၄
ၵူၼ်းယုမ်ႇမၢတ်ႈမိူဝ်ႈတီႈသုတ်းတီႈၵွႆ
၁ ၵွပ်ႈပိူဝ်ႈဢၼ်ၸဝ်ႈၶရိၸ်ႉၶၢမ်ႇၼႂ်းတူဝ်ၶၼ်ႇထႃႇၸိူဝ်ႉၼင်ႇၼၼ်ပုၼ်ႈႁဝ်းလႄႈသူၵေႃႈဢဝ်သၽေႃးၸိူဝ်ႉၼင်ႇၼၼ်သေလႄႈသုင်းတိုဝ်းၸိူဝ်ႉၼင်ႇလၢၵ်ႈၼၢၵ်ႈတႃႉ။
၂ ၵွပ်ႈပိူဝ်ႈလွင်ႈၸိူဝ်ႉၼင်ႇၼၼ်လႄႈမၼ်းၸဝ်ႈယင်းဢမ်ႇဢသၢၵ်ႈလိပ်းၸွမ်းၼင်ႇဢလူဝ်ႇၵူၼ်းဢၼ်ႁၢႆႉမိူၵ်ႈၼၼ်ႉလႄႈဢသၢၵ်ႈလိပ်းၸွမ်းၼင်ႇဢလူဝ်ႇၽြႃးပဵၼ်ၸဝ်ႈၼၼ်ႉၵူၺ်းဢေႃႈ။
၃ သူယင်းလႆႈႁဵတ်းၸွမ်းၸိူဝ်ႉၼင်ႇၵူၼ်းသႃႇသၼႃႇပႃႉတင်းလၢႆႁဵတ်းၼႂ်းၵီႉလေႇသႃႇတၢင်းဢၼ်ၵူဝ်ႈဢၼ်ၵိူၵ်ႇ၊တၢင်းဢၼ်ၸွႆးၸပ်းၵႃႇမႃႉ၊တၢင်းဢၼ်မဝ်းလဝ်ႈမဝ်းၵမ်လူၺ်ႈၼမ်ႉၸပိတ်ႉ၊တၢင်းဢၼ်ႁဵတ်းပွႆးႁဵတ်းလၢမ်းဢၼ်ၵူဝ်ႈၵိူၵ်ႇ၊တၢင်းဢၼ်ၵိၼ်ပူၼ်ႉၵိၼ်လိူဝ်၊တၢင်းဢၼ်ၵူဝ်းၵႂၢႆႇရူၵ်ႈထူႉသၢင်းထူႉဢၼ်လီႁင်ႈၸိူဝ်းၼၼ်ႉမႃးယဝ်ႉ။
၄ တေႃႈလဵဝ်ၼႆႉၶဝ်မီးတၢင်းဢၼ်ဢၢမ်းလွင်ႈဢၼ်သူဢမ်ႇသိူၵ်ႈသမ်ႇလူၺ်ႈၵၼ်တင်းၶဝ်လႄႈဢမ်ႇႁဵတ်းတၢင်းဢၼ်ပူၼ်ႉလိူဝ်ၵူဝ်ႈၵိူၵ်ႇၵႃႈၼႂ်းၵႃႇမၵုင်ႇၼၼ်ႉလႄႈၶဝ်သေႉသွမ်းယူႇဢေႃႈ။
၅ ၶဝ်ၼၼ်ႉတၵ်းလႆႈၶၢမ်ႇတၢင်းဢၼ်ၸီႇယၢင်ႇၸႅတ်ႈထၢမ်ၵႃႈတီႈၽၢႆႇၼႃႈၸဝ်ႈဢၼ်မႄးႁႅၼ်းဝႆႉႁႂ်ႈလႆႈၸီႇယၢင်ႇတြႃးတီႈၶဝ်ၸိူဝ်းဢၼ်ဢသၢၵ်ႈလိပ်းဢိၵ်ႇတင်းတီႈၶဝ်ၸိူဝ်းဢၼ်တၢႆၼၼ်ႉဢေႃႈ။
၆ ၵွပ်ႈပိူဝ်ႈလွင်ႈတၢင်းၼႆႉလႄႈတီႈၶဝ်ၸိူဝ်းဢၼ်တၢႆၼၼ်ႉၵေႃႈလႆႈႁေႃးလၢတ်ႈတြႃးသတၢင်းသိူဝ်းပျေႃႇႁႂ်ႈၶဝ်လႆႈၶၢမ်ႇတၢင်းဢၼ်ၸီႇယၢင်ႇဢပျႅတ်ႈလူၺ်ႈတူဝ်ၶၼ်ႇထႃႇၵႃႈတီႈၽၢႆႇၼႃႈၵူၼ်းတင်းလၢႆသေၵေႃႈႁႂ်ႈၶဝ်ဢသၢၵ်ႈလႆႈလိပ်းလူၺ်ႈၸႂ်ဝိၺိၺ်ႇၵႃႈတီႈၽၢႆႇၼႃႈၽြႃးပဵၼ်ၸဝ်ႈၼၼ်ႉဢေႃႈ။
၇ လွင်ႈတၢင်းၵႃႈမီးတင်းသဵင်ႈတင်းလူင်ၸမ်တၵ်းႁွတ်ႈထိုင်တီႈသုတ်းတီႈၵွႆဢေႃႈ။ပိူဝ်ႈၼႆလႄႈဢွၼ်ၵၼ်မီးသမ်ႇမႃႇသတိတႃႉ။
၈ ဢွၼ်ၵၼ်ပႂ်ႉယူႇႁႂ်ႈလႆႈသူးတွင်းတႃႉ။ၵေႃႉၼိုင်ႈလႄႈၵေႃႉၼိုင်ႈမီးတၢင်းႁၵ်ႉမႅတ်ႈတႃႇဢၼ်ယႂ်ႇၼႃႇတီႈၵၼ်လိူဝ်တွၼ်းသလွငေ်ႈတၢင်းတၢင်ႇၸိူဝ်ႉတၢင်ႇဢၼ်တႃႉ။
၉ တၢင်းႁၵ်ႉမႅတ်ႈတႃႇၸမ်းၸၢင်ႊႁူမ်ႇလူမ်ႈဢပျႅတ်ႈၼမ်ၼႃႇဢေႃႈ။ယင်းဢမ်ႇမီးတၢင်းဢၼ်ပွင်ႉဢၼ်မိုၼ်လႄႈၼင်ႇၵၼ်ၵၼ်ႁဵတ်းဝၢတ်ႈၶႅၵ်ႇတီႈၵၼ်တႃႉ။
၁၀ ၵႃႈၼင်ႇဢၼ်သူလႆႈၶၢမ်ႇဢဝ်သူႉၵျေးၸူးၸဝ်ႈႁင်းၽႂ်ႁင်းမၼ်းၼၼ်ႉၵေႃႉၼိုင်ႈလႄႈၵေႃႉၼိုင်ႈယိုၼ်ႈမႅင်ႇပၼ်ၵၼ်မိူၼ်ၸိူဝ်ႉၼင်ႇၽၼ်ႇတႃႇၸူဝ်းဢၼ်လီၽြႃးပဵၼ်ၸဝ်ႈဢၼ်မီးလၢႆၸိူဝ်ႉလၢႆပိူင်ၼၼ်ႉတႃႉ။
၁၁ လွင်ႈၼင်ႇႁိုဝ်ၽြႃးပဵၼ်ၸဝ်ႈတၵ်းႁႂ်ႈမူၼ်ၽုင်းၸဝ်ႈထၢင်ႇသႃးၵႃႈၼႂ်းလွင်ႈတၢင်းၵူႈၸိူဝ်ႉၵူႈပိူင်ၵွပ်ႈပိူဝ်ႈၸဝ်ႈယေႇသုၶရိၸ်ႉၸိုင်ႁႂ်ႈၵေႃႉဢၼ်ႁေႃးလၢတ်ႈၼၼ်ႉႁေႃးလၢတ်ႈမႅၼ်ႈၸွမ်းၼင်ႇပျႃႇတိၵ်ႈၽြႃးပဵၼ်ၸဝ်ႈတႃႉ။ႁႂ်ႈၵေႃႉဢၼ်ပွင်ႁဵတ်းၵၢၼ်ဢမူႉၼၼ်ႉပွင်ႁဵတ်းၵႃႈၼင်ႇတၢင်းႁူႉတၢင်းၸၢင်ႊဢၼ်ၽြႃးပဵၼ်ၸဝ်ႈဢိတ်းလူပၼ်ဝႆႉၼၼ်ႉတႃႉ။ႁႂ်ႈၽြႃးပဵၼ်ၸဝ်ႈၼၼ်ႉမီးမူၼ်သရေႇတၼ်းၶူဝ်းၵူႈၵမ်ႇၽႃႇသိုပ်ႇသိုပ်ႇတၢမ်ႈတၢမ်ႈသေၵမ်းလူၺ်ႈ။ဢႃႈမိၼ်ႈ။
တၢင်းဢၼ်ၵူၼ်းယုမ်ႇမၢတ်ႈလႆႈၶၢမ်ႇ
၁၂ ၵေႃႉဢၼ်ၵဝ်ႁၵ်ႉၶဝ်ဢိူၺ်း၊ယႃႇပေထၢင်ႇတၢင်းဢၼႆ်းၸႅတ်ႈထၢမ်ဢၼ်သူလႆႈၶၢမ်ႇပုၼ်ႈဢၼ်တၵ်းၸၢမ်းတူၺ်းသူၼၼ်ႉပဵၼ်လွင်ႈဢၼ်လီဢၢမ်းၼႃႇလႄႈမီးတၢင်းဢၼ်ဢၢမ်းၼႃႇလူင်လၢင်။
၁၃ ၵွပ်ႈပိူဝ်ႈဢၼ်သူလႆႈၶဝ်ႈပႃးၼႂ်းတင်းဢၼ်ၸဝ်ႈၶရိၸ်ႉလႆႈၶၢမ်ႇၼၼ်ႉလႄႈတေႃႈလဵဝ်ၼႆႉဢွၼ်ၵၼ်သိူဝ်းပျေႃႇႁႂ်ႈလႆႈသိူဝ်းပျေႃႇၸူမ်းၼႃႇၼႂ်းမိူဝ်ႈဢၼ်မူၼ်ၽုင်းမၼ်းၸဝ်ႈထၢင်ႇသႃးမႃးၼၼ်ႉတႃႉ။
၁၄ ပေႃးသူလႆႈၶၢမ်ႇတၢင်းဢၼ်သေႉသွမ်းၵွပ်ႈပိူဝ်ႈၼႃႇမႃႉၸိုဝ်သဵင်ၸဝ်ႈၶရိၸ်ႉၸိုင်သူမီးမင်ႇၵလႃႇဢေႃႈ။လွင်ႈမၼ်းၸမ်းဝိၺိၺ်ႇမူတ်းၸၢင်ႇၽြႃးပဵၼ်ၸဝ်ႈဢၼ်မူၼ်ၽုင်းယႂ်ႇၼႃႇၼၼ်ႉၵိင်းဝၢပ်ႈယူႇၵႃႈၼိူဝ်သူဢေႃႈ။တီႈၶဝ်ၸမ်းမၼ်းၸဝ်ႈမီးတၢင်းဢၼ်သေႉသွမ်းဢေႃႈ။
၁၅ တီႈသူၸမ်းမၼ်းၸဝ်ႈမီးတၢင်းဢၼ်ယုၵ်ႉယွင်ႈဢေႃႈ။ၼႂ်းသူၼၼ်ႉယႃႇႁႂ်ႈၽူႈလႂ်သေၵေႃႉသေၵူၼ်းလႆႈၶၢမ်ႇၵွပ်ႈပိူဝ်ႈဢပျႅတ်ႈဢၼ်ဢဝ်ဢသၢၵ်ႈၵူၼ်းတၢႆဢပျႅတ်ႈဢၼ်လၵ်ႉၶူဝ်းပိူၼ်ႈ၊ဢပျႅတ်ႈဢၼ်ႁဵတ်းတူႉၸရိူၵ်ႈဢပျႅတ်ႈဢၼ်လေႃးလႄးၼႂ်းဢမူႉပိူၼ်ႈၸိူဝ်းၼၼ်ႉ။
၁၆ ပေႃးလႆႈၶၢမ်ႇၵွပ်ႈပိူဝ်ႈဢၼ်ပဵၼ်ၶရိၸ်ႉယၢၼ်ႇၸိုင်ယႃႇပေႁႂ်ႈမီးတၢင်းဢၼ်လီဢူၵ်းလီဢၢႆ။ပေႃးလႆႈၶၢမ်ႇၵွပ်ႈပိူဝ်ႈလွင်ႈၼၼ်ႉၸိုင်ယွင်ႈယေႃးမူၼ်ၽြႃးပဵၼ်ၸဝ်ႈတႃႉ။
၁၇ ၶိင်ႇဢၼ်တၵ်းလႆႈၸႅတ်ႈထၢမ်ၸီႇယၢင်ႇၵူၼ်းႁိူၼ်းၵူၼ်းယေးၽြႃးပဵၼ်ၸဝ်ႈၼၼ်ႉမီးဝႆႉယဝ်ႉ။ပေႃးၸႅတ်ႈထၢမ်ၸီႇယၢင်ႇႁဝ်းဢွၼ်တၢင်းၸိုင်တီႈသုတ်းတီႈၵွႆၶဝ်ၸိူဝ်းဢၼ်ဢမ်ႇထွမ်ႇဢဝ်တြႃးသတၢင်းသိူဝ်းပျေႃႇၽြႃးပဵၼ်ၸဝ်ႈၼၼ်ႉယိင်ၶႅၼ်းတၵ်းပဵၼ်ၸိူဝ်ႉၼင်ႇႁိုဝ်။
၁၈ ပေႃးၵေႃႉဢၼ်သိုဝ်ႈတေႃႇၼၼ်ႉႁွတ်ႈထိုင်ၵႃႈတီႈတၢင်းဢၼ်ၵႄႇၶျွတ်ႈဢဝ်ယၢပ်ႇၼႃႇၸိုင်ၵေႃႉဢၼ်ဢမ်ႇၵူဝ်းၵႂၢႆႇၽြႃးပဵၼ်ၸဝ်ႈၵေႃႉဢၼ်မီးဢပျႅတ်ႈၼၼ်ႉယိင်ၶႅၼ်းတၵ်းပဵၼ်ၸိူဝ်ႉၼင်ႇႁိုဝ်။
၁၉ ပိူဝ်ႈၼႆလႄႈႁႂ်ႈၶဝ်ၸိူဝ်းဢၼ်လႆႈၶၢမ်ႇၸွမ်းၼင်ႇဢလူဝ်ႇၽြႃးပဵၼ်ၸဝ်ႈၼၼ်ႉဢွၼ်ၵၼ်မၢတ်ႈၽြႃးပဵၼ်ၸဝ်ႈပဵၼ်ၸိူဝ်ႉၼင်ႇၸဝ်ႈဢသၢၵ်ႈဢၼ်မီးသႅတ်ႈၸႃႇၼၼ်ႉသေလႄႈဢွၼ်ၵၼ်သိုပ်ႇၵမ်ၵျၢင်ႉတၢင်းၵမ်တၢင်းၵျၢင်ႉဢၼ်လီဢၼ်ငၢမ်းသေယဝ်ႉဢဝ်ဝိၺိၺ်ႇဢသၢၵ်ႈတူဝ်ၸဝ်ႈၵဝ်ႇဢၢပ်ႈပၼ်တီႈမၼ်းၸဝ်ႈတႃႉ။