၄
တၢင်းၸႂ်မႆႈၽြႃးပဵၼ်ၸဝ်ႈလႆႈဢိမ်ႇၸႂ်
၁ ၶမ်းၼၼ်ႉ ပဵၼ်ဢၼ်သွမ်ႇၵမ်ႇၼႃႇလူင်လၢင်လူင်ပေႇ။ၶမ်းလွတ်ႈငၢၼ်ႇ ဢၼ်လီၼႃႇၼၼ်ႉ ပဵၼ်ဢၼ်ၶၢႆႉပုတ်ႈၼႃႇလူင်လၢင်လူင်ပေႇ။သႅင်ထႃႇၼႃႉတီႈမူတ်းၸၢင်ႇၸိူဝ်းၼၼ်ႉ မီးတၢင်းဢၼ်မိုၵ်ႇမိူဝ်ယူႇၵႃႈတီႈသူပ်းသဵၼ်ႈတၢင်းၵႃႈမီး တင်းသဵင်ႈတင်းလူင်ၼၼ်ႉ ဢေႃႈ။
၂ ၵူၼ်းဝဵင်းၸိဢုၼ်ႇဢၼ်ထိူၵ်ႈၵႃႈထိူၵ်ႈၶၼ်ပဵင်းတၢၼ်ႇၶမ်း ဢၼ်မျၢတ်ႈၼႃႇၸိူဝ်းၼၼ်ႉ လႆႈၶၢမ်ႇတၢင်းဢၼ်မၢတ်ႈပဵၼ်ၸိူဝ်ႉၼင်ႇမေႃႈလိၼ်ဢၼ် ၸဝ်ႈမေႃႈဢဝ်မိုဝ်းႁဵတ်းၼၼ်ႉလူင်ပေႇ။
၃ တေႃႈၵႃႈမႃလိၼ်တူဝ်မေႈၸိူဝ်းၼၼ်ႉယင်းၸၢင်ႊဢဝ်တိၼ်ႇၼူမ်းၶဝ်ပၼ်လႄႈ တိုၵ်းၼူမ်းယူႇတီႈလုၵ်ႈဢွၼ်ႇၶဝ်ဢေႃႈ။လုၵ်ႈယိင်းၵူၼ်းမဵဝ်းၵဝ်ၸမ်းမီးသၽေႃးဢၼ်ၵျၢမ်းရိူင်းၼႃႇ မိူၼ်ၸိူဝ်ႉၼင်ႇၼူၵ်ႉၵလႃဢုၵ်ႉဢၼ်ယူႇ ၵႃႈၼႂ်းထိူၼ်ႇၼၼ်ႉဢေႃႈ။
၄ လုၵ်ႈဢွၼ်ဢၼ်ၵိၼ်ၼူမ်းၸိူဝ်းၼၼ်ႉဢိုပ်းၼူမ်းလႄႈ လိၼ်ႉမၼ်းမီးတၢင်းဢၼ်ၸပ်းယူႇၵႃႈတီႈႁိူၵ်ႇဢေႃႈ။လုၵ်ႈဢွၼ်ႇၸိူဝ်းၼၼ်ႉယွၼ်းၶဝ်ႈမုၼ်းလႄႈ ၽူႈ လႂ်သေၵေႃႉသေၵူၼ်းဢမ်ႇ ပႅတ်ႈပၼ်တီႈၶဝ်။
၅ ၶဝ်ၸိူဝ်းဢၼ်ၸၢင်ႊၵိၼ်လီလီငၢမ်းငၢမ်းၼၼ်ႉလႆႈလူႉၵႂႃႇသုမ်းၵႂႃႇ ၵႃႈတႃႈၵႃႈတၢင်းလႄႈၶဝ်ၸိူဝ်းဢၼ် ယၢမ်ႈမူၼ်ႈပျေႃႇ ၵႃႈၼိူဝ်ၽႃႈၵွပ်းဢၼ်လႅင်ၵမ်ႇၼၼ်ႉ လႆႈဢွၼ်ၵၼ်ၵွတ်ႇဢုမ်ႈၵွင်ၶီႈ ဝူဝ်းယူႇဢေႃႈ။
၆ တၢမ်ႇဢပျႅတ်ႈဢၼ်လုၵ်ႈယိင်းၵူၼ်းမဵဝ်းၵဝ်လႆႈၶၢမ်ႇၼၼ်ႉ ယိင်ႈၶႅၼ်းၼႃႇသတေၢမ်ႇဢပျႅတ်ႈသေႃးတုမ် ဢၼ်ႁွတ်ႈထိုင်တၢင်းဢၼ်လူႉလႅဝ်ၵမ်းလဵဝ်လႄႈ ၽူႈ လႂ်ဢမ်ႇလႆႈဢဝ်မိုဝ်းတိူဝ်ႉထုၵ်ႇမၼ်းၼၼ်ႉဢေႃႈ။
၇ ၵူၼ်းၼႃႇၸရိမၼ်းၸိူဝ်းၼၼ်ႉမူတ်းသႂ်လိူဝ်တွၼ်းၼႃႇသမေူၺ်ႇႁႃလႄႈ ၽိူၵ်ႇၶၢဝ်လိူဝ် တွၼ်းၼႃႇသေၼမ်ႉၼူမ်းဢေႃႈ။ၼိူဝ်ႉၶဝ်ၼင်ၶဝ်ၼၼ်ႉလႅင်လိူဝ်တွၼ်းၼႃႇသေသႅင်လႅင်လႄႈ ဢဵၼ်လိူတ်ႈ ၶဝ်ၼၼ်ႉမိူၼ်ၸိူဝ်ႉၼင်ႇလီႇလႃႇဢေႃႈ။
၈ မိူဝ်ႈလဵဝ်ၼႆႉၸမ်းႁၢင်ႊၽၢင်ၶဝ် လမ်လိူဝ်တွၼ်းၼႃႇသထေၢၼ်ႇမီႈလႄႈ ၶဝ်ဢမ်ႇၶၢမ်ႇတၢင်းဢၼ်ပိူၼ်ႈႁူႉႁၼ်ၵႃႈတီႈၵၢင်တႃႈၵၢင်တၢင်း။ၼင်ၶဝ်ၼၼ်ႉၸပ်းၵႃႈတီႈလုပ်ႇၶဝ်ယူႇလႄႈ ႁႅင်ႈႁွင်ႈၵႂႃႇမိူၼ်ၸိူဝ်ႉၼင်ႇၽိုၼ်းၼၼ်ႉ ဢေႃႈ။
၉ ၶဝ်ၸိူဝ်းဢၼ်လႆႈၶၢမ်ႇတၢင်းဢၼ်ၶႃႇတၢႆၽၼ်းတၢႆလူၺ်ႈလၢပ်ႇလူၺ်ႈလႅဝ်းၼၼ်ႉ ယိင်ႈၶႅၼ်းမီးမင်ႇၵလႃႇၼႃႇသေၶဝ်ၸိူဝ်းဢၼ်လႆႈၶၢမ်ႇတၢင်းတၢႆ လူၺ်ႈတၢင်းဢၼ်ဢိုပ်းဢၼ်ယၢၵ်ႈၼၼ်ႉဢေႃႈ။ၶဝ်ၸိူဝ်းၼႆႉ လႆႈၶၢမ်ႇတၢင်းဢၼ်ၸီးတႅင်းတမ်ပွင်ႇလႄႈ ယွမ်ႁဵဝ်ၵႂႃႇၵွပ်ႈပိူဝ်ႈတၢင်းဢၼ်မၢၵ်ႇႁူင်ႈထၢတ်ႇ ၵႂႃႇၼၼ်ႉဢေႃႈ။
၁၀ မေႈယိင်းဢၼ်မီးၸႂ်ဢၼ်ဢိတ်းလူၸွၼ်မႆႈၸွၼ်ၶီၸိူဝ်းၼၼ်ႉ လႆႈဢဝ်မိုဝ်းၶဝ်တူမ်းႁူမ်ႇလုၵ်ႈလၢင်းၶဝ်လႄႈ လုၵ်ႈလၢင်းၸိူဝ်းၼၼ်ႉ လႆႈပဵၼ်တၢင်းၵိၼ်တၢင်းၶူပ်းၶဝ် ၼႂ်းမိူဝ်ႈဢၼ်လုၵ်ႈယိင်းၵူၼ်း မဵဝ်းၵဝ်လူႉလႅဝ်ၼၼ်ႉဢေႃႈ။
၁၁ ထႃႇဝရႃႉၽြႃးႁႂ်ႈတၢင်းၸႂ်မႆႈၶႂ်ႈၸႃႉမၼ်းၸဝ်ႈတဵမ်ထူၼ်ႈယဝ်ႉ။မၼ်းၸဝ်ႈသွၼ်းလေႃႇဢၢႆႁႅင်း တၢင်းၸႂ်မႆႈၶႆႈၸႃႉမၼ်းၸဝ်ႈဢၼ်ယႂ်ႇၼႃႇလူင်လၢင်ယဝ်ႉ။မၼ်းၸဝ်ႈဢဝ်ၽႆးတုတ်ႇဝဵင်းၸိဢုၼ်ႇ လႄႈႁႂ်ႈမႆႈတေႃႇထိုင်ႁွတ်ႈႁၢၵ်ႈ လမ်းဝဵင်းယဝ်ႉ။
၁၂ ၶုၼ်ႁေႃၶမ်းလေႃးၵီႇတင်းလၢႆဢိၵ်ႇတင်းၵူၼ်းသတ်ႉတဝႃႇ ၵႃႈၼိူဝ်လိၼ်မိူင်းတင်းသဵင်ႈတင်းလူင် ဢမ်ႇဢွၼ်ၵၼ်ယုမ်ႇလွင်ႈဢၼ်ရၢၼ်ႇသူႇဢိၵ်ႇတင်းၵေႃႉဢၼ်တိုၵ်းသိုၵ်းၼၼ်ႉ တၵ်းၶဝ်ႈၵႃႈၼႂ်းၽၵ်းတူဝဵင်းယေႇရုသလႅမ်ႇ လႆႈၼၼ်ႉ သေၵေႃႉသေ ၵူၼ်း။
၁၃ ဢမူႉၼႆႉႁွတ်ႈထိုင်ၵွပ်ႈပိူဝ်ႈဢပျႅတ်ႈပရေႃးၽိတ်ႈမၼ်းဢိၵ်ႇတင်း တူႉၸရိူၵ်ႈယိတ်ႉပရေႃးႁိၵ်ႈမၼ်းဢၼ်ၸၢင်ႊဢဝ်ၶဝ်ၸိူဝ်းဢၼ်သိုဝ်ႈတေႃႇၼၼ်ႉ တၢႆၵႃႈၼႂ်း ၵၢင်ဝဵင်းယေႇရုသလႅမ်ႇၼၼ်ႉၸိူဝ်းၼၼ်ႉယဝ်ႉ။
၁၄ ၶဝ်ၼၼ်ႉလႄႇၵႂႃႇလႄႇမႃးယူႇ ၵႃႈၼႂ်းသဵၼ်ႈတႃႈသၢႆတၢင်းမိူၼ်ၸိူဝ်ႉၼင်ႇၵူၼ်းဢၼ်တႃမွတ်ႇၼၼ်ႉလႄႈ ၵူဝ်လိူတ်ႈၵူၼ်းထၼ်ႈပေႃး ၽူႈ လႂ်ဢမ်ႇႁတ်းတိူဝ်ႉႁတ်း ယိပ်းၶူဝ်းၼုင်ႈၶဝ်ၼၼ်ႉဢေႃႈ။
၁၅ ပိူၼ်ႈၸင်ႇဢွၼ်ၵၼ်သႅၼ်ႇႁွင်ႉတီႈၶဝ်လႄႈဝႃႈ၊- ၵႂႃႇတႃႉ။သူၸိူဝ်းဢၼ်ဢမ်ႇမူတ်းသႂ်ၶဝ်ဢိူၺ်း။ၵႂႃႇတႃႉ။ၵႂႃႇတႃႉ။ယႃႇပေဢွၼ်ၵၼ်တိူဝ်ႉဝႃႈၼင်ႇၼႆဢေႃႈ။မိူဝ်ႈဢၼ်ၶဝ်ဢွၼ်ၵၼ်ပၢႆႈၵႂႃႇတီႈဢၼ်ၵႆလႄႈ လႄႇလဵပ်ႈယူႇၵူႈတီႈၵူႈလႅၼ်ၼၼ်ႉၸိုင် ၵူၼ်းတၢင်ႇၸိူဝ်ႉတၢင်ႇၶိူဝ်းၵမ်ႈၽွင်ႈၸင်ႇဢွၼ်ၵၼ်လၢတ်ႈလႄႈဝႃႈ၊-ၶဝ်ၼၼ်ႉဢမ်ႇလႆႈတႄႇယူႇၵႃႈတီႈၼႆႉဝႃႈၼင်ႇၼႆဢေႃႈ။
၁၆ ထႃႇဝရႃႉၽြႃးၼၼ်ႉႁႂ်ႈၶဝ်ၽၢတ်ႇၽႄၵၼ်ယဝ်ႉ။မၼ်းၸဝ်ႈဢမ်ႇလူတူၺ်းဢမူႉၶဝ်။ပိူၼ်ႈၵေႃႈယင်းဢမ်ႇရူဝ်ႇသေႇၵူဝ်ယမ်ယိတ်ႉပရေႃးႁိၵ်ႈတင်းလၢႆ။ယင်းဢမ်ႇဢႃးၼႃႇ ၶဝ်ၸိူဝ်းဢၼ်ထဝ်ႈဢၼ်ၵႄႇၼၼ်ႉလႄႈ ယူႇဢေႃႈ။
၁၇ တႃႈႁဝ်းဢူၼ်ႈၵႂႃႇၼႂ်းတၢင်းဢၼ်ႁဝ်းယင်းတိုၵ်ႉပႂ်ႉမုင်ႈပႂ်ႉမွင်းၵေႃႉဢၼ်တၵ်းၸွႆႈထႅမ်မႃႉၸႃႉလႄႈ ဢမ်ႇပွင်ႇလွင်ႈၵႃႈသင်ၼၼ်ႉယူႇၼၼ်ႉဢေႃႈ။ၼႂ်းတၢင်းဢၼ်ႁဝ်းပႂ်ႉမုင်ႈပႂ်ႉမွင်းယူႇၼၼ်ႉ ႁဝ်းလႆႈပႂ်ႉမုင်ႈပႂ်ႉမွင်းၵူၼ်းမဵဝ်းဢၼ်ဢမ်ႇၵႄႇသႄႇၶျွတ်ႈ ဢဝ်လႆႈ ၼၼ်ႉယူႇယဝ်ႉယဝ်ႉ။
၁၈ ၶဝ်ဢွၼ်ၵၼ်ၸွမ်းႁႃႁွႆးတိၼ်ႁဝ်းထၼ်ႈပေႃးႁဝ်းဢမ်ႇၵႂႃႇ ၵႃႈၼႂ်းသဵၼ်ႈတၢင်းသၢႆတႃႈလႆႈဢေႃႈ။တီႈသုတ်ႈတီႈၵွႆႁဝ်းၸမ်ယဝ်ႉ။မိူဝ်ႉဝၼ်းဢ သၢၵ်ႈႁဝ်းၸေးယဝ်ႉ။
၁၉ တီႈသုတ်းတီႈၵွႆႁဝ်းႁွတ်ႈထိုင်ယဝ်ႉ။ၶဝ်ၸိူဝ်းဢၼ်ၸွမ်းၸွမ်းႁႃႁဝ်းၼၼ်ႉၶၼ်ၽႂ်းလိူဝ်တွၼ်းၼႃႇသေႁူင်ႉၶမ်းၵႃႈၼိူဝ်ၵၢင်ႁၢဝ်ၼၼ်ႉ
လႄႈ ၶဝ်ဢွၼ်ၵၼ်ၸွမ်းႁႃ ၵႃႈၼိူဝ်သၼ်ႇလွႆသေလႄႈ ၵႃႈၼႂ်းထိူၼ်ႇၼႂ်းၶိူဝ်းၵေႃႈၶဝ်ဢွၼ်ၵၼ်ပႂ်ႉလွမ် ယူႇဢေႃႈ။
၂၀ တၢင်းဢၼ်ထူၺ်ႈၸႂ်ၶဝ်ႈထူၺ်ႈၸႂ်ဢွၵ်ႇႁဝ်းဢၼ်ဝႃႈ ၸဝ်ႈဢၼ်ၶၢမ်ႇၽိၵ်ႈသိၵ်ႈတီႈ ထႃႇဝရႃႉၽြႃးလႄႈႁဝ်းလႆႈလၢတ်ႈလႄႈဝႃႈ၊- ႁဝ်းတၵ်းသွၼ်ႈပိုင်ႈႁူမ်ႈမၼ်းၸဝ်ႈသေလႄႈဢသၢၵ်ႈၵတ်းယဵၼ်ၶျၢမ်းသႃႇယူႇ ၵႃႈၼႂ်းၵူၼ်းတၢင်ႇၸိူဝ်ႉတၢင်ႇၶိူဝ်းၼၼ်ႉဢေႃႈ၊ဝႃႈၼင်ႇၼႆၼၼ်ႉလႆႈၶၢမ်ႇတၢင်းဢၼ်တီႉလႆႈၵႃႈၼႂ်းၶုမ်လိၼ်လုၵ်းလိၼ်ၶဝ်ၼၼ်ႉဢေႃႈ။
၂၁ လုၵ်ႈယိင်းဢေႇတုမ်ႇ ဢၼ်ယူႇၵႃႈၼႂ်း မိူင်းဢုၸဢိူၺ်း။ၸူမ်းသိူဝ်းသေလႄႈသႂၢင်ႇၸႂ်တႃႉ။ၵွၵ်းၸဝ်ႈၼၼ်ႉတၵ်းၶၢမ်ႇၵႂႃႇၸူးတီႈဢၼ်မႂ်းမီးၼၼ်ႉဢေႃႈ။မႂ်း တၵ်းလႆႈမဝ်းလဝ်ႈလႄႈယူႇတူဝ်ပူၺ်ႈယူဢေႃႈ။
၂၂ လုၵ်ႈယိင်းၸိဢုၼ်ႇဢိူၺ်း။တၢမ်ႇဢပျႅတ်ႈၵႃႈဢၼ်မႂ်းလႆႈၶၢမ်ႇၼၼ်ႉယဝ်ႉတူဝ်ယဝ်ႉယဝ်ႉ။ၵမ်းလိုၼ်းမၼ်းၸဝ်ႈတၵ်းဢမ်ႇသိမ်းဢဝ်မႂ်းၵႂႃႇထႅင်ႈ။လုၵ်ႈယိင်းဢေႇတုမ်ႇဢိူၺ်း။မၼ်းၸဝ်ႈတၵ်းၸႅတ်ႈထၢမ် တူႉၸရိူၵ်ႈဢၼ်မႂ်းႁဵတ်းၼၼ်ႉလႄႈ ၽုၺ်ႇဢွၵ်ႇၼႄပျႃးဢပျႅတ်ႈမႂ်းၸိူဝ်းၼၼ်ႉဢေႃႈ။