၃
ၸူဝ်ႈတႃႇဢသၢၵ်ႈၶရိၸ်ႉယၢၼ်ႇ
၁ ၵႃႈၼင်ႇဢၼ်ဝႃႈမႃးယဝ်ႉၼၼ်ႉပေႃးသူလုၵ်ႉၶိုၼ်းလူၺ်ႈၵၼ်တင်းၸဝ်ႈၶရိၸ်ႉဢမၢၼ်ႇၶၼ်ပဵၼ်ၸိုင်သူဢွၼ်ၵၼ်ႁႃဢဝ်လွင်ႈတၢင်းဢၼ်မီးယူႇၵႃႈၼိူဝ်တီႈဢၼ်ၸဝ်ႈၶရိၸ်ႉၼင်ႈယူႇၵႃႈတီႈၽၢႆႇၶႂႃႇၽြႃးပဵၼ်ၸဝ်ႈၼၼ်ႉတႃႉ။
၂ ယႃႇပေမီးၸႂ်ဢၼ်ၸပ်းၸွႆးလွင်ႈတၢင်းဢၼ်မီးၵႃႈၼိူဝ်လိၼ်မိူင်းၸိူဝ်းၼႆႉ။မီးၸႂ်ဢၼ်ၸပ်းၸွႆးလွင်ႈတၢင်းဢၼ်မီးၵႃႈၼိူဝ်ၸိူဝ်းၼၼ်ႉတႃႉ။
၃ လွင်ႈမၼ်းၸမ်းသူပဵၼ်ၵေႃႉဢၼ်တၢႆယဝ်ႉလႄႈဢသၢၵ်ႈသူၼၼ်ႉသိူင်ႇဝႆႉလပ်ႉဝႆႉလူၺ်ႈၵၼ်တင်းၸဝ်ႈၶရိၸ်ႉၼႂ်းၽြႃးပဵၼ်ၸဝ်ႈယူႇဢေႃႈ။
၄ မိူဝ်ႈဢၼ်ၸဝ်ႈၶရိၸ်ႉဢၼ်ပဵၼ်ဢသၢၵ်ႈႁဝ်းၼၼ်ႉထၢင်ႇသႃးမႃးၼၼ်ႉၸိုင်ႁဝ်းၵေႃႈမူၼ်တၵ်းယႂ်ႇလႄႈထၢင်ႇသႃးမႃးလူၺ်ႈၵၼ်တင်းမၼ်းၸဝ်ႈဢေႃႈ။
၅ ပိူဝ်ႈၼႆလႄႈႁႂ်ႈဢင်ႇၵႃႇတူဝ်သူဢၼ်မီးယူႇၵႃႈၼိူဝ်လိၼ်မိူင်းဢၼ်ပဵၼ်တၢင်းဢၼ်ႁဵတ်းမေႇထုင်ႇဢၼ်ဢမ်ႇတြႃးတၢင်းဢၼ်ႁဵတ်းဢၼ်ၵူဝ်ႈဢၼ်ၵိူၵ်ႇ၊တၢင်းဢၼ်ၸႂ်ၵီႉလေႇသႃႇမႆႈႁွၼ်ႉ၊တၢင်းဢၼ်ၸႂ်ၸပ်းၸႂ်ၸွႆးဢၼ်ႁၢႆႉမိူၵ်ႈတၢင်းဢၼ်လေႃးၽႃႉပူၼ်ႉလိူဝ်ဢၼ်ပဵၼ်တၢင်းဢၼ်ၵူဝ်းၵႂၢႆႇရူၵ်ႈထူႉၸိူဝ်းၼၼ်ႉတၢႆပႅတ်ႈသေတႃႉ။
၆ ၵွပ်ႈပိူဝ်ႈလွင်ႈတၢင်းၸိူဝ်းၼၼ်ႉလႄႈတၢင်းၸႂ်မႆႈၶႂ်ႈၸႃႉၽြႃးပဵၼ်ၸဝ်ႈၸင်ႇႁွတ်ႈထိုင်မႃးၵႃႈၼိူဝ်ၶဝ်ၸိူဝ်းဢၼ်ႁဵတ်းလွင်ႈတၢင်းၸိူဝ်းၼၼ်ႉဢေႃႈ။
၇ မိူဝ်ႈဢၼ်သူဢသၢၵ်ႈယင်းလိပ်းယူၼႂ်းလွင်ႈတၢင်းၸိူဝ်းၼၼ်ႉၸိုင်သူၵႂႃႇမႃးယူႇၼႂ်းလွင်ႈတၢင်းၸိူဝ်းၼၼ်ႉဢေႃႈ။
၈ တေႃႈလဵဝ်ၼႆႉၸမ်းပႄႇပႅတ်ႈလွင်ႈတၢင်းၸိူဝ်းၼၼ်ႉတင်းသဵင်ႈတင်းလူင်ဢိၵ်ႇတင်းတၢင်းဢၼ်တေႃးသႃႉဢွၵ်ႇ၊တၢင်းဢၼ်ၸႂ်မႆႈၶႂ်ႈၸႃႉ၊တၢင်းဢၼ်သီႇၵေႉႁေႈတႃ၊တၢင်းဢၼ်ယႃႉသရေႇပိူၼ်ႈလူႉ၊တၢင်းဢၼ်လၢတ်ႈၵႂၢမ်းဢၼ်ၵူဝ်ႈၵိူၵ်ႇၸိူဝ်းၼၼ်ႉသေၵႃႈၼႂ်းသူပ်းသူတႃႉ။
၉ ၵေႃႉၼိုင်ႈလႄႈၵေႃႉၼိုင်ႈယႃႇပလေၢတ်ႈၵႂၢမ်းမူႉသႃႇတေႃႇၵၼ်။လွင်ႈမၼ်းၸမ်း၊သူထွတ်ႇပႅတ်ႈတူဝ်ၵူၼ်းဢၼ်ၵဝ်ႇ၊ဢိၵ်ႇတင်းတၢင်းၵမ်တၢင်းၵျၢင်ႉဢၼ်ၵဝ်ႇၸိူဝ်းၼၼ်ႉသေလႄႈ၊
၁၀ ပဵၼ်ၵေႃႉဢၼ်ဢဝ်ၵူၼ်းဢၼ်မႂ်ႇဢၼ်ၶၢမ်ႇတၢင်းဢၼ်ႁဵတ်းပဵၼ်ဢၼ်မႂ်ႇပုၼ်ႈဢၼ်တၵ်းမီးပိင်ႇၺႃႇဢၼ်မၢၼ်ႇဢၼ်မႅၼ်ႈၸိူဝ်ႉၼင်ႇပုင်ႇႁၢင်ႊၵေႃႉဢၼ်မၼ်းၸဝ်ႈၽၢၼ်ႇသၢင်းႁဵတ်းပဵၼ်ၼၼ်ႉသေလႄႈၼုင်ႈမႆႊယဝ်ႉ။
၁၁ ၼႂ်းလွင်ႈတၢင်းဢၼ်ၽၢၼ်ႇသၢင်းႁဵတ်းပဵၼ်ၼၼ်ႉဢမ်ႇမီးၵူၼ်းယုတ၊ဢမ်ႇမီးတၢင်းဢၼ်ၶၢမ်ႇတၢင်းဢၼ်ထိူဝ်ႁိမ်း၊ဢမ်ႇမီးတၢင်းဢၼ်ဢမ်ႇၶၢမ်ႇတၢင်းဢၼ်ထိူဝ်ႁိမ်း၊ဢမ်ႇမီးၵူၼ်းရိူင်း၊ဢမ်ႇမီးၵူၼ်းသၵုသိ၊ဢမ်ႇမီးၶႃႈ၊ဢမ်ႇမီးၵူၼ်းလွတ်ႈ။ၸဝ်ႈၶရိၸ်ႉပဵၼ်တင်းသဵင်ႈတင်းလူင်ၼႂ်းတင်းသဵင်ႈတင်းလူင်ဢေႃႈ။
၁၂ ပိူဝ်ႈၼႆလႄႈၸိူဝ်ႉၼင်ႇဢၼ်ပဵၼ်ၵေႃႉဢၼ်ၽြႃးပဵၼ်ၸဝ်လိူၵ်ႈၵဵပ်းဢဝ်ၼၼ်ႉႁႂ်ႈလႆႈပဵၼ်ၵေႃႉဢၼ်မူတ်းၸၢင်ႇ၊ၵေႃႉဢၼ်ထုၵ်ႇလီႁၵ်ႉလီပႅင်းၼၼ်ႉသူဢွၼ်ၵၼ်ဢဝ်တင်းတၢင်းဢၼ်ၸၢင်ႊႁၵ်ႉဢိတ်းလူ၊တၢင်းဢၼ်ႁဵတ်းၵျေးၸူး၊တၢင်းဢၼ်ၶျႃးတႅမ်ႇတၢင်းဢၼ်ၼိမ်သိမ်ႇဢူၼ်ႈဢွၼ်ႇတၢင်းဢၼ်ၸႂ်ယႂ်ႇၸႂ်ယၢဝ်းၸိူဝ်းၼၼ်ႉၼုင်ႈမႆႊတႃႉ။
၁၃ ပေႃးၵေႃႉၼိုင်ႈမီးတီႈတၢင်ႇဢပျႅတ်ႈတီႈၵေႃႉၼိုင်ႈၸိုင်၊ၼင်ႇၵၼ်ၵၼ်ယိူၼ်ႉၶၢမ်ႇၵၼ်သေလႄႈဢိတ်းလူပွႆႇလွတ်ႈဢပျႅတ်ႈတီႈၵၼ်တႃႉ။ၸိူဝ်ႉၼင်ႇဢၼ်ၸဝ်ႈၶရိၸ်ႉဢိတ်းလူပွႆႇလွတ်ႈဢပျႅတ်ႈသူၼၼ်ႉသူၵေႃႈႁဵတ်းၸိူဝ်ႉၼင်ႇၼၼ်တႃႉ။
၁၄ ဢဝ်တၢင်းႁၵ်ႉမႅတ်ႈတႃႇဢၼ်ဝႃႈတၢင်းဢၼ်မတ်ႉၶွတ်ႇၽွတ်ႇၶႅၼ်းဢၼ်ၸေးဢၼ်ၸုမ်ႇၼၼ်ႉထၢပ်ႈထႅင်ႈလႄႈၼုင်ႈမႆႊတႃႉ။
၁၅ ႁႂ်ႈတၢင်းၼိမ်ၸဝ်ႈၶရိၸ်ႉဢုပ်ႉပိူင်ႇၵႃႈၼႂ်းႁူဝ်ၸႂ်သူတႃႉ။သူၶၢမ်ႇတၢင်းဢၼ်မၼ်းၸဝ်ႈႁွင်ႉဝႆႉတီႈတူဝ်ဢၼ်လဵဝ်ၵၼ်ႁႂ်ႈပဵၼ်ပုၼ်ႈၸိူဝ်ႉၼင်ႇၼၼ်လႄႈမီးၸႂ်ဢၼ်ႁူႉၸၵ်းၵျေးၸူးၸဝ်ႈတႃႉ။
၁၆ ႁႂ်ႈၼုၵ်ႉၵပၢတ်ႈတြႃးၸဝ်ႈၶရိၸ်ႉဢၼ်ပႃးတင်းပိင်ႇၺႃႇၵူႈၸိူဝ်ႉၵူႈပိူင်ၼၼ်ႉတႄႇယူႇၵႃႈၼႂ်းသူၼမ်ၼမ်လႄႈၼင်ႇၵၼ်ၵၼ်ႁဵတ်းတၢင်းဢၼ်သင်ႇသွၼ်သုင်းမႃႉၵၼ်၊တၢင်းဢၼ်ပၼသတိတီႈၵၼ်လႄႈသူဢဝ်တင်းတၢင်းဢၼ်ႁဵတ်းၵႂၢမ်းသႃႇလၢမ်ႇဢိၵ်ႇတင်းတၢင်းဢၼ်ႁဵတ်းၵႂၢမ်းထမ်ႇမႃႉၵူႈၸိူဝ်ႉၵူႈမဵဝ်း၊ပႃးတင်းႁူဝ်ၸႂ်ဢၼ်ဢူၼ်ႈလီဢွၼ်ႇလီလႄႈႁဵတ်းၵႂၢမ်းဢၼ်သၢင်ႇထုၵ်ႇၵႃႈတီႈၽၢႆႇၼႃႈၽြႃးပဵၼ်ၸဝ်ႈတႃႉ။
၁၇ မိူဝ်ႈဢၼ်လၢတ်ႈၵႂၢမ်းလႄႈသင်၊မိူဝ်ႈဢၼ်ပွင်ႁဵတ်းဢမူႉလႄႈသင်၊ထွၵ်ႈလူၺ်ႈၼႃႇမႃႉၸိုဝ်သဵင်ၸဝ်ႈယေႇသုၶရိၸ်ႉလႄႈႁဵတ်းလွင်ႈတၢင်းၵႃႈမီးတင်းသဵင်ႈတင်းလူင်တႃႉ။ဢိင်မၼ်းၸဝ်ႈသေလႄႈဝႃႈ၊ၵျေးၸူးၸဝ်ႈယႂ်ႇၼႃႇၶႃႈဢေႃႈ၊ဝႃႈၼင်ႇၼႆသေလႄႈႁပ်ႉတုင်းဢဝ်ၵႃႈတီႈၽၢႆႇၼႃႈၽြႃးပေႃႈၸဝ်ႈတႃႉ။
ၼႃႈႁိူၼ်းၶရိၸ်ႉယၢၼ်ႇ
၁၈ ၽူႈယိင်းၶဝ်ဢိူၺ်း၊ၵႃႈၼင်ႇဢၼ်သၢင်ႇထုၵ်ႇၼႂ်းၸဝ်ႈၽြႃးၼၼ်ႉၶၢမ်ႇတၢင်းဢၼ်ၽူဝ်သူဢုပ်ႉပိူင်ႇတႃႉ။
၁၉ ၽူႈၸၢႆးၶဝ်ဢိူၺ်း၊ႁၵ်ႉမေးသူတႃႉ။ယႃႇပေႁဵတ်းတၢင်းဢၼ်ၵျၢမ်းထၢမ်းၼႃႇလူင်လၢင်။လုၵ်ႈလၢင်းၶဝ်ဢိူၺ်း၊ထွမ်ႇဢဝ်ၵႂၢမ်းပေႃႈၵႂၢမ်းမေႈသူၼႂ်းလွင်ႈတၢင်းၵူႈၸိူဝ်ႉၵူႈပိူင်ၼၼ်ႉတႃႉ။
၂၀ လွင်ႈတၢင်းဢၼ်ထွမ်ႇဢဝ်ၵႂၢမ်းပေႃႈမေႈၼၼ်ႉပဵၼ်လွင်ႈတၢင်းဢၼ်ထုၵ်ႇၸႂ်ၸဝ်ႈၽြႃးဢေႃႈ။
၂၁ ပေႃႈၶဝ်ဢိူၺ်းယႃႇပေႁဵတ်းႁႂ်ႈလုၵ်ႈလၢင်းတင်းလၢႆၸႂ်မႆႈၸႂ်လိူတ်ႇ။ပေႃးႁဵတ်းၸိုင်ၶဝ်တၵ်းႁွတ်ႈထိုင်တၢင်းဢၼ်ႁႅင်းဢူၼ်ႈလႄႈၸႂ်လူႉဢေႃႈ။
၂၂ ၶႃႈၶဝ်ဢိူၺ်း၊ထွမ်ႇဢဝ်ၵႂၢမ်းၸဝ်ႈလေႃးၵီႇသူၼႂ်းလွင်ႈတၢင်းၵူႈၸိူဝ်ႉၵူႈပိူင်တႃႉ။ယင်းဢမ်ႇမီးႁူဝ်ၸႂ်သွင်ၽၢႆႇသွင်ပႃႈ၊ယင်းဢမ်ႇပဵၼ်ၵေႃႉဢၼ်ႁဵတ်းႁၢင်ႊႁႂ်ႈႁုဝ်ၸႂ်ၵူၼ်းသိူဝ်းၵူၺ်းလႄႈမီးၸႂ်ဢၼ်ၵူဝ်ႁႄၸဝ်ႈၽြႃးသေယဝ်ႉ၊
၂၃ ၼႂ်းၵႃႈဢၼ်သူႁဵတ်းတင်းသဵင်ႈတင်းလူင်ၼၼ်ႉပႃးတင်းၸႂ်ၸေႇတၼႃႇသေလႄႈႁဵတ်းၸိူဝ်ႉၼင်ႇဢၼ်ပွင်ႁဵတ်းဢမူႉၵူၼ်းဢမ်ႇၸႂ်ႈလႄႈႁဵတ်းၸိူဝ်ႉၼင်ႇဢၼ်ပွင်ႁဵတ်းဢမူႉၸဝ်ႈၽြႃးၼၼ်ႉတႃႉ။
၂၄ သူတၵ်းလႆႈၶၢမ်ႇဢဝ်ဢၵျူဝ်းဢၼ်ပဵၼ်ဢမူၺ်ႇၸဝ်ႈၼႂ်းမိူင်းၸဝ်ႈၽြႃးဝႃႈၼႆမၢတ်ႈတွင်းဝႆႉတႃႉ။ၶၢမ်ႇတၢင်းၸႂ်ႉတၢင်းသွႆၸဝ်ႈၶရိၸ်ႉတႃႉ။
၂၅ ၵေႃႉဢၼ်ႁဵတ်းဢမူႉဢၼ်ဢမ်ႇတြႃးၼၼ်ႉၸမ်းတၵ်းလႆႈၶၢမ်ႇဢၵျူဝ်းဢပျႅတ်ႈဢမူႉတၢင်းဢၼ်တူဝ်ၸဝ်ႈၵဝ်ႇႁဵတ်းၼၼ်ႉဢေႃႈ။မၼ်းၸဝ်ႈဢမ်ႇတူၺ်းၼႃႈၽူႈလႂ်သေၵေႃႉသေၵူၼ်း။