၃
တၢင်းမုင်ႈမွင်းၼႂ်းၸဵပ်းသႅပ်ႇ
၁ ၵဝ်ၼႆႉ ပဵၼ်ၵေႃႉဢၼ်လႆႈၶၢမ်ႇတုၵ်ႉၶႃႉတၢင်းၽၢၼ်ၵႃႈတီႈတႂ်ႈၶွၼ်ႉဝၢႆတၢင်းၸႂ်မႆႈၶႆႈၸႃႉမၼ်းၸဝ်ႈဢေႃႈ။
၂ မၼ်းၸဝ်ႈလိုပ်ႉၵဝ်လႄႈ ဢဝ်ၵဝ်ႁွတ်ႈထိုင်ၵႃႈၼႂ်းတီႈဢၼ်လပ်းသိင်ႇ၊ တီႈဢၼ်ဢမ်ႇမီးဢၼ်လႅင်းၼၼ်ႉ ဢေႃႈ။
၃ မၼ်းၸဝ်ႈဢဝ်မိုဝ်းမၼ်းၸဝ်ႈဝၢႆႇၸူးယူႇၽၢႆႇၼိုင်ႈတင်းၵဝ်ယူႇတင်းဝၼ်းတင်းဝၼ်း ၶိူဝ်းၶိူဝ်းယႂ်း ယႂ်းဢေႃႈ။
၄ မၼ်းၸဝ်ႈႁႂ်ႈၼင်ၵဝ်ဢိၵ်ႇတင်းၼိူဝ်ႉၵဝ်ၽင်ႉလၢၼ်ႈၵႂႃႇလႄႈ ႁၵ်းႁိၵ်းလုပ်ႇၵဝ်တင်းလၢႆပႅတ်ႈ ဢေႃႈ။
၅ မၼ်းၸဝ်ႈတႄႇႁဵတ်းတပ်ႉယူႇၽၢႆႇၼိုင်ႈတင်းၵဝ်လႄႈ ဢဝ်တင်းလွင်ႈတၢင်းဢၼ်ၶူမ်၊လွင်ႈတၢင်းဢၼ်ယၢပ်ႇၸႂ်ၽိုတ်ႇၸႂ်တင်းလၢႆလွမ်ႉႁွပ်ႈဝႆႉဢေႃႈ။
၆ မၼ်းၸဝ်ႈ ဢဝ်ၵဝ်ဝႆႉၵႃႈၼႂ်းတီႈလပ်းသိင်ႇမိူၼ်ၸိူဝ်ႉၼင်ႇဢၼ် ၸၢင်ႊႁဵတ်းတီႈၶဝ်ႈၸိူဝ်းဢၼ်တၢႆပူၼ်ႉ ၵႂႃႇႁိုင်ၼႃႇယဝ်ႉၼၼ်ႉဢေႃႈ။
၇ မၼ်းၸဝ်ႈႁဵတ်းႁူဝ်ႉလွမ်ႉၵဝ်ဝႆႉႁႂ်ႈၵဝ်ထၼ်ႈပေႃး ဢမ်ႇဢွၵ်ႇလႆႈလႄႈႁဵတ်းႁႂ်ႈ ၸိူၵ်ႈလဵၵ်းၼၵ်းၼႃတီႈၵဝ်ဢေႃႈ။
၈ လိူဝ်သေၼၼ်ႉဢမ်ႇၵႃးၵဝ်ႁွင်ႉသႅၼ်ႇလႄႈ ႁွင်ႉႁႃတၢင်းဢၼ်ၸွႆႈထႅမ်မႃႉၸႃႉၵဝ်သေၵေႃႈ မၼ်းၸဝ်ႈထဵင်ပႅတ်ႈတၢင်းဢၼ်ၵဝ် သူးတွင်းၼၼ်ႉဢေႃႈ။
၉ မၼ်းၸဝ်ႈဢဝ်မၢၵ်ႇႁိၼ်ဢၼ်ထၢၵ်ႇဢၼ်သပ်းတင်းလၢႆဢူတ်းႁႄႉသဵၼ်ႈတၢင်းဢၼ်ၵႂႃႇၼၼ်ႉလႄႈ ႁႂ်ႈႁွႆးတၢင်းဢၼ်ၵဝ်ၸွမ်းၼၼ်ႉ ၵူတ်ႉဢေႃႈ။
၁၀ မၼ်းၸဝ်ႈပဵၼ်ၸိူဝ်ႉၼင်ႇမီဢၼ်လွမ်တူၺ်းၵဝ်ယူႇဢိၵ်ႇတင်း သၢင်ႇသီႈဢၼ်ယူႇၵႃႈတီႈ ဢၼ်သိုင်ႇဢၼ်မႅပ်းၼၼ်ႉတီႈၵဝ်ဢေႃႈ။
၁၁ မၼ်းၸဝ်ႈႁႂ်ႈၵဝ်ပိူင်ႈတၢင်းၵႂႃႇသေယဝ်ႉ တႅပ်းၵဝ်ၶၢတ်ႇပဵၼ်ပွတ်း ပဵၼ်တွၼ်ႈလႄႈယႃႉၵဝ်ပႅတ်ႈဢေႃႈ။
၁၂ မၼ်းၸဝ်ႈဝူတ်ႈၵၢင်ႇမၼ်းၸဝ်ႈတၢင်ႇလႄႈ ဢဝ်ၵဝ်ၶၢၼ်းဝႆႉႁႂ်ႈပဵၼ်ၸၢၵ်ႈဢၼ်မၢႆပုၼ်ႈဢၼ်တၵ်းယိုဝ်းၼၼ်ႉဢေႃႈ။
၁၃ မၼ်းၸဝ်ႈ ဢဝ်လႅမ်ႈပိုၼ်ၵႃႈၼႂ်းမူၵ်ႇပိုၼ်မၼ်းၸဝ်ႈၸိူဝ်းၼၼ်ႉႁႂ်ႈသဵပ်ႇတႅင်းမၢၵ်ႇလၼ်းၵဝ်ဢေႃႈ။
၁၄ ၵဝ်လႆႈပဵၼ်လွင်ႈဢၼ် လီသေႉလီသွမ်းတီႈၵူၼ်းၵဝ်တင်းသဵင်ႈတင်းလူင်ဢိၵ်ႇတင်း လွင်ႈတၢင်းဢၼ်ပိူၼ်းလီႁဵတ်း ၵႂၢမ်းသေႉသွမ်းတင်းဝၼ်းတင်းဝၼ်းလူင်ပေႇ။
၁၅ မၼ်းၸဝ်ႈဢဝ်တင်းယႃႈဢၼ်ၶူမ် သႂ်ႇတဵမ်ဝႆႉတီႈၵဝ်လႄႈႁႂ်ႈၵဝ်မဝ်းလဝ်ႈမဝ်းတင်းမႂ်ႊတေႃးၼႃႉဢေႃႈ။
၁၆ မၼ်းၸဝ်ႈ ဢဝ်မၢၵ်ႇႁိၼ်ႁႄႁႂ်ႈၶဵဝ်ႈၵဝ်တင်းလၢႆႁၵ်းႁိၵ်းၵႂႃႇလႄႈ ဢဝ်တင်းတဝ်ႈၽီးၽႆးႁူမ်ႇသုမ်ႇၵဝ်ဝႆႉဢေႃႈ။
၁၇ ၸဝ်ႈႁဝ်းဢဝ်ဝိၺိၺ်ႇၶႃႈၸဝ်ႈၶၢႆႉၵႂႃႇၵႆၵၼ်တင်းၵတ်းယဵၼ်ၶျၢမ်းသႃႇၼႃႇလူင်လၢင်လႄႈ ၶႃႈၸဝ်ႈလူင်လိုမ်း လွင်ႈတၢင်းဢၼ်လီဢၼ်ငၢမ်းၵႂႃႇ တီႈၶႃႈဢေႃႈ။
၁၈ ပိူဝ်ႈၼႆလႄႈၵဝ်လႆႈလၢတ်ႈလႄႈဝႃႈ၊-လွင်ႈဢၼ်ၵဝ်လီဢိင်ပိုင်ႈ ဢိၵ်ႇတင်းလွင်ႈဢၼ်ၵဝ်လီမုင်ႈထႃႈမွင်းထႃႈ ၵႃႈတီႈၽၢႆႇၼႃႈထႃႇဝရႃႉၽြႃးၼၼ်ႉလူႉၵႂႃႇယဝ်ႉ၊ဝႃႈၼင်ႇၼႆဢေႃႈ။
၁၉ ၶႅၼ်းတေႃႈၶုၵ်းၸႂ်လႆႈၶႆႈၸႂ်ထူပ်း တုၵ်ႉၶႃႉတၢင်းၽၢၼ်ၶႃႈၸဝ်ႈ၊ တၢင်းဢၼ်ၼိၵ်ႈၸၢၵ်ႈငႅၼ်းသေးၶႃႈၸဝ်ႈဢိၵ်ႇတင်း မႂ်ႊတေႃးၼႃႉတင်းလီဢၼ်ၶူမ်ၶႃႈၸဝ်ႈ ၸိူဝ်းၼၼ်ႉသေၵမ်းတီႈၶႃႈ။
၂၀ ႁူဝ်ၸႂ်ၶႃႈၸဝ်ႈယင်းၶုၵ်းၸႂ်လႆႈၶႆႈၸႂ်ထူပ်းၸိူဝ်းၼၼ်ႉယူႇသေလႄႈ လႆႈၶၢမ်ႇတၢင်းဢၼ်ၶျႃးတူၵ်းတီႈတႅမ်ႇယူႇၵႃႈၼႂ်းၶႃႈၸဝ်ႈ တီႈၶႃႈဢေႃႈ။
၂၁ ၵွပ်ႈပိူဝ်ႈဢၼ်ႁူဝ်ၸႂ်ၶႃႈၸဝ်ႈလႆႈသတိၸိူဝ်ႉၼင်ႇၼၼ်လႄႈ ၶႃႈၸဝ်ႈမီးဢၶႂၢင်ႉဢၼ်လႆႈမုင်ႈ ထႃႈမွင်းထႃႈတီႈၶႃႈဢေႃႈ။
၂၂ ၵွပ်ႈပိူဝ်ႈဢၼ်ထႃႇဝရႃႉၽြႃးဢိတ်းလူလႄႈ ၵရူႉၼႃႇမၼ်းၸဝ်ႈဢမ်ႇသုတ်းဢမ်ႇသဵင်ႈၼၼ်ႉလႄႈ ႁဝ်းယင်းဢမ်ႇလႆႈႁွတ်ႈထိုင် တၢင်းဢၼ်လူႉသုမ်းလႄႈယူႇဢေႃႈ။
၂၃ လႆႈဢွၼ်ၵၼ်ၶၢမ်ႇဢဝ်ၵရူႉၼႃႇၸဝ်ႈဢၼ်မႂ်ႇယူႇၵူႈၼႂ်ဢေႃႈ။သႅတ်ႉၸႃႇၸဝ်ႈႁဝ်းယႂ်ႇမျၢတ်ႈၼႃႇတီႈၶႃႈဢေႃႈ။
၂၄ ဝိၺိၺ်ႇၵဝ်ဝႃႈၸမ်း ထႃႇဝရႃႉၽြႃးၼၼ်ႉပဵၼ်ပုၼ်ႈတႃႇၵဝ်ဢေႃႈ။ပိူဝ်ႈၼႆလႄႈၵဝ်တၵ်းဢိင်မၼ်းၸဝ်ႈသေလႄႈမုင်ႈထႃႈမွင်းထႃႈဢေႃႈ။
၂၅ ထႃႇဝရႃႉၽြႃးႁဵတ်းၵျေးၸူးတီႈၶဝ်ၸိူဝ်းဢၼ် မုင်ႈမွင်းမၼ်းၸဝ်ႈဢိၵ်ႇတင်းဝိၺိၺ်ႇ ၶဝ်ၸိူဝ်းဢၼ်ႁႃဢဝ်မၼ်းၸဝ်ႈၼၼ်ႉ ဢေႃႈ။
၂၆ တၢင်းဢၼ်မုင်ႈထႃႈမွင်းထႃႈလႄႈပႂ်ႉထႃႈတၢင်းဢၼ်မၼ်းၸဝ်ႈ ၵႄႇသႄႇၶျွတ်ႈဢဝ်ၼၼ်ႉယူႇၼိမ်ၼိမ်လီလီၼၼ်ႉ ပဵၼ်ဢၼ်ထုၵ်ႇဢၼ်လီဢေႃႈ။
၂၇ တၢင်းဢၼ်ၵူၼ်းႁၢပ်ႇၵၢၼ် ၼႂ်းမိူဝ်ႈဢၼ်ဢသၢၵ်ႈမၼ်းယင်းလဵၵ်ႉယင်းၼုမ်ႇၼၼ်ႉ ပဵၼ်ဢၼ်ထုၵ်ႇဢၼ် လီဢေႃႈ။
၂၈ ႁႂ်ႈမၼ်းၼင်ႈယူႇၵေႃႉလဵဝ်ၵူၺ်းမၼ်းလႄႈယူႇတဵတ်ႇတဵတ်ႇယဵၼ်ယဵၼ်ၵွပ်ႈပိူဝ်ႈဢၼ်မၼ်း ၸဝ်ႈဢဝ်ၵၢၼ်းတၢင်ႇသႂ်ႇၼၼ်ႉသေၵမ်းလူၺ်ႈ။
၂၉ ပေႃးမၼ်းထၢင်ႇလႄႈဝႃႈ ၸၢင်ႈၶေးတၵ်းမီးဢၶႂၢင်ႉတၢင်းဢၼ်မုင်ႈမွင်းဢေႃႈ၊ ဝႃႈၼင်ႇၼႆၸိုင်ႁႂ်ႈမၼ်းဢဝ်သူပ်းမၼ်း ၸပ်းၵႃႈတီႈမုၼ်ႈလိၼ်ယူႇသေၵမ်းလူၺ်ႈ။
၃၀ ႁႂ်ႈမၼ်းဢဝ်ၵႅမ်ႈမၼ်း ဢၢပ်ႈပၼ်တီႈၵေႃႉဢၼ်ပေႃႉယႅၼ်ႉမၼ်းၼၼ်ႉလႄႈဢိမ်ႇတဵမ်ဝႆႉတင်းဢၼ်သေႉဢၼ်သွမ်းတၢင်ႇဢပျႅတ်ႈသေၵမ်းလူၺ်ႈ။
၃၁ လွင်ႈမၼ်းၸမ်း ထႃႇဝရႃႉၽြႃးဢမ်ႇၸၢင်ႊၸုၼ်ႉပႅတ်ႈယူႇသေႇ သေႇ။
၃၂ ပိၵ်ႉသမ်ႉမၼ်းၸဝ်ႈႁႂ်ႈငိၼ်းၽၢၼ်ထိုင်ၸႂ်သေၵေႃႈ မၼ်းၸဝ်ႈတၵ်းဢိတ်းလူမႅၼ်ႈၸွမ်းၵႃႈၼင်ႇဢၼ်ၵရူႉၼႃႇမၼ်းၸဝ်ႈယႂ်ႇၼမ်ၼၼ်ႉဢေႃႈ။
၃၃ မၼ်းၸဝ်ႈ ဢမ်ႇမီးၸႂ်ဢၼ် ၶႂ်ႈႁႂ်ႈၵူၼ်းမီးတုၵ်ႉၶႃႉတၢင်း ၽၢၼ်လႄႈ ႁႂ်ႈလႆႈငိၼ်းၽၢၼ်ထိုင်ၸႂ်။
၃၄ ဢမူႉတၢင်းဢၼ်ဢဝ်တိၼ်ယဵပ်ႇယမ်ႈၵူၼ်းမိူင်းၵႃႈဢၼ်လႆႈ ၶၢမ်ႇတၢင်းဢၼ် ၶျုၵ်ႈဝႆႉ
၃၅ ဢမူႉတၢင်းဢၼ်ယႃႉတြႃးဢၼ်ၵူၼ်းထုၵ်ႇၶၢမ်ႇၸိူဝ်းၼၼ်ႉ ပႅတ်ႈသိုဝ်ႈၼႃႈတႂ်ႈတႃၽြႃးဢၼ်သုင်ၼႃႇသေပိူၼ်ႈ၊
၃၆ ဢမူႉတၢင်းဢၼ်ႁႂ်ႈပိူၼ်ႈတၢင်ႇၵေႃႉတူၵ်းသုမ်း ၼႂ်းတၢင်းဢၼ်ဢမ်ႇၸွမ်းၼင်ႇတြႃးၸိူဝ်းၼၼ်ႉၸိုင် ထႃႇဝရႃႉၽြႃးဢမ်ႇထုၵ်ႇ ၸႂ်ၵျိူၵ်ႈၸႂ်။
၃၇ ထႃႇဝရႃႉၽြႃးယင်းဢမ်ႇသင်ႇလၢတ်ႈဝႆႉလႄႈ ၽူႈ လႂ်တလေၢတ်ႈလႄႈႁႂ်ႈပဵၼ်သေၸိူဝ်ႉသေပိူင် လႆႈ။
၃၈ မင်ႇၵလႃႇဢိၵ်ႇတင်းဢႃႉမင်ႇၵလႃႇဢွၵ်ႇသေၵႃႈၼႂ်းသူပ်းၽြႃး ဢၼ်သုင်ၼႃႇသေပိူၼ်ႈၼၼ်ႉမႃးဢမ်ႇၸႂ်ႈႁိုဝ်။
၃၉ ၵွပ်ႈပိူဝ်ႈၸိူဝ်ႉၼင်ႇႁိုဝ်လႄႈၵူၼ်းသတ်ႉတဝႃႇဢၼ်ဢသၢၵ်ႈလိပ်းယူႇၼၼ်ႉ လႆႈပွင်ႉမိုၼ်ယူႇဢၼ်ဝႃႈ ၵူၼ်းလႆႈပွင်ႉမိုၼ်ယူႇၵွပ်ႈပိူဝ်ႈဢၼ်လႆႈၶၢမ်ႇတၢမ်ႇ ဢပျႅတ်ႈတူႉၸရိူၵ်ႈမၼ်းၼၼ်ႉၼင်ႇႁိုဝ်။
၄၀ ႁဝ်းၼႆႉၸႅတ်ႈထၢမ်ၸၢမ်းတူၺ်း သဵၼ်ႈတၢင်းဢၼ်ႁဝ်းၸွမ်းၸိူဝ်းၼၼ်ႉယူႇသေလႄႈ ဢွၼ်ၵၼ်ဝၢႆႇၶိုၼ်ႈၸူးတီႈထႃႇ ဝရႃႉၽြႃးတႃႉႁဝ်း။
၄၁ ဢွၼ်ၵၼ်ယုၵ်ႉယွင်ႈႁူဝ်ၸႂ်ႁဝ်းဢိၵ်ႇတင်းမိုဝ်းႁဝ်းၸူးၵႃႈတီႈၽြႃးပဵၼ်ၸဝ်ႈ ဢၼ်မီးယူႇၵႃႈၼိူဝ်ၾႃႉၵၢင်ႁၢဝ်ၼၼ်ႉတႃႉႁဝ်း။
၄၂ ၶႃႈၸဝ်ႈႁဝ်းၶဝ်ၽိတ်းပိူင်ႈလႄႈပုင်ႇၵၢၼ်ႇမႅၼ်ႈတီႈၶႃႈယဝ်ႉ။ၸဝ်ႈႁဝ်း ဢမ်ႇပွႆႇလွတ်ႈဢပျႅတ်ႈတီႈၶႃႈ။
၄၃ ၸဝ်ႈႁဝ်းဢဝ်တၢင်းၸႂ်မႆႈၶႆႈၸႃႉၸဝ်ႈႁဝ်း ႁႄႉၵင်ႈႁႄႉလပ်ႉၸဝ်ႈႁဝ်းသေလႄႈၸဝ်ႈႁဝ်းလိုပ်ႈၸွမ်းလမ်းၸွမ်းၶႃႈၸဝ်ႈႁဝ်းၶဝ်လႄႈ ယင်းဢမ်ႇမီးၵရူႉၼႃႇလႄႈၶႃႈၽၼ်းပႅတ်ႈ တီႈၶႃႈဢေႃႈ။
၄၄ ၸဝ်ႈႁဝ်းဢဝ်ၽႃႈၽူၼ်ႁႄႉၵင်ႈႁႄႉလပ်ႉၸဝ်ႈႁဝ်းထၼ်ႈပေႃး ၵႂၢမ်းပထၼႃႇၶႃႈၸဝ်ႈႁဝ်းၶဝ်ဢမ်ႇပွင်ၽႅဝ်ႁွတ်ႈ ၵႃႈတီႈၸဝ်ႈႁဝ်းလႆႈတီႈၶႃႈ ဢေႃႈ။
၄၅ ၸဝ်ႈႁဝ်းႁႂ်ႈၶႃႈၸဝ်ႈႁဝ်းၶဝ်ပဵၼ်ၸိူဝ်ႉၼင်ႇတီႈဢၼ်လီႁင်ႈဢဵတ်ႇသဵတ်ႇဢိၵ်ႇတင်း ၸိူဝ်ႉၼင်ႇမုၼ်ႈဢၢင်ဢၢၵ်ႇ ဢၼ်ဢဝ်ယူးပတ်းဢွၵ်ႇပႅတ်ႈၼၼ်ႉၵႃႈ ၼႂ်းၵူၼ်းမျူဝ်းတင်းလၢႆတီႈၶႃႈဢေႃႈ။
၄၆ ရၢၼ်ႇသူႇၶႃႈၸဝ်ႈႁဝ်းၶဝ်တင်းသဵင်ႈတင်းလူင် ဢွၼ်ၵၼ်ၽုၺ်ႇသူပ်းၶဝ်ယူႇ ၽၢႆႇၼိုင်ႈတင်းၶႃႈၸဝ်ႈႁဝ်းၶဝ်တီႈၶႃႈ ဢေႃႈ။
၄၇ တၢင်းဢၼ်လီၵူဝ်လီႁႄ၊တၢင်းဢၼ်တူၵ်းၵႃႈၼႂ်းၶုမ်မရၼႃႉ တၢင်းဢၼ်သိတ်ႇၵူၼ်းယဵၼ်ၵူၼ်းတၢင်းဢၼ်ပႄႇၽဵဝ်ႈယႃႉပႅတ်ႈၼၼ်ႉ ၸိူဝ်းၼၼ်ႉဢွၼ် ၵၼ်ႁွတ်ႈထိုင်တီႈၶႃႈၸဝ်ႈႁဝ်းၶဝ်တီႈၶႃႈယဝ်ႉ။
၄၈ မၢၵ်ႇတႃၵဝ်ၼႆႉမီးတၢင်းဢၼ်ပဵၼ်ၼမ်ႉႁွင်ႈလႄႈ လႆႈယူႇၵွပ်ႈပိူဝ်ႈဢၼ်လုၵ်ႈယိင်းၵူၼ်းမဵဝ်းၵဝ်ၼၼ်ႉ လူႉလႅဝ် ၼၼ်ႉဢေႃႈ။
၄၉ ၼမ်ႉတႃၵဝ်တူၵ်းလႄႈယင်းဢမ်ႇထၢတ်ႇဢမ်ႇယဵၼ်လႄႈလႆယူႇသေႇသေႇတေႃႇထိုင်ႁွတ်ႈ ထႃႇဝရႃႉၽြႃး
၅၀ ယူႇၵႃႈၼိူဝ်ၽုင်ႇၵၢင်ႁၢဝ်သေလႄႈလူ တူၺ်းလႄႈမၢတ်ႈတွင်းဝႆႉၼၼ်ႉဢေႃႈ။
၅၁ မၢၵ်ႇတႃၵဝ်ၸၢင်ႊႁႂ်ႈႁူဝ်ၸႂ်ၵဝ်မႆႈႁွၼ်ႉယူႇ ၵွပ်ႈပိူဝ်ႈလုၵ်ႈယိင်းဝဵင်း ၵဝ်တင်းသဵင်ႈတင်းလူင်ၼၼ်ႉဢေႃႈ။
၅၂ ၶဝ်ၸိူဝ်းဢၼ်ယင်းဢမ်ႇမီးလွင်ႈမၼ်းလႄႈ ႁဵတ်းတၢင်းဢၼ်ၽိတ်းၵၼ်တင်းၵဝ်ၼၼ်ႉ ဢွၼ်ၵၼ်လိုပ်ႈၸွမ်းႁႃမိူၼ်ၸိူဝ်ႉ ၼင်ႇၼူၵ်ႉၼၼ်ႉဢေႃႈ။
၅၃ ၶဝ်ဢွၼ်ၵၼ်တႅပ်းဢသၢၵ်ႈၵဝ်ၶၢတ်ႇ ၵႃႈၼႂ်းၶုမ်လိၼ်လုၵ်းလိၼ်လႄႈဢဝ်မၢၵ်ႇႁိၼ် တၢင်ႇသႂ်ႇဝႆႉၵႃႈၼိူဝ်ၵဝ်ဢေႃႈ။
၅၄ ၼမ်ႉထူမ်ႈႁူမ်ႇႁူဝ်ၵဝ်လႄႈ ၵဝ်လႆႈလၢတ်ႈလႄႈဝႃႈ ၵဝ်ၼႆႉသုမ်းၸွမ်းယဝ်ႉ၊ဝႃႈၼင်ႇၼႆဢေႃႈ။
၅၅ ထႃႇဝရႃႉၽြႃးတီႈၶႃႈ။ၶႃႈၸဝ်ႈယူႇၵႃႈၼႂ်းၶုမ်လိၼ်လုၵ်းလိၼ်ဢၼ်လိုၵ်ႉၼႃႇသေပိူၼ်ႈၼၼ်ႉ ႁွင်ႉႁႃၼႃႇ မႃႉၸိုဝ်ႈသဵင်ၸဝ်ႈႁဝ်းတီႈၶႃႈဢေႃႈ။
၅၆ ၸဝ်ႈႁဝ်းလႆႈငိၼ်းသဵင်ၶႃႈၸဝ်ႈလႄႈ ၶႅၼ်းတေႃႈယႃႇပဝေၢႆႇႁူၸဝ်ႈႁဝ်းပႅတ်ႈသေ ၼႂ်းမိူဝ်ႈဢၼ်ၶႃႈၸဝ်ႈၶၢင်းၶီၶၢင်းၽၢၼ် လႄႈႁွင်ႉႁႃယူႇၼၼ်ႉသေၵမ်းတီႈၶႃႈ။
၅၇ ၸဝ်ႈႁဝ်းသုတ်ႉၸပ်းသုတ်ႉၸူးၼႂ်းမိူဝ်ႉဝၼ်းဢၼ်ၶႃႈၸဝ်ႈ ႁွင်ႉႁႃယူႇၼၼ်ႉလႄႈ မီးဢမိင်ႉလႄႈဝႃႈယႃႇပေၵူဝ်ပေႁႄ၊ ဝႃႈ ၼင်ႇၼႆတီႈၶႃႈယဝ်ႉ။
၅၈ ၸဝ်ႈၽြႃးတီႈၶႃႈ။ၸဝ်ႈႁဝ်းပႂ်ႉဢမူႉ ဢၼ်ၸၢပ်ႈသႅင်ႇၵၼ်တင်း ဝိၺိၺ်ႇၶႃႈၸဝ်ႈၸိူဝ်းၼၼ်ႉသေလႄႈ ထုတ်ႇဢဝ်ဢသၢၵ်ႈၶႃႈၸဝ်ႈ တီႈၶႃႈယဝ်ႉ။
၅၉ ထႃႇဝရႃႉၽြႃးတီႈၶႃႈ။ၸဝ်ႈႁဝ်းႁၼ်တၢင်းဢၼ်ၼိၵ်ႈၸၢၵ်ႈငႅၼ်းသေး ဢၼ်ၶႃႈၸဝ်ႈလႆႈၶၢမ်ႇၼၼ်ႉတီႈၶႃႈယဝ်ႉ။ၶႅၼ်းတေႃႈၸီႇယၢင်ႇတြႃး ပုၼ်ႈၶႃႈၸဝ်ႈသေၵမ်းတီႈၶႃႈ။
၆၀ ၸဝ်ႈႁဝ်းႁၼ်ၵႃႈဢၼ်ၶဝ်ဝႆႉတၢင်းၽိတ်းဢိၵ်ႇတင်းၵႃႈဢၼ်ၶဝ်ၵျၢမ်ႇပွင်ဢၼ်ဢမ်ႇလီဢမ်ႇငၢမ်းတီႈၶႃႈၸဝ်ႈၸိူဝ်းၼၼ်ႉ တီႈ ၶႃႈယဝ်ႉ။
၆၁ ထႃႇဝရႃႉၽြႃးတီႈၶႃႈ။ၸဝ်ႈႁဝ်းငိၼ်းတၢင်းဢၼ်ၶဝ်သေႉသွမ်း၊တၢင်းဢၼ်ၶဝ်ၵျၢမ်ႇပွင်ဢၼ်ဢမ်ႇလီဢမ်ႇငၢမ်းၵႃႈမီးတီႈၶႃႈၸဝ်ႈႁဝ်း
၆၂ တၢင်း ဢၼ်သူပ်းၶဝ်ၸိူဝ်းဢၼ် လုၵ်ႉယူႇၽၢႆႇၼိုင်ႈတင်းၶႃႈၸဝ်ႈႁဝ်းၼၼ်ႉလၢတ်ႈ၊ တၢင်းဢၼ်ၶဝ်ၵျၢမ်ႇပွင်ႇယူႇၽၢႆႇၼိုင်ႈတင်းၶႃႈၸဝ်ႈႁဝ်းယူႇ တင်းဝၼ်းတင်းဝၼ်း ၼၼ်ႉတီႈၶႃႈယဝ်ႉ။
၆၃ ၸဝ်ႈႁဝ်းၶႅၼ်းတေႃႈလူတူၺ်းတၢင်းဢၼ်ၶဝ်ၼင်ႈ တၢင်းဢၼ်ၶဝ်လုၵ်ႉၼၼ်ႉသေၵမ်းတီႈၶႃႈ။ၶႃႈၸဝ်ႈပဵၼ်လွင်ႈဢၼ်ၶဝ်ႁဵတ်းၵႂၢမ်းၵပ်းတီႈၶႃႈဢေႃႈ။
၆၄ ထႃႇဝရႃႉၽြႃးတီႈၶႃႈ။ၶႅၼ်းတေႃႈတွပ်ႇတႅၼ်းပၼ်ဢၵျူဝ်းဢပျႅတ်ႈတီႈၶဝ် ၸွမ်းၵႃႈၼင်ႇဢၼ်ၶဝ်ၵမ်ၵျၢင်ႉၼၼ်ႉသေၵမ်းတီႈၶႃႈ။
၆၅ ၶႅၼ်းတေႃႈပၼ်ႁူဝ်ၸႂ်ဢၼ်ၵႅၼ်ႇၶႅင်ဢၼ်ဝႃႈ တၢင်းဢၼ်ၸဝ်ႈႁဝ်းၵိၼ်ႇ ဝႃႈၼၼ်ႉသေလႄႈ လိုပ်ႇၸွမ်းလမ်းၸွမ်းၶဝ်လႄႈယႃႉပႅတ်ႈၶဝ်ပႅတ်ႈသေ ၵႃႈတႂ်ႈၽႃႉၵၢင်ႁၢဝ်ထႃႇဝရႃႉၽြႃးသေၵမ်းတီႈၶႃႈ။