၃
ႁႂ်ႈမီးတၢင်းသူးတွင်းလႄႈတၢင်းဢၼ်ၸွႆႈထႅမ်
၁ ၵႂၢမ်းတီႈလိုၼ်းသုတ်းၸမ်း၊ပီႈၼွင်ႉၶဝ်ဢိူၺ်း၊လွင်ႈၼင်ႇႁိုဝ်ၼုၵ်ႉၵပၢတ်ႈတြႃးၸဝ်ႈၽြႃးတၵ်းၸွတ်ႇတူဝ်ၵႂႃႇၵူႈတီႈၵူႈလႅၼ်ႈလႄႈမူၼ်ၽုင်းၸဝ်ႈတၵ်းထၢင်ႇသႃးမိူၼ်ၼင်ႇၼႂ်းသူၼၼ်ႉၸိုင်ႈသူးတွင်းပုၼ်ႈႁဝ်းသေၵမ်း။
၂ လွင်ႈၼင်ႇႁိုဝ်မၼ်းၸဝ်ႈတၵ်းႁႂ်ႈႁဝ်းလွတ်ႈသေၵႃႈၼႂ်းမိုဝ်းၶဝ်ၸိူဝ်းဢၼ်ႁၢႆႉမိူၵ်ႈဢၼ်ဢမ်ႇယုမ်ႇမၢတ်ႈၼၼ်ႉၸိုင်သူးတွင်းပုၼ်ႈႁဝ်းသေၵမ်း။ၵူၺ်းၵႃႈၸဝ်ႈၽြႃးတဵမ်ထူၼ်ႈတင်းသႅတ်ႈၸႃႇယူႇဢေႃႈ။
၃မၼ်းၸဝ်ႈတၵ်းႁႂ်ႈသူမၼ်ႈၶိူင်ႇလႄႈပႂ်ႉသူယူႇႁႂ်ႈလႆႈၵၢင်းလွတ်ႈတင်းလွင်ႈတၢင်းဢၼ်ဢမ်ႇလီဢမ်ႇငၢမ်းၼၼ်ႉဢေႃႈ။
၄ ႁဝ်းဢိင်ၸဝ်ႈၽြႃးသေလႄႈယုမ်ႇလွင်ႈဢၼ်ဝႃႈတေႃႈလဵဝ်ၼႆႉသူၵမ်ၵျၢင်ႉၸွမ်းၵႃႈၼင်ႇဢၼ်ႁဝ်းပိင်းၺၢပ်ႈဝႆႉၼၼ်ႉယူႇလႄႈၵမ်းလိုၼ်းၵေႃႈတၵ်းၵမ်ၵျၢင်ႉယူႇဢေႃႈ။
၅ ႁႂ်ႈၸဝ်ႈၽြႃးမႄးပၼ်ႁူဝ်ၸႂ်သူႁႂ်ႈသူႁၵ်ႉၽြႃးပဵၼ်ၸဝ်ႈဢိၵ်ႇတင်းႁႂ်ႈသူလႆႈယိူၼ်ႉၶၢမ်ႇၸိူဝ်ႉၼင်ႇၸဝ်ႈၶရိၸ်ႉၼၼ်ႉသေၵမ်းလူၺ်ႈ။
၆ ၼႄးၼိုင်ႈၸမ်းပီႈၼွင်ႉၶဝ်ဢိူၺ်း၊ဝေႈပႅတ်ႈသပေီႈၼွင်ႉဢၼ်ႁဵတ်းဢၼ်ဢမ်ႇတြႃးဢၼ်ဢမ်ႇႁဵတ်းၸွမ်းၼင်ႇၼႄးဢူႉပတေႇဢၼ်ၶဝ်ၶၢမ်ႇဢဝ်တီႈႁဝ်းတင်းသဵင်ႈတင်းလူင်ၼၼ်ႉတႃႉ၊ဝႃႈၼႆ၊ႁဝ်းဢိင်ၼႃႇမႃႉၸိုဝ်သဵင်ၸဝ်ႈယေႇသုၶရိၸ်ႉသေလႄႈပိင်းၺၢပ်ႈဝႆႉဢေႃႈ။
၇ လွင်ႈမၼ်းၸမ်းတူဝ်သူႁူႉလွင်ႈဢၼ်သူတၵ်းလႆႈၸွမ်းပုင်ႇသၢၵ်ႈသေႇဢၼ်ႁဝ်းပၼ်ၼၼ်ႉလႄႈၵမ်ၵျၢင်ႉၸိူဝ်ႉၼင်ႇႁိုဝ်ၼၼ်ႉယူႇဢေႃႈ။ႁဝ်းပဵၼ်ၵေႃႉဢၼ်ၶၢၼ်ႈဢိူၼ်ၼႂ်းသူဢမ်ႇၸႂ်ႈ။
၈ ႁဝ်းဢမ်ႇၵိၼ်ၶွင်လၢႆၽူႈလႂ်။ၼင်ႇႁိုဝ်ႁဝ်းတၵ်းဢမ်ႇလႆႈပဵၼ်တၢင်းဢၼ်ယၢပ်ႇၽိုတ်ႇၵႃႈၼိူဝ်သူၼၼ်ႉႁဝ်းၶတ်းၸႂ်ႁဵတ်းတၢင်းႁဵတ်းယူႇၵူႈဝၼ်းၵူႈၶိုၼ်းဢေႃႈ။ၵွပ်ႈပိူဝ်ႈဢၼ်ႁဝ်းဢမ်ႇထိူၵ်ႈလွင်ႈတၢင်းဢၼ်တၵ်းလႆႈၶၢမ်ႇဢဝ်တီႈသူၼၼ်ႉလႄႈႁဝ်းၸင်ႇလႆႈႁဵတ်းၵၢၼ်ဢမ်ႇၸႂ်ႈ။
၉ ႁဝ်းႁဵတ်းႁႂ်ႈလႆႈပဵၼ်ပုင်ႇသၢၵ်ႈသေႇပုၼ်ႈဢၼ်သူတၵ်းၸွမ်းဢေႃႈ။ပဵၼ်ၸိူဝ်ႉၼင်ႇႁိုဝ်ဝႃႈၼႆၸမ်း
၁၀ မိူဝ်ႈဢၼ်ႁဝ်းမီးယူႇလူၺ်ႈၵၼ်တင်းသူၼၼ်ႉၵေႃႈႁဝ်းလႆႈဝႆႉပိင်းၺၢပ်ႈလႄႈဝႃႈ၊-
၁၁ ၵေႃႉဢၼ်ဢမ်ႇၶႂ်ႈႁဵတ်းတၢင်းႁဵတ်းၼၼ်ႉဢမ်ႇထုၵ်ႇလီၵိၼ်၊ဝႃႈၼင်ႇၼႆဝႆႉယဝ်ႉ။ႁဝ်းလႆႈငိၼ်းလွင်ႈဢၼ်ၵူၼ်းၵမ်ႈၽွင်ႈၼႂ်းသူယင်းဢမ်ႇႁဵတ်းၵၢၼ်ႈသင်လႄႈလေႃးလႄးယူႇၵႃႈၼႂ်း
၁၂ လွင်ႈတၢင်းဢၼ်ဢမ်ႇၸၢပ်ႈသႅင်ႇၵၼ်တင်းတူဝ်ၸဝ်ႈၵဝ်ႇၼၼ်ႉၵူၺ်းဢေႃႈ။ၼင်ႇႁိုဝ်ၶဝ်ၸိူဝ်းၼၼ်ႉတၵ်းလႆႈႁဵတ်းတၢင်းႁဵတ်းၼိမ်ၼိမ်လီလီလႄႈၵိၼ်တၢင်းၵိၼ်တူဝ်ၸဝ်ႈၵဝ်ႇၸိုင်ႁဝ်းဢိင်ၸဝ်ႈယေႇသုၶရိၸ်ႉသေလႄႈပိင်းၺၢပ်ႈတိုၵ်းယူင်းၶဝ်ဢေႃႈ။
၁၃ ပီႈၼွင်ႉၶဝ်ဢိူၺ်း၊ႁႅင်းယင်းဢမ်ႇဢူၼ်ႈၸႂ်ယင်းဢမ်ႇလူႉလႄႈၵမ်ၵျၢင်ႉတၢင်းၵမ်တၢင်းၵျၢင်ႉဢၼ်လီဢၼ်ငၢမ်းတႃႉ။ပေႃးသေၵေႃႉသေၵူၼ်းယင်းဢမ်ႇထွမ်ႇဢဝ်ၵႂၢမ်းပိင်းၺၢပ်ႈဢၼ်ႁဝ်းတႅမ်ႈဝႆႉၵႃႈၼႂ်းလိၵ်ႈၼႆႉၸိုင်မၢတ်ႈတွင်းၵေႃႉၼၼ်ႉဝႆႉတႃႉ။
၁၄ လွင်ႈၼင်ႇႁိုဝ်မၼ်းတၵ်းဢူၵ်းဢၢႆၸိုင်၊ယႃႇပေႁဵတ်းၵေႃႉႁဵတ်းသေႈလူၺ်ႈၵၼ်တင်းမၼ်း။
၁၅ ၼႂ်းဝႃႈၼၼ်သေၵေႃႈယႃႇပေမၢတ်ႈမၼ်းပဵၼ်ၸိူဝ်ႉၼင်ႇရၢၼ်ႇသူႇ။မၢတ်ႈမၼ်းပဵၼ်ၸိူဝ်ႉၼင်ႇပီႈၼွင်ႉၼၼ်ႉသေလႄႈပၼ်သတိမၼ်းတႃႉ။
ပၼ်တၢင်းလီမင်ႇၵလႃႇ
၁၆ ႁႂ်ႈၸဝ်ႈတၢင်းၼိမ်ၼၼ်ႉပၼ်တၢင်းၼိမ်တီႈသူၼႂ်းလွင်ႈတၢင်းၵူႈၸိူဝ်ႉၵူႈပိူင်တႃႇသေႇဢမ်ႇထၢတ်ႇသေၵမ်းလူၺ်ႈ။ႁႂ်ႈၸဝ်ႈၽြႃးမီးယူႇလူၺ်ႈၵၼ်တင်းသူသေၵမ်းလူၺ်ႈ။
၁၇ ၵဝ်၊ပေႃးလု၊ဢဝ်တင်းမိုဝ်းတူဝ်ၸဝ်ႈၵဝ်ႇတႅမ်ႈလွင်ႈတၢင်းဢၼ်တၵ်ႉၼၢႆသူဢၼ်ပဵၼ်လၵ်ႈၶၼႃႇလိၵ်ႈဢေႃးဝႃႇတႃႉၵႃႈမီးတင်းသဵင်ႈတင်းလူင်ၼၼ်ႉဢေႃႈ။ၵဝ်တႅမ်ႈဝႆႉၸိူဝ်ႉၼင်ႇၼႆဢေႃႈ။
ႁႂ်ႈသူႉၵျေးၸူးၸဝ်ႈယေႇသုၶရိၸ်ႉမီးၼိူဝ်သူတင်းသဵင်ႈတင်းလူင်သေၵမ်းလူၺ်ႈ။ဢႃႈမိၼ်ႈ။