၁
ႁပၵ်ႉၵုၵ်ႉပွင်ႉမိုၼ်ပွင်ႉၶင်း
၁ ပျႃႇတိၵ်ႈၸဝ်ႈဢၼ်ပရေႃးၽႅတ်ႈႁပၵ်ႉၵုၵ်ႉလႆႈၶၢမ်ႇဢဝ်ၼၼ်ႉၸမ်း၊ထႃႇဝရႃႉၽြႃးတီႈၶႃႈ။
၂ ၸဝ်ႈႁဝ်းယင်းဢမ်ႇငိၼ်းလႄႈ ၶႃႈၸဝ်ႈတၵ်းလႆႈႁွင်ႉသႅၼ်ႇယူႇၶိင်ႇၵႃႇလႃႉႁိုင်ၵႃႈႁိုဝ်တီႈၶႃႈ။ ၸဝ်ႈႁဝ်းယင်းဢမ်ႇၵႄႇသႄႇၶျွတ်ႈဢဝ်လႄႈၶႃႈၸဝ်ႈတၵ်းလႆႈသႅၼ်ႇႁွင်ႉလူၺ်ႈလွင်ႈဢမူႉဢႃႉထမ်ႇမႃႉယူႇၵႃႈတီႈၽၢႆႇၼႃႈ ၸဝ်ႈႁဝ်းၶိင်ႇၵႃႇလႃႉႁိုင်ၵႃႈႁိုဝ်တီႈၶႃႈ။
၃ ၵွပ်ႈပိူဝ်ႈၸိူဝ်ႉၼင်ႇႁိုဝ်လႄႈ ၸဝ်ႈႁဝ်းဢဝ်လွင်ႈတၢင်းဢၼ်ဢမ်ႇတြႃးၼႄပျႃႉတီႈၶႃႈၸဝ်ႈႁဝ်းလႄႈ ႁႂ်ႈၶႃႈၸဝ်ႈႁဝ်းႁၼ်ဢမူႉဢႃႉထမ်ႇမႃႉယူႇၼင်ႇႁိုဝ်တီႈၶႃႈ။လွင်ႈတၢင်းဢၼ်ႁိမ်ဢဝ်ဢိၵ်ႇတင်း လွင်ႈတၢင်းဢၼ်ႁဵတ်းပေႉႁဵတ်းၼႅင်ႇၼၼ်ႉ မီးယူႇသိုဝ်ႈၼႃႈတႂ်ႈတႃၶႃႈၸဝ်ႈတီႈၶႃႈဢေႃႈ။မီးတၢင်းဢၼ်တွပ်ႇထဵင်လႄႈတၢင်းဢၼ်ၽိတ်းၵၼ်ၼၼ်ႉၵေႃႈ ယုၵ်ႉယွင်ႈတူဝ်ၸဝ်ႈၵဝ်ႇ ယူႇတီႈၶႃႈဢေႃႈ။
၄ ပိူဝ်ႈဢၼ်ပဵၼ်ၼင်ႇၼၼ်လႄႈတြႃးသုတ်ႈယွမ်းၵႂႃႇလႄႈတၢင်းဢၼ်ၸီႇယၢင်ႇတႅပ်းတတ်းၸွမ်းၼင်ႇတြႃးၼၼ်ႉ ဢမ်ႇပေႃႇဢမ်ႇဢွၵ်ႇလႃးလႃးတီႈၶႃႈ။ၵွပ်ႈပိူဝ်ႈဢၼ်ၶဝ်ၸိူဝ်းဢၼ်ဢမ်ႇတြႃးၼၼ်ႉ လွမ်ႉလဵပ်ႈႁွပ်ႈၶဝ်ၸိူဝ်းဢၼ်သိုဝ်ႈတေႃႇၼၼ်ႉဝႆႉလႄႈ တၢင်းဢၼ်ၸီႇယၢင်ႇတႅပ်းတတ်းတြႃးၼၼ်ႉ ပေႃႇဢွၵ်ႇပဵၼ်ဢၼ်ပိူင်ႈဢၼ်လွႆးၵူၺ်းတီႈၶႃႈဢေႃႈ။
ၽြႃးပဵၼ်ၸဝ်ႈၶိုၼ်းဢိူဝ်ႉ
၅ ဢွၼ်ၵၼ်တူၺ်း ၵႃႈၼႂ်းၵူၼ်းတၢင်ႇၸိူဝ်ႉတၢင်ႇၶိူဝ်းတင်းလၢႆသေလႄႈၶႆႈၸႂ်ဝူၼ်ႉၸႂ်သေလႄႈ ဢၢမ်းၼႃႇလူင်လၢင်တႃႉ။လွင်ႈမၼ်းၸမ်းၼႂ်းၸူဝ်ပၢၼ်သူၼၼ်ႉၵဝ်တၵ်းႁဵတ်းလွင်ႈတၢင်းဢၼ် ပိူၼ်ႈမွၵ်ႇလၢတ်ႈလႄႈပျႃႉတီႈသူသေၵေႃႈဢၼ်သူဢမ်ႇယုမ်ႇၼၼ်ႉဢေႃႈ။
၆ တူၺ်းလူ။ ၵဝ်တၵ်းတိုၵ်းယူင်းမဵဝ်းၵူၼ်းၶႃႇလတေႇဢၼ်ၵျၢမ်းႁၢဝ်ႈၶၼ်ၽႂ်းၼႃႇလႄႈ ၶီႇသိုၵ်းၵႂႃႇၵႃႈၼိူဝ်လိၼ်တင်းသဵင်ႈတင်းမူတ်း ႁႂ်ႈလႆႈသိမ်းဢဝ်တီႈ ယူႇဢၼ်ၶဝ်ဢမ်ႇပိူင်ႇၸိူဝ်းၼၼ်ႉဢေႃႈ။
၇ ၶဝ်ၼၼ်ႉပဵၼ်ၵူၼ်းဢၼ်လီၵူဝ်လီႁႄ လီတူၵ်းၸႂ်ၼႃႇၼၼ်ႉလႄႈတၢင်းဢၼ်ၶဝ် ၸီႇယၢင်ႇတႅပ်းတတ်းတြႃးဢိၵ်ႇတင်းၵုင်ႇသရေႇၶဝ်ၼၼ်ႉ ပေႃႇဢွၵ်ႇပဵၼ်မႃးၵႃႈၼႂ်းၶဝ်ၵူၺ်း ဢေႃႈ။
၈ မႃႉၶဝ်ၼၼ်ႉၶၼ်ၽႂ်းလိူဝ်တွၼ်းၼႃႇသသေိူဝ်ၸုမ်ႈလႄႈ ၵျၢမ်းႁၢဝ်ႈၼႃႇသမေႃထိူၼ်ႇဢၼ်လႄႇၶိင်ႇၵၢင်ၶိုၼ်းၼၼ်ႉဢေႃႈ။ ၵူၼ်းသိုၵ်းၶီႇမႃႉၶဝ်ၸိူဝ်းၼၼ်ႉ တၵ်းဢွၼ်ၵၼ်ႁဵတ်းႁိၵ်ႈႁဵတ်းႁၢၼ်ႇသေလႄႈၶီႇမႃႉဢေႃႈ။ၵူၼ်းသိုၵ်းၶီႇမႃႉၶဝ်ၸိူဝ်းၼၼ်ႉတၵ်းဢွၼ်ၵၼ်လုၵ်ႉသေ ၵႃႈတီႈဢၼ်ၵႆမႃးလႄႈမိၼ်မႃးမိူၼ်ၸိူဝ်ႉၼင်ႇႁူင်ႉၶမ်း ဢၼ်ႁိပ်ႈၼႅတ်ႈႁႂ်ႈလႆႈသႅတ်ႈၵိၼ်တူဝ် ၼၼ်ႉဢေႃႈ။
၉ ၶဝ်တင်းသဵင်ႈတင်းလူင်ၼၼ်ႉဢွၼ်ၵၼ်မႃးႁႂ်ႈလႆႈၼိၵ်ႈၸၢၵ်ႈငႅၼ်းသေးဢေႃႈ။ၶဝ်ၼၼ်ႉပဵၼ်မုၵ်ႉပဵၼ်ၸိူဝ်း ဢၼ်ဝၢႆႇၼႃႈၶဝ်ယူႇမၼ်ႈမၼ်ႈၶိူင်ႇမိူၼ်ၸိူဝ်ႉၼင်ႇလူမ်းတၢင်းဝၼ်းဢွၵ်ႇၼၼ်ႉလႄႈ ဢဝ်ၶဝ်ၸိူဝ်းဢၼ်တီႉလႆႈၼၼ်ႉ ၸူႉၵၼ်တုမ်ၵၼ်ဝႆႉမိူၼ်ၸိူဝ်ႉၼင်ႇမဵတ်ႉႁိၼ်မဵတ်ႉသၢႆးၼၼ်ႉဢေႃႈ။
၁၀ ၶဝ်တၵ်းဢွၼ်ၵၼ်ႁဵတ်းဢမ်ႇပေႃးၼင်ႇႁိုဝ် တီႈၶုၼ်ႁေႃၶမ်းတင်းလၢႆလႄႈႁဵတ်းပျၢၵ်ႈႁဵတ်းၶူဝ်ၶုၼ်တင်းလၢႆဢေႃႈ။ၶဝ်တၵ်းဢွၼ်ၵၼ်ႁဵတ်းပျၢၵ်ႈႁဵတ်းၶူဝ်တိူၵ်ႈတီႈတိုၵ်းသိုၵ်းၵႃႈမီးလႄႈ ဢဝ်မုၼ်ႈလိၼ်ၵေႃႇဝႆႉၵွင်ဝႆႉသေလႄႈ တိုၵ်းဢဝ်ဢေႃႈ။
၁၁ လိုၼ်းၼၼ်ႉၶဝ်ၼၼ်ႉတၵ်းပတ်ႉထူဝ်းမိူၼ်ၸိူဝ်ႉၼင်ႇလူမ်းၼၼ်ႉလႄႈ ပူၼ်ႉၵႂႃႇသေယဝ်ႉ လႆႈၶၢမ်ႇဢပျႅတ်ႈဢေႃႈ။တၼ်းၶူဝ်းမၼ်းၼႆႉပဵၼ်ၵႃႈတီႈၽြႃးမၼ်းဢေႃႈ။
၁၂ ထႃႇဝရႃႉၽြႃး ၽြႃးပဵၼ်ၸဝ်ႈၵဝ်ၶႃႈၽြႃးဢၼ်မူတ်းၸၢင်ႇၵဝ်တီႈၶႃႈ။ၸဝ်ႈႁဝ်းတႄႇယူႇၼိၵ်ႉၸႃႉထႃႇဝရႃႉဢမ်ႇၸႂ်ႈတီႈၶႃႈႁိုဝ်။ပေႃးၸႂ်ႈၸိူဝ်ႉၼင်ႇၼၼ်ႉၸိုင်ၶႃႈၸဝ်ႈႁဝ်းၶဝ်တၵ်းဢမ်ႇလႆႈတၢႆတီႈၶႃႈၵူၺ်း။ထႃႇဝရႃႉၽြႃးတီႈၶႃႈ။ၸဝ်ႈႁဝ်းၶၢၼ်းၶဝ်ဝႆႉႁႂ်ႈလႆႈၸႅတ်ႈထၢမ်ၸႅတ်ႈတူၺ်းတီႈၶႃႈယဝ်ႉ။မၢၵ်ႇႁိၼ်မၢၵ်ႇၽႃတီႈၶႃႈ။ၸဝ်ႈႁဝ်းၶျႃးတီႈယူႇပၼ်ၶဝ် ႁႂ်ႈလႆႈသင်ႇသွင်သုင်းမႃႉ တီႈၶႃႈယဝ်ႉ။
၁၃ ၸဝ်ႈႁဝ်းမီးတႃဢၼ်မူတ်းသႂ်ထၢၼ်ႈပေႃးဢမ်ႇလူဢမ်ႇတူၺ်း တူႉၸရိူၵ်ႈလႆႈတီႈၶႃႈဢေႃႈ။ၸဝ်ႈႁဝ်းဢမ်ႇၸၢင်ႊလူၸၢင်ႊတူၺ်း ဢမူႉဢႃႉထမ်ႇမႃႉသေလႄႈယူႇတီႈၶႃႈ။ၵွပ်ႈပိူဝ်ႈၸိူဝ်ႉၼင်ႇလႄႈၸဝ်ႈႁဝ်းလူတူၺ်း ၶဝ်ၸိူဝ်းဢၼ်သႅတ်ႉၸႃႇလူႉၼၼ်ႉလႄႈယူႇသိတ်ႇသိတ်ႇယဵၼ်ယဵၼ်ယူႇ ၼႂ်းမိူဝ်ႈဢၼ်ၵေႃႉဢၼ်ႁၢႆႉဢၼ်မိူၵ်ႈၼၼ်ႉဢိုၼ်ၵိၼ်ၵေႃႉဢၼ်သိုဝ်ႈတေႃႇၼႃႇသေမၼ်းၼၼ်ႉၼင်ႇႁိုဝ်တီႈၶႃႈ။
၁၄ ၵွပ်ႈပိူဝ်ႈၸိူဝ်ႉၼင်ႇႁိုဝ်လႄႈၸဝ်ႈႁဝ်းႁႂ်ႈၵူၼ်းသတ်ႉတဝႃႇတင်းလၢႆ ပဵၼ်ၸိူဝ်ႉၼင်ႇပႃပၢင်ႇလၢႆႇဢိၵ်ႇတင်းၸိူဝ်ႉၼင်ႇတူဝ်မူင်ႈတူဝ်မႅင်း ဢၼ်ဢမ်ႇမီးၶုၼ်ၼၼ်ႉ ၼင်ႇႁိုဝ်တီႈၶႃႈ။
၁၅ ရၢၼ်ႇသူႇၼၼ်ႉဢဝ်ၶေႃဝဵတ်းဝဵတ်းဢဝ်ၶဝ်ၵႃႈမီးၼၼ်ႉယူႇ၊ဢဝ်ၶႄသုမ်ႇႁူမ်ႇဝႆႉယူႇ၊ ဢဝ်ၼႅင်ႈၶင်ဝႆႉယူႇသေလႄႈၸၢင်ႊၸူမ်းသိူဝ်းသႂၢင်ႇၸႂ် တီႈၶႃႈဢေႃႈ။
၁၆ ပိူဝ်ႈၼႆလႄႈမၼ်းၸင်ႇပုၵ်ႉၸေႃႇတီႈၶႄမၼ်းလႄႈ ဢဝ်ၼၢမ်ႇသႃႇတုတ်ႇၽႆး တီႈၼႅင်ႈမၼ်းတီႈၶႃႈဢေႃႈ။လွင်ႈမၼ်းၸမ်းၵွပ်ႈပိူဝ်ႈၶိူင်ႈပူင်ၸိူဝ်းၼၼ်ႉလႄႈ ပုၼ်ႈမၼ်းတႃႇမၼ်းၼၼ်ႉပဵၼ်ၵွၼ်ႈၶႆၵွၼ်ႈမၼ်းလႄႈ တၢင်းၵိၼ်တၢင်းၶူပ်းမၼ်းပဵၼ်ၼိူဝ်ႉဢၼ်ပီးလီမၼ်းလီၼၼ်ႉယူႇတီႈၶႃႈဢေႃႈ။
၁၇ ပိူဝ်ႈဢၼ်ပဵၼ်ၼင်ႇၼႆလႄႈ မၼ်းတၵ်းလၢႆႈဢဝ်ပႃၵႃႈၼႂ်းၶႄၼႂ်းၼႅင်ႈမၼ်းၼၼ်ႉဢွၵ်ႇပႅတ်ႈသေတီႈၶႃႈႁိုဝ်။ မၼ်းယင်းဢမ်ႇသေလၢႆၵူၼ်းၵူႈၸိူဝ်ႉၵူႈမဵဝ်းၼၼ်ႉလႄႈ တၵ်းလႆႈဢဝ်တၢႆပႅတ်ႈၶႃႈပႅတ်ႈယူႇတႃႇသေတီႈၶႃႈႁိုဝ်။