၁
ၵႂၢမ်းတၵ်ႉလၢတ်ႈလႄႈတၢင်ႇၵျေးၸူး
၁ ၵဝ်၊ပေႃးလု၊တင်းသိလွႃႇၼု၊တင်းတိမေႃးသေႇ၊ပၼ်ငိၼ်းၵႂႃႇတီႈၸိူဝ်းၸဝ်ႈၵူၼ်းဝဵင်း
ထိၵ်ႈသႃႇလေႃးၼိၵ်ႈ၊ဢၼ်တႄႇယူႇၼႂ်းၽြႃးပဵၼ်ၸဝ်ႈဢၼ်ပဵၼ်ပေႃႈၸဝ်ႈႁဝ်းဢိၵ်ႇတင်း
၂ ၸဝ်ႈယေႇသုၶရိၸ်ႉၼၼ်ႉဢေႃႈ။ႁႂ်ႈၵျေးၸူးဢိၵ်ႇတင်းတၢင်းၼိမ်ဢၼ်ပဵၼ်မႃးၵႃႈတီႈၽြႃးပေႃႈၸဝ်ႈတင်းၸဝ်ႈယေႇသုၶရိၸ်ႉၼၼ်ႉမီးၼိူဝ်သူသေၵမ်းလူၺ်ႈ။
တၢင်းဢၼ်ပၼ်ဢဵၼ်ပၼ်ႁႅင်းၼႂ်းမိူဝ်ႈဢၼ်လႆႈၶၢမ်ႇ
၃ ပီႈၼွင်ႉၶဝ်ဢိူၺ်း၊ႁဝ်းယွင်ႈယေႃးၵျေးၸူးၽြႃးပဵၼ်ၸဝ်ႈၵွပ်ႈပိူဝ်ႈတၢင်းယုမ်ႇမၢတ်ႈသူယႂ်ႇမႃးလႄႈသူၵေႃႉၼိုင်ႈလႄႈၵေႃႉၼိုင်ႈၼင်ႇၵၼ်ၵၼ်မီးတင်းမႅတ်ႈတႃႇလႄႈယိင်ၶႅၼ်းႁၵ်ႉၵၼ်ၼၼ်ႉဢေႃႈ။
၄ ပိူဝ်ႈၼႆလႄႈႁဝ်းထွၵ်ႈလူၺ်ႈတၢင်းယိူၼ်ႉၶၢမ်ႇဢိၵ်ႇတင်းတၢင်းယုမ်ႇမၢတ်ႈသူၼႂ်းမိူဝ်ႈဢၼ်သူလႆႈၶၢမ်ႇတၢင်းဢၼ်ၼိၵ်ႈၸၢၵ်ႈငႅၼ်းသေးတုၵ်ႉၶႃႉတၢင်းၽၢၼ်ၵႃႈမီးတင်းသဵင်ႈတင်းလူင်ၼၼ်ႉလႄႈႁဝ်းလႆႈဢုပ်ႇဝၢဝ်းၵွပ်ႈသူၼႂ်းၸိူဝ်းၸဝ်ႈၽြႃးပဵၼ်ၸဝ်ႈတင်းလၢႆဢေႃႈ။
တၢင်းၸီႇယၢင်ႇၽြႃးပဵၼ်ၸဝ်ႈဢၼ်သိုဝ်ႈတေႃႇ
၅ လွင်ႈၼင်ႇႁိုဝ်သူတၵ်းလႆႈၶၢမ်ႇတၢင်းဢၼ်မၼ်းၸဝ်ႈမၢတ်ႈပဵၼ်ၵေႃႉဢၼ်လႆႈၶၢမ်ႇတုၵ်ႉၶႃႉပုၼ်ႈမိူင်းၽြႃးပဵၼ်ၸဝ်ႈလႄႈထိူၵ်ႈၸၢမ်ႇၸႃးမိူင်းၸဝ်ႈၼၼ်ႉၸိုင်လွင်ႈတၢင်းဢၼ်ၽြႃးပဵၼ်ၸဝ်ႈၸီႇယၢင်ႇၸွမ်းၼင်ႇတြႃးၼၼ်ႉထၢင်ႇသႃးယူႇဢေႃႈ။
၆ ၽြႃးပဵၼ်ၸဝ်ႈတၵ်းၸီႇယၢင်ႇၸွမ်းၼင်ႇတြႃးလႄႈတႅၼ်းပၼ်တုၵ်ႉၶႃႉတၢင်းၽၢၼ်တီႈၶဝ်ၸိူဝ်းဢၼ်ၼိၵ်ႉၸၢၵ်ႈငႅၼ်းသေးသူ၊
၇ ပၼ်တၢင်းဢၼ်ၵတ်းယဵၼ်ၶျၢမ်းသႃႇတီႈသူၸိူဝ်းဢၼ်လႆႈၶၢမ်ႇတုၵ်ႉၶႃႉတၢင်းၽၢၼ်လူၺ်ႈၵၼ်တင်းႁဝ်း၊ၼႂ်းမိူဝ်ႈဢၼ်ၸဝ်ႈယေႇသုၶရိၸ်ႉပႃးတင်းတမၢၼ်ႇၵၢင်ႁၢဝ်ဢၼ်မီးတၼ်းၶူဝ်းၸိူဝ်းၼၼ်ႉလႄႈ
၈ ပေႃႇမႃးၵႃႈၼိူဝ်ၽုင်ႇၵၢင်ႁၢဝ်ၼႂ်းမုၵ်ႈၽႆးလႄႈပၼ်တၢမ်ႇတီႈၶဝ်ၸိူဝ်းဢၼ်ဢမ်ႇႁူႉၽြႃးပဵၼ်ၸဝ်ႈတင်းၶဝ်ၸိူဝ်းဢၼ်ဢမ်ႇထွမ်ႇဢဝ်တြႃးသတၢင်းသိူဝ်းပျေႃႇၸဝ်ႈႁဝ်းၸဝ်ႈယေႇသုၶရိၸ်ႉၼၼ်ႉဢေႃႈ။
၉ ၶဝ်တၵ်းလႆႈၽၢတ်ႇယၢၼ်ၵၼ်တင်းၼႃႈၸဝ်ႈၽြႃးဢိၵ်ႇတင်းမူၼ်ၽုင်းၸဝ်ႈဢၼ်မီးတၼ်းၶူဝ်းၼၼ်ႉသေလႄႈလႆႈၶၢမ်ႇတၢမ်ႇဢပျႅတ်ႈ
၁၀ ဢၼ်ပဵၼ်တၢင်းလူႉတၢင်းလႅဝ်ထႃႇဝရႃႉၼႂ်းမိူဝ်ႈဝၼ်းဢၼ်မၼ်းၸဝ်ႈၵျွႃးမႃးႁႂ်ႈလႆႈၶၢမ်ႇတၢင်းဢၼ်မူၼ်သရေႇၸဝ်ႈထၢင်ႇသႃးၵႃႈၼႂ်းၵူၼ်းမူတ်းၸၢင်ႇမၼ်းၸဝ်ႈတင်းလၢႆဢိၵ်ႇတင်းတၢင်းဢၼ်ယွင်ႈယေႃးၼႂ်းၶဝ်ၸိူဝ်းဢၼ်ယုမ်ႇမၢတ်ႈၵွပ်ႈပိူဝ်ႈဢၼ်သူယုမ်ႇမၢတ်ႈသၢၵ်ႈသေႇဢၼ်ႁဝ်းၶၢမ်ႇတင်းသဵင်ႈတင်းလူင်ၼၼ်ႉဢေႃႈ။
၁၁ ပိူဝ်ႈၼႆလႄႈလွင်ႈၼင်ႇႁိုဝ်ၽြႃးပဵၼ်ၸဝ်ႈႁဝ်းတၵ်းမၢတ်ႈသူပဵၼ်ၵေႃႉဢၼ်ထိူၵ်ႈၶၢမ်ႇဢဝ်ၵျေးၸူးတၢင်းဢၼ်မၼ်းၸဝ်ႈႁွင်ႉဢဝ်ၼၼ်ႉလႄႈႁႂ်ႈၸေႇတၼႃႇတၢင်းဢၼ်မျၢတ်ႈလီတင်းသဵင်ႈတင်းလူင်ဢိၵ်ႇတင်းဢမူႉတၢင်းဢၼ်ယုမ်ႇမၢတ်ႈသူၼၼ်ႉတဵမ်ဝႆႉတင်းႁႅင်းတၼ်းၶူဝ်း
၁၂ ဢိၵ်ႇတင်းလွင်ႈၼင်ႇႁိုဝ်တၵ်းႁႂ်ႈမူၼ်ၽုင်းၼႃႇမႃႉၸိုဝ်သဵင်ၸဝ်ႈယေႇသုၶရိၸ်ႉထၢင်ႇသႃးၵွပ်ႈပိူဝ်ႈသူ၊ဢိၵ်ႇတင်းလွင်ႈၼင်ႇႁိုဝ်တၵ်းႁႂ်ႈမူၼ်ၽုင်းသူထၢင်ႇသႃးၵွပ်ပိူဝ်ႈမၼ်းၸဝ်ႈၵႃႈၼင်ႇၵျေးၸူးၽြႃးပဵၼ်ၸဝ်ႁဝ်းၸဝ်ႈယေႇသုၶရိၸ်ႉၼၼ်ႉၸိုင်ႁဝ်းႁဵတ်းသူးတွင်းပထၼႃႇပုၼ်ႈသူယူႇသေႇသေႇဢေႃႈ။