၁
ၸရၢင်းၸိူဝ်ႉၶိူဝ်းၸဝ်ႈယေႇသုၶရိၸ်ႉ
၁ ၸရၢင်းၸိူဝ်ႉၶိူဝ်းၸဝ်ႈယေႇသုၶရိၸ်ႉႉဢၼ်သိုပ်ႇလူင်းမႃးၵႃႈတီႈဢႃႇပြႁၢမ်ႇတင်း
၂ တႃႇဝိတ်ႉၼၼ်ႉၸမ်းဢႃႇပြႁၢမ်ႇမီးလုၵ်ႈဢိၸၢၵ်ႉ၊ဢိၸၢၵ်ႉမီးလုၵ်ႈယႃႇၵုပ်ႉ၊
၃ ယႃႇၵုပ်ႉမီးလုၵ်ႈယုတတင်းပီႈၼွင်ႉမၼ်းတင်းလၢႆ။ယုတမီးလုၵ်ႈၽႄးရိတ်ႉတင်း
၄ ၸႃႇရႃႇဢၼ်လႆႈၵႃႈတီႈမေးမၼ်းတႃႇမႃႇ၊ၽႄးရိတ်ႉမီးလုၵ်ႈႁေႇၸရုၼ်ႇ။ႁေႇၸရုၼ်ႇမီးလုၵ်ႈဢႃႇရမ်ႇ။ဢႃႇရမ်ႇမီးလုၵ်ႈဢမိၼတပ်ႉ။ဢမိၼတပ်ႉမီးလုၵ်ႈၼႃႇသုၼ်ႇ။
၅ ၼႃႇသုၼ်ႇမီးလုၵ်ႈၸႃႇလမုၼ်ႇ။ၸႃႇလမုၼ်ႇမီးလုၵ်ႈပေႃႇၸဢၼ်လႆႈၵႃႈတီႈမေးမၼ်းရႃႇၶပ်ႉ။ပေႃႇၸမီးလုၵ်ႈဢုဝ်ႇပိတ်ႉဢၼ်လႆႈၵႃႈတီႈမေးမၼ်းရုထ။ဢုဝ်ႇပိတ်ႉ
၆ မီးလုၵ်ႈယေႇသေႇ။ယေႇသေႇမီးလုၵ်ႈၶုၼ်လူင်တႃႇဝိတ်ႉ။
ၶုၼ်လူင်တႃႇဝိတ်ႉမီးလုၵ်ႈသေႃးလမုၼ်ႇဢၼ်လႆႈၵႃႈတီႈၵေႃႉဢၼ်ယၢမ်ႈပဵၼ်မေးဢုရိယယဝ်ႉ ၼၼ်ႉ။
၇ သေႃးလမုၼ်ႇမီးလုၵ်ႈရူဝ်ႇပုမ်ႇ။ရူဝ်ႇပုမ်ႇမီးလုၵ်ႈဢပိယ။ဢပိယမီးလုၵ်ႈဢႃႇသ။
၈ ဢႃႇသမီးလုၵ်ႈယုဝ်ႇသၽတ်ႉ။ယုဝ်ႇသၽတ်ႉမီးလုၵ်ႈယုဝ်ႇရမ်ႇ။ယုဝ်ႇရမ်ႇမီးလုၵ်ႈ
၉ ဢုဝ်ႇၸိယ။ဢုဝ်ႇၸိယမီးလုၵ်ႈယုဝ်ႇထမ်ႇ။ယုဝ်ႇထမ်ႇမီးလုၵ်ႈဢႃႇၶတ်ႉ။ဢႃႇၶတ်ႉမီးလုၵ်ႈႁေႇၸၵိယ။
၁၀ ႁေႇၸၵိယမီးလုၵ်ႈမၼႃႇသေႇ။မၼႃႇသေႇမီးလုၵ်ႈဢႃႇမုၼ်ႇ။
၁၁ ဢႃႇမုၼ်ႇမီးလုၵ်ႈယုဝ်ႇသိယ။ၼႂ်းမိူဝ်ႈဢၼ်ၸမ်တၵ်းၶၢႆႉၵႂႃႇတီႈဝဵင်းပႃႇပုလုၼ်ႇပုၼ်ႉၼၼ်ႉ ၸိုင် ယုဝ်ႇသိယမီးလုၵ်ႈယေႇၶေႃးၼိယတင်းပီႈၼွင်ႉမၼ်းတင်းလၢႆဢေႃႈ။
၁၂ ဝၢႆးသေၶၢႆႉၵႂႃႇၵႃႈတီႈဝဵင်းပႃႇပုလုၼ်ႇပုၼ်ႉယဝ်ႉၼၼ်ႉယေႇၶေႃးၼိယမီးလုၵ်ႈသႃႇလထိဢေႇလ။
၁၃ သႃႇလထိဢေႇလမီးလုၵ်ႈၸေႇရုပပေႇလ။ၸေႇရုပပေႇလမီးလုၵ်ႈဢပျုတ်ႈ။
၁၄ ဢပျုတ်ႈမီးလုၵ်ႈဢေႇလျႃႉၵိမ်ႇ။ဢေႇလျႃႉၵိမ်ႇမီးလုၵ်ႈဢႃႇၸေႃး။ဢႃႇၸေႃးမီးလုၵ်ႈ ၸႃႇတုတ်ႉ။ ၸႃႇတုတ်ႉမီးလုၵ်ႈဢႃႇၶိမ်ႇ။ဢႃႇၶိမ်ႇမီးလုၵ်ႈဢေႇလျုတ်ႉ။
၁၅ ဢေႇလျုတ်ႉမီးလုၵ်ႈဢေႇလႃႇၸႃႇ။ဢေႇလႃႇၸႃႇမီးလုၵ်ႈမတ်ႉထၢၼ်ႇ။မတ်ႉထၢၼ်ႇမီးလုၵ်ႈယႃႇၵုပ်ႉ။
၁၆ ယႃႇၵုပ်ႉမီးလုၵ်ႈယုဝ်းသႅပ်ႉဢၼ်ပဵၼ်ၽူဝ်မႃႇရိၼၼ်ႉဢေႃႈ။
ၵႃႈတီႈမႃႇရိၼၼ်ႉၵိူတ်ႇလဵင်ႉမႃးၸဝ်ႈၶရိၸ်ႉဢၼ်လႆႈႁွင်ႉႁိၵ်ႈၸိုဝ်ယေႇသုၼၼ်ႉဢေႃႈ။
၁၇ ပိူဝ်ႈဢၼ်ပဵၼ်ၼင်ႇၼႆလႄႈၸိူဝ်ႉၶိူဝ်းသိုပ်ႇသိုပ်ႇတၢမ်ႈတၢမ်ႈတင်းသဵင်ႈတၢင်းလူင်ၸႃႉၸဵမ် ဢႃႇပြႁၢမ်ႇတေႃႇထိုင်ႁွတ်ႈတႃႇဝိတ်ႉပဵၼ်သိပ်းသီႇသိုပ်ႇ။ၸႃႉၸဵမ်တႃႇဝိတ်ႉတေႃႇထိုင်ႁွတ်ႈ ၶၢႆႉၵႂႃႇၵႃႈတီႈဝဵင်းပႃႇပုလုၼ်ႇပဵၼ်သိပ်းသီႇသိုပ်ႇ။ၸႃႉၸဵမ်ၶၢႆႉၵႂႃႇၵႃႈတီႈဝဵင်းပႃႇပုလုၼ်ႇတေႃႇထိုင် ႁွတ်ႈၸဝ်ႈၶရိၸ်ႉႉပဵၼ်သိပ်းသီႇသိုပ်ႇဢေႃႈ။
လွင်ႈတၢင်းဢၼ်ၸဝ်ႈယေႇသုၵိူတ်ႇလဵင်ႉ
၁၈ လွင်ႈတၢင်းဢၼ်ၸဝ်ႈယေႇသုၶၢမ်ႇတၢင်းဢၼ်ၵိူတ်ႇလဵင်ႉမႃးၸမ်းမႃႇရိၼၼ်ႉမၢႆၵၼ်ဝႆႉတင်းယုဝ်းသႅပ်ႉလႄႈၸူဝ်ႈဢၼ်ဢမ်ႇပႆႇတိူဝ်ႉပႆႇထုၵ်ႇၵၼ်ၼၼ်ႉၵွပ်ႈပိူဝ်ႈဝိၺိၺ်ႇမူတ်းၸၢင်ႇၸဝ်ႈလႄႈမႃႇရိပႃးပတိၵ်ႉသၼ်ႇထေႇၼႂ်းတွင်ႉမၼ်းဢေႃႈ။
၁၉ ၽူဝ်မၢႆမၼ်းယုဝ်းသႅပ်ႉၼၼ်ႉပဵၼ်ၵူၼ်းဢၼ်လီလႄႈဢမ်ႇၶႂ်ႈႁႂ်ႈသရေႇမႃႇရိလူႉၽၢႆႇၼႃႈၵူၼ်းလႄႈမၼ်းၸင်ႇမီးၸႂ်ဢၢင်ႈဢၢၼ်းပၢႆႊပႅတ်ႈတဵတ်ႇတဵတ်ႇဢေႃႈ။
၂၀ မိူဝ်ႈဢၼ်မၼ်းၵျၢမ်ႇပွင်ၸိူဝ်ႉၼင်ႇၼၼ်ယူႇၼၼ်ႉတမၢၼ်ႇၵၢင်ႁၢဝ်ထႃႇဝရႃႉၽြႃးပေႃႇမေႃးၵႃႈတီႈမၼ်းၼႂ်းတၢင်းဢၼ်မၼ်းၼွၼ်းၽၼ်ၼၼ်ႉလႄႈဝႃႈ၊-ယုဝ်းသႅပ်ႉ၊လုၵ်ႈၸၢႆးတႃႇဝိတ်ႉ ဢိူၺ်း၊ယႃႇပေၵူဝ်လွင်ႈဢၼ်တၵ်းလႆႈသိမ်းဢဝ်မေးမၢႆမႂ်းမႃႇရိၼၼ်ႉ။ပတိၵ်ႉသၼ်ႇထေႇဢၼ်တႄႇၵႃႈၼႂ်းမၼ်းၼၼ်ႉပဵၼ်ၵွပ်ႈပိူဝ်ႈဝိၺိၺ်ႇမူတ်းၸၢင်ႇၸဝ်ႈဢေႃႈ။မၼ်းတၵ်းၵိူတ်ႇလဵင်ႉမႃးလုၵ်ႈၸၢႆးဢေႃႈ။
၂၁ လုၵ်ႈၸၢႆးၼၼ်ႉပိူဝ်ႈဢၼ်ပဵၼ်ၵေႃႉဢၼ်တၵ်းၵႄႇၶျွတ်ႈဢဝ်ၵူၼ်းမဵဝ်းတူဝ်ၸဝ်ႈၵဝ်ႇတင်းလၢႆၵႃႈၼႂ်းဢပျႅတ်ႈလႄႈတၵ်းလႆႈႁွင်ႉႁိၵ်ႈၸိုဝ်ယေႇသုဢေႃႈ၊ဝႃႈၼင်ႇၼႆဢေႃႈ။
၂၂ လွင်ႈတၢင်းၸိူဝ်းၼႆႉၸမ်းၼင်ႇႁိုဝ်ပျႃႇတိၵ်ႈဢၼ်ၽြႃးပဵၼ်ၸဝ်ႈဢဝ်တင်းပရေႃးၽႅတ်ႈႁေႃးလၢတ်ႈဝႆႉၼၼ်ႉတၵ်းလႆႈတဵမ်ထူၼ်ႈၸိုင်ၸင်ႇလႆႈပဵၼ်ဢေႃႈ။
၂၃ ပျႃႇတိၵ်ႈၸဝ်ႈၼၼ်ႉမီးဝႆႉလႄႈဝႃႈၸမ်း၊-တူၺ်းလူႊ၊ၵၼ်ႇၺႃႇလုၵ်ႈယိင်းသၢဝ်တၵ်းပႃးပတိၵ်ႉသၼ်ႇထေႇလႄႈၵိူတ်ႇလဵင်ႉမႃးလုၵ်ႈၸၢႆးဢေႃႈ။လုၵ်ႈၸၢႆးၼၼ်ႉတၵ်းလႆႈႁွင်ႉႁိၵ်ႈၸိုဝ်ဝႃႈ၊-ဢေႇမႃႇၼူၺ်ႇလဢေႃႈ၊ဝႃႈၼင်ႇၼႆဢေႃႈ။ဢေႇမႃႇၼူၺ်ႇလဢၼ်ဝႃႈၼၼ်ႉၶႂ်ႈပွင်ႇဝႃႈၽြႃးပဵၼ်ၸဝ်ႈဢၼ်မီးယူႇလူၺ်ႈၵၼ်တင်းႁဝ်း၊ဝႃႈၼင်ႇၼႆၼၼ်ႉဢေႃႈ။
၂၄ ယုဝ်းသႅပ်ႉၼၼ်ႉတိုၼ်ႇမႃးသေၵႃႈတီႈတၢင်းဢၼ်မၼ်းၼွၼ်းၽၼ်ၼၼ်ႉသေယဝ်ႉႁဵတ်းၸွမ်း ၸိူဝ်ႉၼင်ႇဢၼ်တမၢၼ်ႇၵၢင်ႁၢဝ်ထႃႇဝရႃႉၽြႃးသင်ႇလၢတ်ႈဝႆႉၼၼ်ႉလႄႈမၼ်းၸင်ႇသိမ်းဢဝ်မႃႇရိႁႂ်ႈလႆႈပဵၼ်မေးမၼ်းဢေႃႈ။
၂၅ ၼႂ်းဝႃႈၼၼ်သေၵေႃႈၸူဝ်ႈဢၼ်ယင်းဢမ်ႇပႆႇလႆႈၵိူတ်ႇလဵင်ႉမႃးလုၵ်ႈႁူဝ်သၢဝ်ၼၼ်ႉမၼ်းယင်း ဢမ်ႇတိူဝ်ႉဢမ်ႇထုၵ်ႇမေးမၼ်းလႄႈယူႇဢေႃႈ။လုၵ်ႈၸၢႆးဢၼ်ၵိူတ်ႇလဵင်ႉမႃးၼၼ်ႉၵေႃႈ ႁွင်ႉ ႁိၵ်ႈၸိုဝ်ဝႃႈယေႇသု၊ဝႃႈၼႆဢေႃႈ။