၃
၁ ဝဵင်းဢၼ်ၸၢင်ႊႁဵတ်းၶတ်းႁဵတ်းတႃႉလႄႈ ၵူဝ်ႈၵိူၵ်ႇယူႇသေလႄႈ ၼိၵ်ႈၸၢၵ်ႈငႅၼ်းသေးၼၼ်ႉမီးဢႃႉမင်ႇၵ လႃႇဢေႃႈ။
၂ မၼ်းဢမ်ႇထွမ်ႇဢဝ်ၼုၵ်ႈၵပၢတ်ႈၸဝ်ႈ။ဢမ်ႇၶၢမ်ႇဢဝ်တၢင်းဢၼ် သင်ႇသွၼ်သုင်းမႃႉၸဝ်ႈ။ဢမ်ႇသွၼ်ႈပိုင်ႈထႃႇဝရႃႉၽြႃး။ဢမ်ႇသုတ်ႉၸပ်းသုတ်ႉ ၸူးၵႃႈတီႈၽြႃးပဵၼ်ၸဝ်ႈမၼ်းလႃးလႃး။
၃ ၶုၼ်ၵႃႈၼႂ်းၵၢင်မၼ်းၸိူဝ်းၼၼ်ႉ ပဵၼ်သၢင်ႇသီႈဢၼ်ႁွင်ႉၶင်းယူႇလႄႈ ၵူၼ်းဢၼ်ၸီႇယၢင်ႇတြႃးမၼ်းၸိူဝ်းၼၼ်ႉပဵၼ်မႃထိူၼ်ႇ ဢၼ်ၸၢင်ႊလႄႇယူႇၶိင်ႇၵၢင်ၶိုၼ်းဢေႃႈ။ၶဝ်ဢွၼ်ၵၼ်ၶူပ်းၵိၼ်လုပ်ႇၵိၼ်လၢဝ်ႈလႄႈ ဢမ်ႇဝႆႉ ၵိုတ်းဝႆႉၵျၢၼ်ႇတေႃႇထိုင်ႁွတ်ႈၶိင်ႇၵၢင်ၼႂ်။
၄ ပရေႃးၽႅတ်ႈမၼ်းၸိူဝ်းၼၼ်ႉပဵၼ်ၵေႃႉဢၼ်မဝ်မၢင်၊ၵေႃႉဢၼ်သႅတ်ႉၸႃႇလူႉလႄႈ ယိတ်ႉပရေႃးႁိၵ်ႈမၼ်းၸိူဝ်းၼၼ်ႉႁဵတ်းႁႂ်ႈထႃႇၼႃႉတီႈမူတ်းၸၢင်ႇၸဝ်ႈ ၵူဝ်ႈၵိူၵ်ႇလႄႈ ၶျႃးတြႃးၸဝ်ႈတူၵ်းတီႈတႅမ်ႇဢေႃႈ။
၅ ၵူၺ်းၵႃႈထႃႇဝရႃႉၽြႃးႁဵတ်းၸွမ်းၼင်ႇတြႃးၵႃႈၼႂ်းၵၢင်မၼ်းလႄႈမၼ်းၸဝ်ႈ ဢမ်ႇႁဵတ်းလွင်ႈတၢင်းဢၼ်ဢမ်ႇတြႃး။ၼႂ်ၼိုင်ႈယဝ်ႉၼႂ်ၼိုင်ႈမၼ်းၸဝ်ႈ ၽုၺ်ႇဢွၵ်ႇၼႄပျႃႉလွင်ႈတၢင်းဢၼ် မၼ်းၸဝ်ႈသိုဝ်ႈတေႃႇၼၼ်ႉလႄႈဢမ်ႇပိူင်ႈၵႂႃႇလွႆးၵႂႃႇလႃးလႃး။ၼႂ်းဝႃႈၼၼ်သေၵေႃႈၶဝ်ၸိူဝ်းဢၼ်ႁၢႆႉဢၼ်မိူၵ်ႈၼၼ်ႉ ဢမ်ႇမီးတၢင်းဢၼ် ဢူၵ်းဢၼ်ဢၢႆ။
၆ ၵဝ်ပႄႇတႅပ်းၵူၼ်းၵူႈၸိူဝ်ႉၵူႈမဵဝ်းပႅတ်ႈလႄႈ တိူၵ်ႈတီႈတိုၵ်းသိုၵ်းၶဝ် ပဵၼ်တီႈဢၼ်သိတ်ႇၵူၼ်းယဵၼ်ၵူၼ်းၵႂႃႇယဝ်ႉယဝ်ႉ။ၵဝ်ႁႂ်ႈသဵၼ်ႈတၢင်းၶဝ်ပဵၼ်ဢၼ်ပဝ်ႇဢၼ်လၢပ်ႈၵႂႃႈ ႁႂ်ႈၽူႈ လႂ်ထၢၼ်ႈပေႃးဢမ်ႇၵႂႃႇဢမ်ႇမႃးယဝ်ႉယဝ်ႉ။ဝဵင်းၶဝ်ၸိူဝ်းၼၼ်ႉလူႉလႅဝ်ၵႂႃႇထၼ်ႈပေႃးဢမ်ႇမီးၵူၼ်းသေၵေႃႉသေၵူၼ်း၊ ဢမ်ႇ မီးၵေႃႉဢၼ်ယူႇဢၼ်သဝ်းလႃးလႃးယဝ်ႉ။
၇ မိူဝ်ႈၼၼ်ႉၵဝ်လၢတ်ႈလႄႈဝႃႈ၊-မႂ်းတၵ်းၵူဝ်ႁႄၵဝ်ဢမၢၼ်ႇၶၢၼ်ပဵၼ်လႄႈ ၶၢမ်ႇဢဝ်ၼႄးတၢင်းဢၼ်ၵဝ်သင်ႇသွၼ်သုင်းမႃႉမႂ်းၼၼ်ႉထၢၼ်ႈပေႃး တီႈဢၼ်မၼ်းယူႇမၼ်းသဝ်းတၵ်းလႆႈၶၢမ်ႇတၢင်းဢၼ် ပႄႇၽဵဝ်ႈပႅတ်ႈၸွမ်းၵႃႈၼင်ႇဢၼ် ၶဝ်ၸီႇယၢင်ႇၶၢၼ်းဝႆႉလူၺ်ႈလွင်ႈမၼ်းၼၼ်ႉဢေႃႈ။ပိၵ်ႉသမ်ႉဝႃႈၼင်ႇၼႆသေၵေႃႈၶဝ်ၼၼ်ႉဢွၼ်ၵၼ်လုၵ်ႉၵၢင်ၼႂ် ၸဵမ်ၸဝ်ႉၸဵမ်ၸဵဝ်းသေလႄႈၵမ်ၵျၢင်ႉတၢင်းၵမ်တၢင်းၵျၢင်ႉ ဢၼ်ၽိတ်းဢၼ်ပိူင်ႈ ၵူၺ်းဢေႃႈ။
၈ ၼႂ်းဝႃႈၼၼ်သေၵေႃႈထႃႇဝရႃႉၽြႃးမီးဢမိင်ႉၸမ်း၊-ဢွၼ်ၵၼ်ပႂ်ႉထႃႈၵဝ်ယူႇတေႃႇထိုင်ႁွတ်ႈမိူဝ်ႉဝၼ်းဢၼ် ၵဝ်လုၵ်ႉႁႂ်ႈလႆႈတီႉၵမ်ႁိမ်ဢဝ်ၼၼ်ႉတႃႉ။ၵဝ်ဝႆႉၸႂ်ၶျႃးၸႂ်တၵ်းႁႂ်ႈၵူၼ်းၵူႈၸိူဝ်ႉၵူႈမဵဝ်း ၸူႉၵၼ်တုမ်ၵၼ်လႄႈ ႁႂ်ႈၵူႈသိုင်ႇၵူႈမိူင်းၸူႉၵၼ်ၶွၼ်ႈၵၼ်ႁႂ်ႈလႆႈဢဝ်တေႃးသႃႉၵဝ်၊ ဢၢႆႁႅင်းတၢင်းၸႂ်မႆႈၶႆႈၸႃႉၵဝ်တင်းသဵင်ႈတင်းမူတ်းသွၼ်းလေႃႇထွၵ်ႇသႂ်ႇၵႃႈၼိူဝ်ၵဝ်ဢေႃႈ။ၼႃႈလိၼ်တၢင်းၼႃႈတၵ်းလႆႈၶၢမ်ႇတၢင်းဢၼ်ၽႆးတေႃးသႃႉၵဝ်မႆႈပႅတ်ႈဢေႃႈ။
တၢင်းဢၼ်ၶိုၼ်းၼုၵ်ႉဢဝ်ၶိူဝ်းဢိသရေႇလ
၉ မိူဝ်ႈၼၼ်ႉ ၵဝ်တၵ်းဢဝ်ၵႂၢမ်းၽႃႇသႃႇဢၼ်မူတ်းလီသႂ်လီၼၼ်ႉၶိုၼ်းပၼ်တီႈမဵဝ်းၵူၼ်းတင်းလၢႆႁႂ်ႈၶဝ်တင်းသဵင်ႈတင်းလူင်မီးဢၶႂၢင်ႉဢၼ်လႆႈႁဵတ်းပထၼႃႇတီႈၼႃႇမႃႉ ၸိုဝ်သဵင်ထႃႇဝရႃႉၽြႃးလႄႈ ၽွမ်ႉ ၵၼ်ပွင်ႁဵတ်းဢမူႉမၼ်းၸဝ်ႈဢေႃႈ။
၁၀ ၶဝ်ၸိူဝ်းဢၼ်တွင်းပၢၼ်ႇၵဝ်၊ လုၵ်ႈယိင်းၵူၼ်းမဵဝ်းၵဝ်ဢၼ်ၽၢတ်ႇၽႄၵၼ်ၵႂႃႇယူႇၵူႈတီႈၵူႈလႅၼ်ၼၼ်ႉ တၵ်းဢွၼ်ၵၼ်လုၵ်ႉသေၵႃႈတီႈၽၢႆႇပုၼ်ႉၼမ်ႉႁွင်ႊမိူင်းၵုသ ၸိူဝ်းၼၼ်ႉသေလႄႈ မႃးဢဝ်ၶိူင်ႈပုၵ်ႉၸေႃႇပုၼ်ႈၵဝ်မႃးဢေႃႈ။
၁၁ ၼႂ်းမိူဝ်ႉဝၼ်းၼၼ်ႉၵွပ်ႈပိူဝ်ႈဢၼ်မႂ်းဢမ်ႇမီးတၢင်းဢၼ်ဢူၵ်းဢၼ်ဢၢႆ လူၺ်ႈလွင်ႈဢပျႅတ်ႈၵႃႈဢၼ်မႂ်းၽိတ်းပိူင်ႈၵဝ်ၼၼ်ႉလႄႈ ၵဝ်တၵ်းပႄႇဢဝ်ၶဝ်ၸိူဝ်းဢၼ်ဢုပ်ႇဢၢတ်ႇ ၵွပ်ႈပိူဝ်ႈၵုင်ႇသရေႇမႂ်းၼၼ်ႉဢွၵ်ႇသေၵႃႈတီႈၼႂ်းၵၢင်မႂ်းဢေႃႈ။မႂ်းၵေႃႈၵမ်းလိုၼ်းဢမ်ႇလႆႈႁဵတ်းတၢင်းဢၼ်မႃႉ ၼႃႉပူၵ်းပႅၼ်ယူႇၵႃႈလွႆႈဢၼ် မူတ်းၸၢင်ႇၵဝ်ၼၼ်ႉ။
၁၂ ၵဝ်တၵ်းဢဝ်မဵဝ်းၵူၼ်းဢၼ်တႅမ်ႇယေႃႈလႄႈယၢၵ်ႈၽၢၼ်ၼၼ်ႉ ဝႆႉၵိုတ်းဝႆႉၵျၢၼ်ႇၵႃႈၼႂ်းၵၢင်မႂ်းလႄႈၶဝ်ၼၼ်ႉ တၵ်းဢွၼ်ၵၼ်သွၼ်ႈပိုင်ႈၼႃႇမႃႉၸိုဝ်ႈသဵင်ထႃႇဝရႃႉၽြႃးဢေႃႈ။
၁၃ ၵူၼ်းမဵဝ်းဢိသရေႇလ ဢၼ်ယင်းၵိုတ်းယင်းၵျၢၼ်ႇၸိူဝ်းၼၼ်ႉဢမ်ႇလႆႈႁဵတ်းလွင်ႈတၢင်းဢၼ်ဢမ်ႇတြႃး။ဢမ်ႇလႆႈလၢတ်ႈမူႉသႃႇ။ၵႃႈၼႂ်းသူပ်းၶဝ်ၼၼ်ႉဢမ်ႇလႆႈမီးလိၼ်ႉဢၼ်ပႅတ်ႉဢၼ်လႅၼ်။ၶဝ်ၼၼ်ႉတၵ်းလႆႈဢွၼ်ၵၼ်ၵိၼ်ၶူပ်းယူႇ၊ၼွၼ်းယူႇလႄႈ ၽူႈ လႂ်ဢမ်ႇႁႂ်ႈၶဝ်လႆႈၵူဝ်လႆႈႁႄလႃးလႃး။
၁၄ လုၵ်ႈယိင်းၸိဢုၼ်ႇဢိူၺ်း။ႁဵတ်းၵႂၢမ်းတႃႉ။မဵဝ်းဢိသရေႇလဢိူၺ်း။ႁွင်ႉပၢဝ်ႇႁွင်ႉလၢတ်ႈတႃႉ။လုၵ်ႈယိင်းယေႇရုသလႅမ်ႇဢိူၺ်း။ပႃးတင်းႁူဝ်ၸႂ်သဵင်ႈသဵင်ႈသေလႄႈ ၸူမ်းသိူဝ်းသႂၢင်ႇၸႂ်တႃႉ။
၁၅ ထႃႇဝရႃႉၽြႃးၼၼ်ႉႁႂ်ႈဢပျႅတ်ႈတၢမ်ႇမႂ်းထၢတ်ႇယဵၼ်ႇႁၢႆလၢႆလႄႈ ပေႉရၢၼ်ႇသူႇမႂ်းတင်းလၢႆပႅတ်ႈ ယဝ်ႉ။ၶုၼ်ႁေႃၶမ်းမဵဝ်းဢိသရေႇလဢၼ်ဝႃႈထႃႇဝရႃႉၽြႃးၼၼ်ႉ မီးယူႇၵႃႈၼႂ်းၵၢင်မႂ်းလႄႈ ၵမ်းလိုၼ်း မႂ်းဢမ်ႇလႆႈႁူပ်ႉလႆႈထူပ်းၽေးဢူး ပၢတ်ႈ။
၁၆ ၼႂ်းမိူဝ်ႉဝၼ်းၼၼ်ႉတၵ်းလၢတ်ႈတီႈဝဵင်းယေႇရုသလႅမ်ႇလႄႈဝႃႈ၊-ယႃႇပေမႆႈၸႂ်ၶီၸႂ်။ဝႃႈၼင်ႇၼႆလႄႈ၊လၢတ်ႈတီႈလွႆၸိဢုၼ်ႇလႄႈဝႃႈ၊ ယႃႇပေႁႂ်ႈႁႅင်းမိုဝ်းမႂ်းလႆႈဢူၼ်ႈလႃးလႃးဝႃႈၼင်ႇၼႆဢေႃႈ။
၁၇ ထႃႇဝရႃႉၽြႃးၽြႃးပဵၼ်ၸဝ်ႈ မီးယူႇၵႃႈၼႂ်းၵၢင်မႂ်းလႄႈ ၽြႃးဢၼ်မီးတၼ်းၶူဝ်းၼၼ်ႉတၵ်းၵႄႇသႄႇၶျွတ်ႈဢဝ်မႂ်းဢေႃႈ။မၼ်းၸဝ်ႈတၵ်းၶိုတ်းၸႂ်ပဵင်းၸႂ်သေလႄႈၸူမ်း သိူဝ်းလူၺ်ႈလွင်ႈမႂ်းဢေႃႈ။မၼ်းၸဝ်ႈ
တၵ်းၵိင်းဝပ်ႈယူႇ ၵႃႈၼႂ်းတၢင်းႁၵ်ႉမႅတ်ႉတႃႇမၼ်းၸဝ်ႈလႄႈ ပႃးတင်းတၢင်းဢၼ်ႁဵတ်းၵႂၢမ်းသေလႄႈၸူမ်းသိူဝ်းလူၺ်ႈလွင်ႈမႂ်းဢေႃႈ။
၁၈ ၵဝ်တၵ်းႁႂ်ႈၶဝ်ၸိူဝ်းဢၼ်ၸဵပ်းၸႂ်လႄႈ ဢမ်ႇလႆႈၶၢမ်ႇပွႆးထမ်ႇမႃႉဢၼ်ဝႃႈၶဝ်ၸိူဝ်းဢၼ်ပႃးၵႃႈၼႂ်းမႂ်းလႄႈ ႁၢပ်ႇၶူဝ်းႁၢပ်ႇတၢင်းဢၼ်သေႉသွမ်းၸိူဝ်းၼၼ်ႉၸူႉၵၼ်တုမ်ၵၼ်ဢေႃႈ။
၁၉ တူၺ်းလူ။ၶိင်ႇမိူဝ်ႈၼၼ်ႉၵဝ်တၵ်းၸီႇယၢင်ႇၶဝ်ၵႃႈဢၼ်ၼိၵ်ႈၸၢၵ်ႈငႅၼ်းသေးမႂ်းၼၼ်ႉဢေႃႈ။ၵဝ်တၵ်းပၼ်ၵတ်းယဵၼ်ၶျၢမ်းသႃႇ တီႈၶဝ်ၸိူဝ်းဢၼ်မီးတၢင်းၶႆႈတၢင်းပဵၼ်ၼၼ်ႉလႄႈ ႁႂ်ႈၶဝ်ၸိူဝ်းဢၼ်လႆႈၶၢမ်ႇတၢင်းဢၼ်ႁေႃႈဢွၵ်ႇပႅတ်ႈၼၼ်ႉ ၸူႉၵၼ်တုမ်ၵၼ်ဢေႃႈ။ၵဝ်တၵ်းပၼ်မူၼ်သရေႇတၢင်းဢၼ်ယွင်ႈယေႃးဢိၵ်ႇတင်း ၼႃႇမႃႉၸိုဝ်သဵင်တီႈၶဝ်ၸိူဝ်းဢၼ်လႆႈ ၶၢမ်ႇတၢင်းဢၼ်ဢူၵ်းဢၢႆၵႃႈၼိူဝ်လိၼ်မိူင်းတင်းသဵင်ႈတင်းမူတ်းၼၼ်ႉဢေႃႈ။
၂၀ ၼႂ်းၶိင်ႇမိူဝ်ႈၼၼ်ႉၵဝ်တၵ်းသမ်ႉၶိုၼ်းဢဝ်သူမႃးလႄႈ ႁႂ်ႈသူၸူႉၵၼ်တုမ်ၵၼ်သေယဝ်ႉ၊မိူဝ်ႈဢၼ်ၵဝ်သမ်ႉၶိုၼ်း ဢဝ်ၶဝ်ၸိူဝ်းဢၼ်လႆႈၶၢမ်ႇ တၢင်းဢၼ်သိမ်းဢဝ်ၵႂႃႇၼၼ်ႉၶိုၼ်းမႃးသိုဝ်ႈၼႃႈတႂ်ႈတႃမႂ်းၼၼ်ႉၸိုင်ၵဝ်တၵ်းပၼ်မူၼ်သရေႇတၢင်းဢၼ်ယွင်ႈယေႃး ဢိၵ်ႇတင်းၼႃႇမႃႉၸိုဝ်သဵင်ၵႃႈၼႂ်းၵူၼ်းလိၼ်မိူင်းၵူႈၸိူဝ်ႉၵူႈမဵဝ်းၼၼ်ႉဢေႃႈ၊ ဝႃႈၼင်ႇၼႆထႃႇဝရႃႉၽြႃးမီးဢမိင်ႉဢေႃႈ။