Chapter
၁
ၶုၼ်ႁေႃၶမ်းၵုရုၸွႆႈထႅမ်ႁႂ်ႈၶိုၼ်းမိူဝ်းမိူင်း
၁ ၼႂ်းပီႊဢၼ်ၵုရု ၶုၼ်ႁေႃၶမ်းပေႇရသိၸၢမ်ႇႁၢင်ႈၸၢမ်ႇႁေႃပီႊပထမၼၼ်ႉလွင်ႈၼင်ႇႁိုဝ်ဢမ ိင်ႉၸဝ်ႈထႃႇဝရႃႉၽြႃးဢၼ်ယေႇရမိ သင်ႇလၢတ်ႈဝႆႉၼၼ်ႉ တၵ်းတဵမ်ထူၼ်ႈၸိုင် ထႃႇဝရႃႉၽြႃး တိုၵ်းယူင်းၸူဝ်းဢဝ်ႁူဝ်ၸႂ်ၵုရု ၶုၼ်ႁေႃၶမ်းပေႇရသိ ႁႂ်ႈမၼ်းပူင်ဢမိင်ႉၵျေႃႇၺႃႇၵႃႈၼႂ်းသိုင်ႇၸိုင်ႈဝၢၼ်ႈမိူင်းမၼ်း ၵူႈတီႈၵူႈလႅၼ် သေလႄႈတႅမ်ႈသႂ်ႇၵႂႃႇၼႂ်းလိၵ်ႈလၢႆးလႄႈဝႃႈ၊-
၂ ၵုရုၶုၼ်ႁေႃၶမ်းပေႇရသိမီးဢမိင်ႉလႄႈဝႃႈၸမ်း၊-ထႃႇဝရႃႉၽြႃး ၽြႃးပဵၼ်ၸဝ်ႈ ၸဝ်ႈၽုင်ႇၵၢင်ႁၢဝ်ၼၼ်ႉဢဝ်သိုင်ႇၸိုင်ႈဝၢၼ်ႈမိူင်း ၵႃႈဢၼ်မီးၵႃႈၼိူဝ်လိၼ်မိူင်းၼႆႉပၼ်တီႈၵဝ်လႄႈ သင်ႇလၢတ်ႈဝႆႉလွင်ႈဢၼ်ၵဝ်တၵ်းလႆႈတႄႇႁဵတ်းႁိူၼ်းၸဝ်ႈ ပုၼ်ႈမၼ်းၸဝ်ႈၵႃႈ ၼႂ်းဝဵင်းယေႇရုသလႅမ်ႇမိူင်းယုတၼၼ်ႉယဝ်ႉ။
၃ ၽူႈ လႂ်သေဢမ်ႇဝႃႈ ၵူၼ်းၽြႃးပဵၼ်ၸဝ်ႈဢၼ်မီးယူႇၵႃႈၼႂ်းသူၼႆႉ ႁႂ်ႈၽြႃးပဵၼ်ၸဝ်ႈ မီးယူႇလူၺ်ႈၵၼ်တင်းမၼ်းၼၼ်ႉသေၵမ်းလူၺ်ႈ။ႁႂ်ႈမၼ်းလႆႈၵႂႃႇၵႃႈတီႈဝဵင်းယေႇရုသလႅမ်ႇမိူင်းယုတလႄႈ တႄႇႁဵတ်းႁိူၼ်းထႃႇဝရႃႉၽြႃးၽြႃးပဵၼ်ၸဝ်ႈ မဵဝ်းဢိသရေႇလၼၼ်ႉသေၵမ်း။ၽြႃးဢၼ်မီးယူႇၵႃႈတီႈ ဝဵင်းယေႇရုသလႅမ်ႇ ၼၼ်ႉပဵၼ်ၽြႃးပဵၼ်ၸဝ်ႈဢေႃႈ။
၄ ပဵၼ်ၽူႈ လႂ်သေဢမ်ႇဝႃႈၵေႃႉဢၼ်ၵိုတ်းၵျၢၼ်ႇဝႆႉသေတီႈသလေႅၼ် တီႈဢၼ်မၼ်းသွၼ်ႈပိုင်ႈယူႇၼၼ်ႉၸမ်း ႁႂ်ႈၶဝ်ၸိူဝ်းဢၼ်ယူႇၵႃႈတီႈ ဢၼ်မၼ်းယူႇမၼ်းသဝ်းၼၼ်ႉ ၼွၵ်ႈသေတၢင်းလူႇတၢင်းတၢၼ်း ဢၼ်မီးၸႂ်ၸေႇတၼႃႇသေလႄႈ လူႇတၢၼ်းပုၼ်ႈႁိူၼ်းၽြႃးပဵၼ်ၸဝ်ႈဢၼ်မီးယူႇၵႃႈတီႈဝဵင်းယေႇရုသလႅမ်ႇ ၼၼ်ႉဢဝ်ငိုၼ်းၶမ်းၶွင်ၶူဝ်းတရိၵ်ႈသၢၼ်ႇၸွႆႈထႅမ်မႃႉၸႃႉမၼ်းသေၵမ်း၊ ဝႃႈ ၼင်ႇၼႆဢေႃႈ။
၅ မိူဝ်ႈၼၼ်ႉၶဝ်ၸိူဝ်းဢၼ်ပဵၼ်ငဝ်ႈပဵၼ်ႁူဝ်မဵဝ်းပူႇမဵဝ်းပေႃႈၼႂ်းမဵဝ်းယုတ မဵဝ်းပိၼ်ႇယႃႇမိၼ်ႇယိတ်ႉပရေႃးႁိၵ်ႈ တင်းၵူၼ်းမဵဝ်းလေႇဝိတင်းလၢႆဢၼ်ဝႃႈၶဝ်ၵႃႈဢၼ်ၽြႃးပဵၼ်ၸဝ်ႈ တိုၵ်းယူင်းၸူဝ်းဢဝ်ၸိူဝ်းၼၼ်ႉဢွၼ်ၵၼ်လုၵ်ႉႁႂ်ႈလႆႈၵႂႃႇလႄႈ တႄႇႁဵတ်းႁိူၼ်းထႃႇဝရႃႉၽြႃး ဢၼ်မီးၵႃႈတီႈဝဵင်း ယေႇရုသ လႅမ်ႇၼၼ်ႉဢေႃႈ။
၆ ၵူၼ်းႁိူၼ်းၸမ်ၵၼ်ၵႃႈမီးၸိူဝ်းၼၼ်ႉၼွၵ်ႈသေတၢင်းလူႇတၢင်းတၢၼ်း ဢၼ်မီးၸႂ်ၸေႇတၼႃႇသေလႄႈ လူႇတၢၼ်းၼၼ်ႉ ၶဝ်ဢွၼ်ၵၼ်ဢဝ်တင်းၶိူင်ႈငိုၼ်းၶိူင်ႈၶမ်း ၶွင်ၶူဝ်းတရိၵ်ႈသၢၼ်ႇတင်း ၶိူင်ႈပိူင်ဢၼ်ထိူၵ်ႈၵႃႈထိူၵ်ႈၶၼ်တင်းလၢႆၸွႆႈထႅမ်မႃႉၸႃႉၶဝ်ဢေႃႈ။
၇ လိူဝ်သေၼၼ်ႉၶုၼ်လူင်ၵုရု ဢဝ်ၶိူင်ႈပိူင်ပိၵ်ႉမၢၼ်ႇထႃႇဝရႃႉၽြႃး ဢၼ်ၼေႇပုၶတ်ႉၼႄႇၸႃႇ သိမ်းဢဝ်ဢွၵ်ႇသေၵႃႈတီႈဝဵင်းယေႇရုသလႅမ်ႇၵႂႃႇလႄႈ သႂၢင်းသႂ်ႇဝႆႉၵႃႈၼႂ်းပိၵ်ႉမၢၼ်ႇၽြႃးမၼ်းၸိူဝ်း ၼၼ်ႉ
၈ ဢဝ်ဢွၵ်ႇလႄႈၵုရုၶုၼ်ႁေႃၶမ်းပေႇရသိ ၼၼ်ႉဢဝ်တင်းမိုဝ်းမိသရေႇတတ်ႉ ၵေႃႉဢၼ်ပႂ်ႉတိူၵ်ႈၶမ်းၸဝ်ႈၼၼ်ႉ ဢဝ်ၶိူင်ႈပိူင်ၸိူဝ်းၼၼ်ႉဢွၵ်ႇလႄႈၼပ်ႉဢၢၼ်ႇဢၢပ်ႈပၼ်တီႈ သေႇသပႃႇၸႃႇ ၶုၼ်ယုတ ၼၼ်ႉ ဢေႃႈ။
၉ ၸရၢင်းၶိူင်ႈပိူင်ၸိူဝ်းၼၼ်ႉၸမ်းမီးၵွၵ်းၶမ်းသၢမ်သိပ်း၊ ၵွၵ်းငိုၼ်းႁဵင်ၼိုင်ႈ၊လၢပ်ႇသၢဝ်းၵဝ်ႈမၢၵ်ႈ၊ မေႃႈ ၶမ်းသၢမ်သိပ်း၊
၁၀ မေႃႈငိုၼ်းဢၼ်မိူၼ်ၵၼ်သီႇပၢၵ်ႇပၢႆသိပ်း၊ၶိူင်ႈပိူင်တၢင်ႇၸိူဝ်ႉတၢင်ႇဢၼ် ႁဵင်ၼိုင်ႈဢေႃႈ။
၁၁ တၢင်းဢၼ်ၼပ်ႉဢၼ်ဢၢၼ်ႇ ၶိူင်ႈငိုၼ်းပွင်းၵၼ်ၸမ်းမီးႁႃႈႁဵင်ပၢႆသီႇပၢၵ်ႇဢေႃႈ။ ၶိူင်ႈပိူင်တင်းသဵင်ႈတင်းလူင်ဢၼ်လႆႈၶၢမ်ႇတၢင်းဢၼ်သိမ်းဢဝ်ၵႂႃႇသေ ၵႃႈတီႈဝဵင်းပႃႇပုလုၼ်ႇၼၼ်ႉ သေႇသပႃႇၸႃႇ ၶိုၼ်းဢဝ်မႃး မိူဝ်ႈဢၼ်ၶဝ်ၶိုၼ်းမိူဝ်းမႃးဝဵင်း ယေႇရုသလႅမ်ႇၼၼ်ႉဢေႃႈ။