းၸမ်းၶုၼ်ႁေႃၶမ်းဢိၵ်ႇတင်းဢတႂၢင်းဝုၼ်ႇၸဵတ်းပႃး ပွႆႇၸႂ်ႉမႂ်းၵႂႃႇႁႂ်ႈမႂ်းလႆႈတွင်ႉထၢမ်ၸႅတ်ႈတူၺ်း လူၺ်ႈလွင်ႈ မိူင်းယုတတင်း ဝဵင်းယေႇရုသလႅမ်ႇၸွမ်းလူၺ်ႈတြႃးၽြႃးပဵၼ် ၸဝ်ႈမႂ်းဢၼ်မီးၵႃႈၼႂ်းမိုဝ်းမႂ်းၼၼ်ႉ
၁၅ ဢိၵ်ႇတင်းႁႂ်ႈလႆႈဢဝ်ငိုၼ်းၶမ်းဢၼ်ၶုၼ်ႁေႃၶမ်း ဢိၵ်ႇတင်းဢတႂၢင်းဝုၼ်ႇတင်းလၢႆ မီးတင်းၸႂ်ၸေႇတၼႃႇသေလႄႈပုၵ်ႉၸေႃႇတီႈၽြႃးပဵၼ်ၸဝ်ႈမဵဝ်းဢိသရေႇလ ဢၼ်ၵိင်း ဝပ်ႈယူႇၵႃႈၼႂ်းဝဵင်းယေႇရုသလႅမ်ႇၼၼ်ႉ၊
၁၆ ဢိၵ်ႇတင်းငိုၼ်းၶမ်းၵႃႈဢၼ်မႂ်းလႆႈဢဝ်ၵႃႈၼႂ်းမိူင်း ပႃႇပုလုၼ်ႇၼႆႉတင်းတႃႇၼႃႉတၢင်းလူႇ ဢၼ်မီးၸႂ်ၸေႇတၼႃႇသေလႄႈ လူႇဢၼ်ၵူၼ်းတင်းလၢႆတင်းယိတ်ႉပရေႃးႁိၵ်ႈၸိူဝ်းၼၼ်ႉမီးၸႂ်ၸေႇတၼႃႇသေလႄႈ လူႇတၢၼ်းပုၼ်ႈႁိူၼ်းၽြႃးပဵၼ်ၸဝ်ႈၶဝ် ဢၼ်မီးၵႃႈၼႂ်းဝဵင်းယေႇ ရုသလႅမ်ႇၸိူဝ်းၼၼ်ႉၵႂႃႇဢေႃႈ။
၁၇ ပိူဝ်ႈၼႆလႄႈမႂ်းတၵ်းလႆႈဢဝ်ငိုၼ်းၶမ်းၼၼ်ႉသိုဝ်ႉဢဝ်ဝူဝ်း လႂ် သူဝ်းပေႃႈ လႂ်သူဝ်းဢွၼ်ႇ လႂ်ဢိၵ်ႇတင်း ၶိူင်ႈပုၵ်ႉၸေႃႇၽေႃးၸဵၼ်ႇ လႂ် ၶိူင်ႈပုၵ်ႉၸေႃႇဢၼ်သွၼ်းလေႃႇ လႂ်ၶၼ်ၶၼ်ၽႂ်းၽႂ်းလႄႈ ပုၵ်ႉၸေႃႇၵႃႈၼိူဝ်ယိတ်ႉပလၢင်ႇႁိူၼ်းၽြႃးပဵၼ်ၸဝ်ႈမႂ်း ဢၼ်မီးၵႃႈၼႂ်းဝဵင်းယေႇရုသလႅမ်ႇၼၼ်ႉ ဢေႃႈ။
၁၈ ၵႃႈဢၼ်မႂ်းတင်းပီႈၼွင်ႉမႂ်းထၢင်ႇလီဢဝ်ငိုၼ်းၶမ်း ဢၼ်ၵိုတ်းဢၼ်ၵျၢၼ်ႇၼၼ်ႉ ႁဵတ်းၼၼ်ႉၸိုင်ႁဵတ်းႁႂ်ႈမႅၼ်ႈ ၸွမ်းၼင်ႇဢလူဝ်ႇၽြႃးပဵၼ်ၸဝ်ႈသူတႃႉ။
၁၉ ၶိူင်ႈပိူင်ဢၼ်ဢၢပ်ႈပၼ်တီႈမႂ်းပုၼ်ႈဢၼ်တၵ်းႁဵတ်းဝၢတ်ႈ ႁိူၼ်းၽြႃးပဵၼ်ၸဝ်ႈမႂ်းၵႃႈမီးၼၼ်ႉၵေႃႈဢဝ်ဝႆႉၵႃႈတီႈၽၢႆႇၼႃႈၽြႃးပဵၼ်ၸဝ်ႈဝဵင်း ယေႇရုသ လႅမ်ႇတႃႉ။
၂၀ ၵႃႈဢၼ်ယင်းလူဝ်ႇထိင်းပုၼ်ႈႁိူၼ်းၽြႃးပဵၼ်ၸဝ်ႈမႂ်း ဢၼ်မီးတီႈတၵ်းသုင်းၼၼ်ႉၸိုင် ထုတ်ႇဢဝ်ႇၵႃႈၼႂ်းတိူၵ်ႈၽၼ်ႇတႃႇၶုၼ်ႁေႃၶမ်းလႄႈ သုင်း တႃႉ။
၂၁ ၵဝ်ၶုၼ်ႁေႃၶမ်းဢႃႇတၸေႇရိတ်ႉမီးဢမိင်ႉတီႈဝုၼ်ႇၵဵပ်းၶွၼ်ႇၵႃႈမီးၵႃႈတီႈၽၢႆႇဝၼ်းတူၵ်းၸိူဝ်းၼၼ်ႉတင်းလၢႆ ႁႂ်ႈၶဝ်ပၼ်ၵႃႈဢၼ်ယိတ်ႉပရေႃးႁိၵ်ႈဢေႇၸရ သြႃႇဢၼ်ၸၢင်ႊမေႃတြႃးၽြႃးပဵၼ်ၸဝ်ႈ ၸဝ်ႈၽုင်ႇၵၢင်ႁၢဝ်ယွၼ်းဢဝ်ၼၼ်ႉ
၂၂ ၶၼ်ၶၼ်ၽႂ်းၽႂ်းတေႃႇထိုင်ႁွတ်ႈ ငိုၼ်းပၢၵ်ႇတလၢၼ်ႇတၢၼ်ႇ ၶဝ်ႈသၢၼ်ၵျုင်ႇပၢ ၵ်ႇၵေႃႇရႃႉ၊ၼမ်ႉၸပိတ်ႈပၢၵ်ႇပၢတ်ႉ၊ၼမ်ႉမၼ်းပၢၵ်ႇပၢတ်ႉ ဢိၵ်ႇတင်းၵိူဝ်ဢၼ်ဢမ်ႇၼမ်ႉဢမ်ႇ ဢၢၼ်ႇၼၼ်ႉတႃႉ။
၂၃ ၵႃႈဢၼ်ၽြႃးပဵၼ်ၸဝ်ႈၸဝ်ႈၽုင်ႇၵၢင်ႁၢဝ်သင်ႇလၢတ်ႈဝႆႉၼၼ်ႉ ဢွၼ်ၵၼ်သၢင်ႈႁဵတ်းပုၼ်ႈႁိူၼ်းၽြႃးပဵၼ်ၸဝ်ႈၼၼ်ႉ မၢၼ်ႇမၢၼ်ႇမႅၼ်ႈမႅၼ်ႈသေ။ ၵွပ်ႈပိူဝ်ႈၸိူဝ်ႉၼင်ႇႁိုဝ်လႄႈတၢင်းၸႂ်မႆႈၶႆႈၸႃႉမၼ်းၸဝ်ႈ တၵ်းလႆႈတူၵ်းႁွတ်ႈၵႃႈၼိူဝ်ၶုၼ်ႁေႃ ၶမ်းတင်းလုၵ်ႈလၢၼ်ၸိူဝ်ႉၶိူဝ်းၸဝ်ႈၼင်ႇႁိုဝ်။
၂၄ ၼွၵ်ႈသေၼၼ်ႉ ၵဝ်သင်ႇလၢတ်ႈလွင်ႈဢၼ်ၽူႈ လႂ်ဢမ်ႇလႆႈၵဵပ်းဢဝ်ၶွၼ်ႇဝၢၼ်ႈၶွၼ်ႇမိူင်း၊ ၶွၼ်ႇၵႃႉၶွၼ်ႇၶၢႆ၊ၶွၼ်ႇတႃႈၶွၼ်ႇၵၢင်တီႈယိတ်ႉပရေႃးႁိၵ်ႈ၊ ၵူၼ်းမဵဝ်းလေႇဝိ၊ၽူႈႁဵတ်းၵႂၢမ်း၊ၵူၼ်းပႂ်ႉၽၵ်းတူ၊ ၶႃႈၽြႃးၶဝ်ၸိူဝ်းဢၼ်ပႂ်ႉဢမူႉႁိူၼ်းၽြႃးပဵၼ်ၸဝ်ႈၸိူဝ်းၼၼ်ႉ သေၵေႃႉသေ ၵူၼ်း။
၂၅ မႂ်းဢေႇၸရႃႉၵေႃႈၸွမ်းလူၺ်ႈတၢင်းဢၼ်မႂ်းတဵမ်ဝႆႉတင်းၺၢၼ်ႇၽြႃးပဵၼ်ၸဝ်ႈမႂ်း ဢၼ်မီးၵႃႈၼႂ်းမိုဝ်းမႂ်းၼၼ်ႉမႂ်းၶၢၼ်းၶုၼ် လႂ် ဢိၵ်ႇတင်းၵူၼ်းဢၼ်ၸီႇယၢင်ႇတြႃး လႂ် ဢၼ်တၵ်းလႆႈၸီႇယၢင်ႇဢမူႉတြႃးတီႈၵူၼ်းတင်းလၢႆ ဢၼ်မီးၵႃႈတီႈၽၢႆႇဝၼ်းတူၵ်းၼမ်ႉႁွင်ႊၸိူဝ်းၼၼ်ႉလႄႈ ႁူႉတြႃးၽြႃးပဵၼ်ၸဝ်ႈမႂ်းၼၼ်ႉ ၵႃႈမီးၼၼ်ႉဝႆႉဢိၵ်ႇတင်း သင်ႇသွၼ်ပၼ်တီႈၶဝ်ၸိူဝ်းဢၼ်ဢမ်ႇႁူႉၼၼ်ႉတႃႉ။
၂၆ ၵေႃႉဢၼ်တွပ်ႇထဵင်ပူၼ်ႉလိူဝ်တြႃးၽြႃးပဵၼ်ၸဝ်ႈမႂ်း ဢိၵ်ႇတင်းဢမိင်ႉၸဝ်ႈၶုၼ်ႁေႃၶမ်းၼၼ်ႉၸမ်း ႁႂ်ႈမၼ်းၶၢမ်ႇရႃႇၸဝုတ်ႈသေၸိူဝ်ႉသေပိူင်ဢၼ်ဝႃႈတၢင်းဢၼ်ဢဝ်တၢႆ တၢင်းဢၼ်ႁေႃႈဢွၵ်ႇပႅတ်ႈ၊ တၢင်းဢၼ်သိမ်းဢဝ်ဢုၵ်ႉၸႃႇမၼ်း၊တၢင်းဢၼ်ဢဝ်မၼ်းၶင်ဝႆႉ ၵႃႈၼႂ်းထွင်ႇၼၼ်ႉၶၼ် ၶၼ်ၽႂ်းၽႂ်းသေ၊ဝႃႈၼင်ႇၼႆဢေႃႈ။
၂၇ ႁႂ်ႈထႃႇဝရႃႉၽြႃးၽြႃးပဵၼ်ၸဝ်ႈပူႇႁဝ်းမွၼ်ႇႁဝ်း ဢၼ်ဢဝ်တၢင်းၵျၢမ်ႇတၢင်းပွင် ဢၼ်တၵ်းႁႂ်ႈထႃႇဝရႃႉၽြႃး ၵႃႈၼႂ်းဝဵင်းယေႇရုသလႅမ်ႇ ႁၢင်ႊလီႁၢင်ႊငၢမ်းၼႆႉသႂၢင်းသႂ်ႇပၼ်ၵႃႈၼႂ်းႁူဝ်ၸႂ်ၶုၼ်ႁေႃၶမ်းသေလႄႈ
၂၈ ႁဵတ်းၵျေးၸူးပၼ်ဢၶႂၢင်ႉတီႈၵဝ် ၵႃႈတီႈၽၢႆႇၼႃႈၶုၼ်ႁေႃၶမ်း ဢိၵ်ႇတင်း ဢတႂၢင်းဝုၼ်ႇမၼ်းတင်းလၢႆ တင်းၶုၼ်ပူဝ်ႇမၼ်းတင်းသဵင်ႈတင်းလူင်ၼၼ်ႉၼၼ်ႉမီးမၢင်ႇၵလႃႇသေၵမ်းလူၺ်ႈ။ၼင်ႇၼၼ်လႄႈၵဝ်လႆႈႁႅင်းမီးႁႅင်းၵွပ်ႈပိူဝ်ႈတၼ်းၶူဝ်း မိုဝ်းထႃႇဝရႃႉၽြႃး ၽြႃးပဵၼ်ၸဝ်ႈဢၼ်မီးယူႇၵႃႈၼိူဝ်ၵဝ်ၼၼ်ႉလႄႈ ဢဝ်ၶဝ်ၸိူဝ်းဢၼ်ပဵၼ်ငဝ်ႈပဵၼ်ႁူဝ်ၵမ်ႈၽွင်ႈ ဢွၵ်ႇသေၵႃႈၼႂ်းၵူၼ်းမဵဝ်းဢိသရေႇလ တင်းလၢႆၸူႉၵၼ်တုမ်ၵၼ် ႁႂ်ႈလႆႈၸွမ်းလူၺ်ႈၵၼ်တင်းၵဝ်ၵႂႃႇဢေႃႈ။