၅
တၢင်းယုမ်ႇမၢတ်ႈၼႂ်းလုၵ်ႈၸဝ်ႈ
၁ ၵေႃႉဢၼ်ယုမ်ႇမၢတ်ႈလႄႈဝႃႈ၊-ၸဝ်ႈယေႇသုပဵၼ်ၸဝ်ႈၶရိၸ်ႉဢေႃႈ၊ဝႃႈၼင်ႇၼႆၼၼ်ႉပဵၼ်ၵေႃႉဢၼ်ၵိူတ်ႇပဵၼ်မႃးၼႂ်းၽြႃးပဵၼ်ၸဝ်ႈဢေႃႈ။ၵေႃႉဢၼ်ႁၵ်ႉပေႃႈၽြႃးပဵၼ်ၸဝ်ႈၼၼ်ႉႁၵ်ႉၵေႃႉဢၼ်ၵိူတ်ႇပဵၼ်မႃးၼႂ်းၽႆးၽြႃးပဵၼ်ၸဝ်ႈၼၼ်ႉဢေႃႈ။
၂ ပေႃးႁဝ်းႁၵ်ႉၽြႃးပဵၼ်ၸဝ်ႈလႄႈပႂ်ႉၵမ်ပႂ်ႉၸွမ်းပိင်းၺၢပ်ႈမၼ်းၸဝ်ႈတင်းလၢႆၸိုင်ႁဝ်းႁူႉလွင်ႈဢၼ်ႁဝ်းႁၵ်ႉလုၵ်ႈၽြႃးပဵၼ်ၸဝ်ႈတင်းလၢႆၼၼ်ႉယူႇဢေႃႈ။
၃ တၢင်းဢၼ်ပႂ်ႉၵမ်ပႂ်ႉၸွမ်းပိင်းၺၢပ်ႈၸဝ်ႈၸိူဝ်းၼၼ်ႉပဵၼ်တၢင်းဢၼ်ႁၵ်ႉၽြႃးပဵၼ်ၸဝ်ႈဢေႃႈ။ပိင်းၺၢပ်ႈမၼ်းၸဝ်ႈၸိူဝ်းၼၼ်ႉၸမ်းၵမ်ယၢပ်ႇၸွမ်းယၢပ်ႇဢမ်ႇၸႂ်ႈ။
၄ ၵေႃႉဢၼ်ၵိူတ်ႇပဵၼ်မႃးၼႂ်းၽြႃးပဵၼ်ၸဝ်ႈၼၼ်ႉၸၢင်ႊပႄႉၼႅင်ႇလေႃးၵႃႉၼႆႉဢေႃႈ။
၅ လွင်ႈတၢင်းဢၼ်ပႄႉၼႅင်ႇလေႃးၵႃႉၼႆႉၸမ်းပဵၼ်တၢင်းယုမ်ႇမၢတ်ႈႁဝ်းၼၼ်ႉဢေႃႈ။လိူဝ်သေၵေႃႉဢၼ်ယုမ်ႇမၢတ်ႈလွင်ႈဢၼ်ဝႃႈၸဝ်ႈယေႇသုပဵၼ်လုၵ်ႈၽြႃးပဵၼ်ၸဝ်ႈၼၼ်ႉၽူႈလႂ်တၵ်းပႄႉၼႅင်ႇလေႃးၵႃႉၼႆႉလႆႈ။
၆ ၸဝ်ႈၼၼ်ႉၸမ်းပဵၼ်ၸဝ်ႈဢၼ်မႃးလူၺ်ႈၼမ်ႉလူၺ်ႈလိူတ်ႈဢၼ်ပဵၼ်ၸဝ်ႈယေႇသုၶရိၸ်ႉၼၼ်ႉဢေႃႈ။မႃးလူၺ်ႈၼမ်ႉၵူၺ်းဢမ်ႇၸႂ်ႈ။မႃးလူၺ်ႈၼမ်ႉဢိၵ်ႇတင်းလိူတ်ႈဢေႃႈ။ဝိၺိၺ်ႇမူတ်းၸၢင်ႇၸဝ်ႈၵေႃႈၶၢမ်ႇသၢၵ်ႈသေႇဝႆႉၵွပ်ႈပိူဝ်ႈဝိၺိၺ်ႇမူတ်းၸၢင်ႇၸဝ်ႈပဵၼ်သမ်ႇမႃႇတြႃးၼၼ်ႉဢေႃႈ။
၇ မီးတၢင်းဢၼ်ၶၢမ်ႇသၢၵ်ႈသေႇသၢမ်ပႃးဢၼ်ပဵၼ်ဝိၺိၺ်ႇမူတ်းၸၢင်ႇၸဝ်ႈပႃးၼိုင်ႈ၊ၼမ်ႉပႃးၼိုင်ႈ၊လိူတ်ႈပႃးၼိုင်ႈလႄႈ၊သၢမ်ပႃးၼႆႉပဵၼ်ဢၼ်လဵဝ်ၵၼ်ဢေႃႈ။
၈ ပေႃးႁဝ်းယုမ်ႇသၢၵ်ႈသေႇၵူၼ်းလႆႈၸိုင်သၢၵ်ႈသေႇၽြႃးပဵၼ်ၸဝ်ႈၼၼ်ႉပဵၼ်လွင်ႈတၢင်းဢၼ်ယဵင်ႈၶႅၼ်းယုမ်ႇလႆႈဢေႃႈ။
၉ သၢၵ်ႈသေႇၼၼ်ႉပဵၼ်လွင်ႈဢၼ်ၽြႃးပဵၼ်ၸဝ်ႈၶၢမ်ႇသၢၵ်ႈသေႇလူၺ်ႈလွင်ႈလုၵ်ႈမၼ်းၸဝ်ႈၼၼ်ႉဢေႃႈ။
၁၀ ၵေႃႉဢၼ်ယုမ်ႇမၢတ်ႈလုၵ်ႈၽြႃးပဵၼ်ၸဝ်ႈၼၼ်ႉလႆႈသၢၵ်ႈသေႇၵႃႈၼႂ်းႁူဝ်ၸႂ်မၼ်းဢေႃႈ။ၵေႃႉဢၼ်ဢမ်ႇယုမ်ႇမၢတ်ႈၼၼ်ႉပဵၼ်ၵေႃႉဢၼ်ႁဵတ်းႁႂ်ႈၽြႃးပဵၼ်ၸဝ်ႈလႆႈပဵၼ်ၵေႃႉဢၼ်လၢတ်ႈၵႂၢမ်းမူႉသႃႇၵႂႃႇယဝ်ႉ။လွင်ႈမၼ်းၸမ်းၵွပ်ႈပိူဝ်ႈမၼ်းဢမ်ႇယုမ်ႇၵႂၢမ်းဢၼ်ၽြႃးပဵၼ်ၸဝ်ႈၶၢမ်ႇသၢၵ်ႈသေႇလူၺ်ႈလွင်ႈလုၵ်ႈမၼ်းၸဝ်ႈၼၼ်ႉဢေႃႈ။
၁၁ သၢၵ်ႈသေႇၼၼ်ႉၸမ်းပဵၼ်လွင်ႈဢၼ်ဝႃႈၽြႃးပဵၼ်ၸဝ်ႈပၼ်ထႃႇဝရႃႉဢသၢၵ်ႈတီႈႁဝ်းလႄႈဢသၢၵ်ႈၼၼ်ႉမီးၼႂ်းလုၵ်ႈမၼ်းၸဝ်ႈၼၼ်ႉဢေႃႈ။
၁၂ ၵေႃႉဢၼ်လႆႈလုၵ်ႈၸဝ်ႈၼၼ်ႉလႆႈဢသၢၵ်ႈဢေႃႈ။ၵေႃႉဢၼ်ဢမ်ႇလႆႈလုၵ်ႈၸဝ်ႈၼၼ်ႉဢမ်ႇလႆႈဢသၢၵ်ႈ။
ၵႂၢမ်းၶေႃႈသုတ်း
၁၃ ၵဝ်တႅမ်ႈလွင်ႈတၢင်းၸိူဝ်းၼႆႉသေလႄႈပၼ်ၵႂႃႇတီႈသူၸိူဝ်းဢၼ်ယုမ်ႇမၢတ်ႈလုၵ်ႈၽြႃးပဵၼ်ၸဝ်ႈၼၼ်ႉႁႂ်ႈသူလႆႈႁူႉလွင်ႈဢၼ်တူဝ်ၸဝ်ႈၵဝ်ႇလႆႈထႃႇဝရႃႉဢသၢၵ်ႈၼၼ်ႉဢေႃႈ။
၁၄ လွင်ႈတၢင်းဢၼ်ႁဝ်းလႆႈတမ်းၸႂ်ၵႃႈတီႈၽြႃးပဵၼ်ၸဝ်ႈၸမ်းပေႃးႁဝ်းယွၼ်းသူးသေၸိူဝ်ႉသေပိူင်မႅၼ်ႈၸွမ်းၼင်ႇဢလူဝ်ႇမၼ်းၸဝ်ႈၸိုင်မၼ်းၸဝ်ႈထွမ်ႇဢဝ်ဢေႃႈ။
၁၅ ပေႃးႁဝ်းႁူႉလွင်ႈဢၼ်မၼ်းၸဝ်ႈထွမ်ႇဢဝ်ၵႂၢမ်းၵႃႈဢၼ်ႁဝ်းသူးတွင်းၼၼ်ႉၸိုင်ႁဝ်းႁူႉလွင်ႈဢၼ်ႁဝ်းတၵ်းလႆႈသူးဢၼ်ႁဝ်းယွၼ်းၵႃႈတီႈမၼ်းၸဝ်ႈၼၼ်ႉယူႇဢေႃႈ။
၁၆ ပေႃးသေၵေႃႉသေၵူၼ်းႁၼ်ပီႈၼွင်ႉသေၵေႃႉၵေႃႉႁဵတ်းဢပျႅတ်ႈဢၼ်ဢမ်ႇထိူၵ်ႈၶၢမ်ႇတၢင်းတၢႆၸိုင်မၼ်းတၵ်းလႆႈသူးတွင်းႁႂ်ႈၽြႃးပဵၼ်ၸဝ်ႈတၵ်းပၼ်ဢသၢၵ်ႈတီႈမၼ်းဢေႃႈ။မီးဢပျႅတ်ႈဢၼ်ထိူၵ်ႈၶၢမ်ႇတၢင်းတၢႆၼၼ်ႉယူႇဢေႃႈ။
၁၇ ၵဝ်ဢမ်ႇဝႃႈတၵ်းလႆႈသူးတွင်းပုၼ်ႈၶဝ်ၸိူဝ်းဢၼ်ႁဵတ်းဢပျႅတ်ႈၼၼ်ႉ။လွင်ႈတၢင်းဢၼ်ဢမ်ႇတြႃးၼၼ်ႉပဵၼ်ဢပျႅတ်ႈဢေႃႈ။ၼႂ်းဝႃႈၼၼ်သေၵေႃႈဢပျႅတ်ႈဢၼ်ဢမ်ႇထိူၵ်ႈၶၢမ်ႇတၢင်းတၢႆၵေႃႈမီးယူႇဢေႃႈ။
၁၈ ႁဝ်းႁူႉလွင်ႈဢၼ်ၶဝ်ၸိူဝ်းဢၼ်ၵိူတ်ႇပဵၼ်ၼႂ်းၽြႃးပဵၼ်ၸဝ်ႈၼၼ်ႉဢမ်ႇသိုပ်ႇႁဵတ်းဢပျႅတ်ႈ။ၵေႃႉဢၼ်ၵိူတ်ႇပဵၼ်မႃးၼႂ်းၽြႃးပဵၼ်ၸဝ်ႈၼၼ်ႉပႂ်ႉထိင်းတူဝ်မၼ်းယူႇလႄႈၸႃႇတၢၼ်ႇမႃႇၼၢတ်ႈဢမ်ႇတိူဝ်ႉဢမ်ႇယိပ်းမၼ်းလႆႈ။
၁၉ ႁဝ်းႁူႉလွင်ႈဢၼ်ႁဝ်းပဵၼ်လုၵ်ႈလၢင်းၽြႃးပဵၼ်ၸဝ်ႈလႄႈလေႃးၵႃႉၼႆႉတင်းသဵင်ႈတင်းလူင်မီးၼႂ်းမိုဝ်းၸႃႇတၢၼ်ႇမႃႇၼၢတ်ႈၼၼ်ႉဢေႃႈ။
၂၀ ႁဝ်းႁူႉလွင်ႈဢၼ်လုၵ်ႈၽြႃးပဵၼ်ၸဝ်ႈၵျွႃးမႃးလႄႈပၼ်ၺၢၼ်ႇဢၼ်ႁူႉၸၵ်းၽြႃးပဵၼ်ၸဝ်ႈဢၼ်ၸိုဝ်ႈဢၼ်ၸႂ်ႈၼၼ်ႉတီႈႁဝ်းဢေႃႈ။ႁဝ်းတႄႇယူႇၼႂ်းၸဝ်ႈဢၼ်ၸႅတ်ႈဢၼ်မၢၼ်ႇၼႂ်းလုၵ်ႈၸဝ်ႈၸဝ်ႈယေႇသုၶရိၸ်ႉၼၼ်ႉဢေႃႈ။ၸဝ်ႈၼၼ်ႉပဵၼ်ၽြႃးပဵၼ်ၸဝ်ႈဢၼ်ၸႅတ်ႈဢၼ်မၢၼ်ႇဢေႃႈ။ထႃႇဝရႃႉဢသၢၵ်ႈၵေႃႈပဵၼ်ဢေႃႈ။
လုၵ်ႈလၢင်းဢၼ်ၵဝ်ႁၵ်ႉၶဝ်ဢိူၺ်း၊ဝေႈပႅတ်ႈရူၵ်ႈထူႉသၢင်းထူႉတင်းလၢႆတႃႉ။