၁
ႁႂ်ႈလႆႈႁဵတ်းႁိူၼ်းၽြႃးပဵၼ်ၸဝ်ႈ
၁ ၼုၵ်ႈၵပၢတ်ႈထႃႇဝရႃႉၽြႃး ဢၼ်ဢဝ်တင်းပရေႃးၽႅတ်ႈႁၵ်ႉၵေႇႁွတ်ႈမႃးတီႈၸေႇရုပပေႇလ လုၵ်ႈၸၢႆးသႃႇလသေႇလ ၶုၼ်ဢၼ်ဢုပ်ႉပိူင်ႇမိူင်းယုတ ဢိၵ်ႇတင်းယေႃးသု လုၵ်ႈၸၢႆးယေႃႇၸတိၵ်ႉ ၶုၼ်ယိတ်ႉပရေႃးႁိၵ်ႈၼႂ်းၶူပ်ႇပီႊဢၼ်ၶုၼ်လူင်တႃႇရိ ၸၢမ်ႇႁၢင်ႈၸၢမ်ႇႁေႃသွင်ပီႊလိူၼ်သထမ ဝၼ်းၼိုင်ႈၼၼ်ႉလႄႈ ၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃး မီးဢမိင်ႉၸမ်း၊-
၂ ၵူၼ်းတင်းလၢႆၸိူဝ်းၼႆႉလၢတ်ႈလႄႈဝႃႈ၊-ၶိင်ႇမၼ်းၶႃႇမၼ်းဢမ်ႇပႆႇႁွတ်ႈပႆႇထိုင်၊ ၶိင်ႇဢၼ်တၵ်းလႆႈတႄႇႁဵတ်းႁိူၼ်းထႃႇဝရႃႉၽြႃးၼၼ်ႉဢမ်ႇပႆႇႁွတ်ႈပႆႇထိုင် ဝႃႈၼင်ႇၼႆဢေႃႈ။
၃ ပိူဝ်ႈၼႆၼႆလႄႈၼုၵ်ႈၵပၢတ်ႈထႃႇဝရႃႉၽြႃး ဢၼ်ဢဝ်တင်းပရေႃးၽႅတ်ႈႁၵ်ႉၵေႇႁွတ်ႈ မႃးၼၼ်ႉၸမ်း၊-
၄ ပဵၼ်ၶိင်ႇဢၼ်သူလီယူႇၵႃႈၼႂ်းႁိူၼ်းဢၼ်တဵမ်ဝႆႉတၢင်းဢၼ်မုင်းမၼ်းသွင်ထၢပ်ႈလႄႈႁိူၼ်းၸဝ်ႈလႆႈမီးတၢင်းဢၼ်လူႉလႅဝ်ယူႇႁိုဝ်။
၅ တေႃႈလဵဝ်ၼႆႉ ၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃးမီးဢမိင်ႉၸမ်း ဢွၼ်ၵၼ်ၶႆႈၸႂ်ဝူၼ်ႉၸႂ်လူၺ်ႈသဵၼ်ႈတၢင်းဢၼ်သူၵႂႃႇၸိူဝ်းၼၼ်ႉတႃႉ။
၆ သူဝၢၼ်ႇပိုၼ်ၸိူဝ်ႉၽၼ်းၼမ်ၼႃႇယဝ်ႉ။ ၵူၺ်းၵႃႈလႆႈမၢၵ်ႇမၼ်းႁူင်းမၼ်းၵေႇၼႃႇဢေႃႈ။သူလႆႈၵိၼ်လႄႈဢမ်ႇဢိမ်ႇလီတဵမ်လီ။သူလႆႈသူတ်ႉလႆႈဢိုၵ်ႉလႄႈ ဢမ်ႇလႆႈသူတ်ႉဢိုၵ်ႉဢိမ်ႇလီတဵမ်လီ။ သူလႆႈၼုင်ႈၶူဝ်းၼုင်ႈလႄႈဢမ်ႇလႆႈၼုင်ႈဢုၼ်ႇဢုၼ်ႇလီလီ။ၵေႃႉဢၼ်ႁဵတ်းတၢင်းႁဵတ်းႁႂ်ႈလႆႈၶၢမ်ႇဢဝ်ၵႃႈ မၼ်းၶၼ်မၼ်းသိမ်းသႂ်ႇဝႆႉၼႂ်းထူင်ဢၼ်လူင်ႉဢၼ်ႁူဝ်ႈၼၼ်ႉဢေႃႈ။
၇ ၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃး မီးဢမိင်ႉၸမ်း၊-ဢွၼ်ၵၼ်ၶႆႈၸႂ်ဝူၼ်ႉၸႂ် လူၺ်ႈသဵၼ်ႈတၢင်းဢၼ်သူ ၸွမ်းၸိူဝ်းၼၼ်ႉတႃႉ။
၈ ဢွၼ်ၵၼ်ၶိုၼ်ႈၵႃႈၼိူဝ်လွႆလႄႈဢဝ်မႆႉၸိင်မႃးသေလႄႈ တႄႇႁဵတ်းႁိူၼ်းၸဝ်ႈတႃႉ။ၵဝ်ၵေႃႈတၵ်းထုၵ်ႇၸႂ်ၵျိူၵ်ႈၸႂ်လူၺ်ႈမၼ်းလႄႈ မူၼ်ၽုင်းၵဝ်တၵ်းထၢင်ႇသႃးမႃးဢေႃႈ၊ ဝႃႈၼင်ႇၼႆထႃႇ ဝရႃႉၽြႃးမီးဢမိင်ႉဢေႃႈ။
၉ ပိၵ်ႉသမ်ႉသူမုင်ႈမွင်းလွင်ႈဢၼ်တၵ်းလႆႈၼမ်ၼႃႇၼၼ်ႉသေၵေႃႈ ဢုၵ်ႉၸႃႇဢၼ်လႆႈၼၼ်ႉပဵၼ်ဢၼ်ၵေႇၼႃႇဢေႃႈ။မိူဝ်ႈဢၼ်သူဢဝ်မႃးႁွတ်ႈထိုင်ၵႃႈတီႈႁိူၼ်းယဝ်ႉၼၼ်ႉၸိုင် ၵဝ်ပဝ်ႇပႅတ်ႈဢေႃႈ။ ပဵၼ်ၵွပ်ႈပိူဝ်ႈၸိူဝ်ႉၼင်ႇႁိုဝ်ဝႃႈၼင်ႇၼႆလႄႈၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃးထၢမ်ဢေႃႈ။
ပဵၼ်ၵွပ်ႈပိူဝ်ႈဢၼ်ႁိူၼ်းၵဝ်လူႉလႅဝ်ယူႇလႄႈ သူၵႂႃႇၸူးၵႃႈတီႈႁိူၼ်းသူႁင်းၽႂ်ႁင်းမၼ်းၵူၺ်း ၼၼ်ႉဢေႃႈ။ ပိူဝ်ႈၼႆလႄႃႈႉၵၢင်ႁၢဝ်ဢမ်ႇပၼ်ၼမ်ႉၼၢႆး။ လိၼ်ၵေႃႈဢမ်ႇလႆႈပၼ် မၢၵ်ႇမၼ်းႁူင်းမၼ်း ၵွပ်ႈပိူဝ်ႈသူယဝ်ႉ။
၁၁ ၵဝ်သင်ႇလၢတ်ႈၽေးဢၼ်ႁႅင်ႈဢၼ်ႁွင်ၼၼ်ႉၸူးၵႃႈၼိူဝ်လိၼ်၊ ၵႃႈၼိူဝ်လွႆ၊ ၵႃၼိူဝ်ၶဝ်ႈပိူၵ်ႇၶဝ်ႈသၢၼ်၊ၵႃႈၼိူဝ်ၼမ်ႉၸပိတ်ႈဢၼ်ဝၢၼ်၊ ၵႃႈၼိူဝ်ၼမ်ႉမၼ်း၊ ၵႃႈၼိူဝ်ၵႃႈဢၼ်ဢွၵ်ႇမႃးၵႃႈၼႂ်းလိၼ်၊ ၵႃႈၼိူဝ်ၵူၼ်းသတ်ႉတဝႃႇ၊ၵႃႈၼိူဝ်တရိၵ်ႈသၢၼ်ႇ၊ ၵႃႈၼိူဝ်ၵႃႈဢၼ်ဢဝ်မိုဝ်းသၢင်ႈႁဵတ်းၼၼ်ႉယဝ်ႉ၊ဝႃႈၼင်ႇ ၼႆဢေႃႈ။
၁၂ မိူဝ်ႈၼၼ်ႉၸေႇရုပပေႇလလုၵ်ႈၸၢႆး သႃႇလသေႇလ ဢိၵ်ႇတင်းယေႃးသုလုၵ်ႈၸၢႆးယေႃႇၸတိၵ်ႉၶုၼ်ယိတ်ႉပရေႃးႁိၵ်ႈ တင်းၶဝ်ၵႃႈဢၼ်ၵိုတ်းဢၼ်ၵျၢၼ်ႇၸိူဝ်းၼၼ်ႉ ထွမ်ႇဢဝ်ဢမိင်ႉထႃႇဝရႃႉၽြႃးၽြႃးပဵၼ်ၸဝ်ႈၶဝ်ဢိၵ်ႇတင်းၵႂၢမ်းပရေႃးၽႅတ်ႈႁၵ်ႉၵေႇဢၼ်ထႃႇဝရႃႉၽြႃးၽြႃးပဵၼ်ၸဝ်ႈၶဝ် ပွႆႇၸႂ်ႉၼၼ်ႉလႄႈ ၵူၼ်းတင်းလၢႆဢွၼ်ၵၼ်ၵူဝ်ႁႄထႃႇဝရႃႉၽြႃး ဢေႃႈ။
၁၃ မိူဝ်ႈၼၼ်ႉတမၢၼ်ႇထႃႇဝရႃႉၽြႃးႁၵ်ႉၵေႇမွၵ်ႇလၢတ်ႈၸွမ်းၵႃႈၼင်ႇဢၼ် ထႃႇဝရႃႉၽြႃးသင်ႇလၢတ်ႈဝႆႉၼၼ်ႉတီႈၵူၼ်းတင်းလၢႆလႄႈဝႃႈ၊-ထႃႇဝရႃႉၽြႃးမီးဢမိင်ႉၸမ်း၊-ၵဝ်မီးယူႇလူၺ်ႈၵၼ်တင်းသူ ဢေႃႈ၊ဝႃႈၼင်ႇၼႆဢေႃႈ။
၁၄ ထႃႇဝရႃႉၽြႃးတိုၵ်းယူင်းၸေႇတၼႃႇၸေႇရုပပေႇလလုၵ်ႈၸၢႆး သႃႇလသေႇလ ၶုၼ်ဢၼ်ဢုပ်ႉပိူင်ႇမိူင်းယုတဢိၵ်ႇတင်းၸႂ်ၸေႇတၼႃႇ ယေႃႇၸၵိၵ်ႉ ၶုၼ်ယိတ်ႉပရေႃးႁိၵ်ႈတင်းၸႂ်ၸေႇတၼႃႇၶဝ် ၵႃႈဢၼ်ၵိုတ်းဢၼ်ၵျၢၼ်ႇၼၼ်ႉလႄႈၶဝ်ဢွၼ်ၵၼ်မႃးလႄႈ ႁဵတ်းတၢင်းႁဵတ်းၵႃႈတီႈႁိူၼ်းၽြႃးပဵၼ်ၸဝ်ႈၶဝ် ၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉ ၽြႃး
၁၅ ၼႂ်းၶူပ်ႇပီႊဢၼ်ၶုၼ်လူင်တႃႇရိ ၸၢမ်ႇႁၢင်ႈၸၢမ်ႇႁေႃသွင်ပီႊလိူၼ်သတမ သိပ်းပၢႆသီႇဝၼ်းၼၼ်ႉဢေႃႈ။